2 तिमुतियूस 4:11 - Korwa Bible

¹¹ ईंग सुदा लूका एकला इदानिया। ईंगराः सेवारे संघरा एमेवायिंग लगा मरकूस होंम अगूगेय।

2 तिमुतियूस 4:11 Σταυροειδείς Αναφορές

मती ओजाःतेरा भगवानराः नपाय सरवन 19:30

मनदो मड़ंगरे इदानकुःआ, हँकुःआ होड़कू अते मुरुक बगरा होड़कू तयोम जुवाःता अरू तयोमरे इदानकुःआ, हँकुःआ होड़कू अते मुरुक बगरा होड़कू मड़ंग जुवाःताकू।”

मती ओजाःतेरा भगवानराः नपाय सरवन 20:16

ननन इया तयोमरे इदानकुःआ हँकुःआ होड़कू मड़ंग जुवाःता अरू मड़ंगरे इदानकुःआ हँकुःआ होड़कू तयोम जुवाःता।”

लूका 13:30

ईंगपे अयूम, तयोमरेकू दोहोनता हँकू मड़ंग जुवाःताकू अरू मड़ंगकू दोहोनता हँकू तयोम जुवाःताकू।”

मूक चेलाकू 12:12

नाःआ कता पतरस सुदीतेड दो, हाँय एहुनारीग एंगात मरियमराः ओड़ाःरेय सेनेडा। हाँयग एहुनाराः एटाः ञाव दोहोना मरकूस। हंडा मुरुक होड़कू जुमावनेनखन भगवान एचेरे पतरस लगाकू अरजीःआ।

मूक चेलाकू 12:25

बरनाबास अरू साहूल अँकिनराः सेवा चबातेडखन एरुसलेम सहर अते अंतकिया सहर अगीकिन कुदायान। सेनेन मेला हँकिन सुदा एहुनाकिन गोःयाड। अरू हाँयग एहुनाराः एटाः ञाव दोहोना मरकूस।

मूक चेलाकू 15:37

हँकिन सुदा मरकूस माःआन एटाः ञाव दोहोना हाँयग एहुना हों गोःगेय लगा बरनाबास ओंगोलतेरा।

मूक चेलाकू 15:39

नाःआ कता बदीरे हँकिन बना होड़ मुरुककिन अड़ा-चउकीयान अरू हना तयोमरे हँकिन एटाः एटाः अगी परसारगे लगाकिन सेनेडा। बरनाबास, मरकूस सुदा जहाजरे सइपरास डुगु अगी तोराय।

मूक चेलाकू 16:10

पउलूस नाःआ दरसन ञेलतेडखन तयोमरेय सुदीगोतेड, मकिदुनिया देसरिकुःआ होड़कू एचेरे भगवानराः नपाय सरवन कता उदुः लगा भगवान अलेय राःतना, माःआन। अरू ओहेन मकिदुनिया देस सेन लगाले सपड़ावनेना।

कुलूसी 4:10

परसार बदीरे ईंग सुदा जेहेलरे इदानिया, हाँयग अरिसतरकूस अपेय सलामतना। अरू बरनाबासरीग नसी-नता बोहोत मरकूस अपेय सलामतना। अपे मनाड़ंगगिंग उदुःवाडपेःआ मरकूस लगा करा इया अपेके एएचे इदा। हाँय वेग दो अपे हाँय नपायतेपे नेत-नेवारगेय।

कुलूसी 4:14

अलेरीग दुलार जिड़ीदार लूका अरू देमास, हँकिन अपेकिन सलामतना।

2 तिमुतियूस 1:15

आम सुदीयतना आसियारिकुःआ अदोम बिसवासी होड़कू ईंगकू अड़ाःगोतेडा। पुगलूस अरू हिरमुगनेस, हँकिन हों ईंगकिन अड़ाःगोतेडा।

2 तिमुतियूस 2:21

तोनोंगीग होड़ अनँयग जीव बेलूर कता अते कगराव हड़ाःगेता दो, हाँयग होड़राः जीव सुद होया जुवाःता अरू ननपाय बुता एचे लगा ओड़ाः मालिकके उपयोतगेयीगे होयाःता।

पिलेमोन 1:24

ईंगरिकुःआ सेवा देंगवा होड़कू मरकूस, अरिसतरकूस, देमास अरू लूका आमकू सलामतना।

1 पतरस 5:13

बाबील सहररे इदानकुःआ सुनावतो होड़कू अपेकू सलामतना। ईंग बेटा इयायीग मरकूस हों अपेय सलामतना।