2 तिमुतियूस 3:8 - Korwa Bible

⁸ एनेस अरू अंबरेस, मोसेसकिन घंटावतेरा हनन इया ओंगोल बेलूरयना अरू भगवान मेडरे बिसवास सदायना हँकुःआ लबरा चेडदार होड़कू हों सताय चेडकू घंटावता।

2 तिमुतियूस 3:8 Σταυροειδείς Αναφορές

मूक चेलाकू 15:24

अले नाःआ इयाले अयूमकेरा, अले अते तोनोंग तोनोंग होड़कू अपे एचेरे सेनेकियानखन हँकूराः कताते अपेराः जीवकू एचे कुहकावगोतेरा अरू अपेराः जीवकू बहकावगोतेडा। मनदो अले हँकू एचेरे तोनोंग हातपात मेरले एमेवागाडकुःआ।

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

रूमी 16:18

नाःआ इयाकू एचेयता हँकुःआ होड़कू अबूरीग परबू ईसू मसी मेरकू सेवायता, मनदो अँननकू नफा पवाः लगाकू सेवातना। हँकू अँनकूराः बोनावतो बड़राते सुधा होड़कूकू बहकावगोडकूताकू।

इपीसी 4:14

नाःआ इया अबू मसीरेबू हरानता दो, अबू लइंकू इया ओरोबू दोहोनेना। डोंगा लहराते तुकड़ाव हड़ाःता हनन इया अडिग बइना चलहू होड़कू अँकूराः एटाः एटाः लबरा चेडतोते ओरोकू बहकाव अवेतेडबुःआ।

1 तिमुतियूस 1:19

बिसवास अरू सताय ओंगोलते नपायमे लड़ाइगोड ञवन। अदोम होड़कू सताय ओंगोल अड़ाःकेडखन बिसवास दूर अतेकू बहकावयना।

1 तिमुतियूस 4:2

ओंगोल लोलो लोहाते लो मुरात इया केटेग इदा हँकुःआ लबरा पचघुचिया होड़कू ननन इया होड़कूकू चेडता।

1 तिमुतियूस 6:5

नाःआ इया होड़कू अनभनिया कड़ीगकू रेमगोडता। अरू हँकूराः जीव आडतो इदा अरू हँकू मेरकू सुदीयता सताय चिला हवे। हँकू ओंगलेता, धरमराः दूररे मुरुक नफा इदा, माःआन।

2 तिमुतियूस 4:15

अले चेडतिरिया हना सरवन हाँय मुरुके हिनइस-बिनइसवारा। हनालगा आम हाँय अते सवासितीम दोहोन।

तितूस 1:10

अगड़-बगड़ होड़कू अरू बेगर लूर बड़राकू बड़राता हँकुःआ होड़कू अरू अडिग होड़कू, बिसेक खतनागे लगाकू चेडकूता हँकुःआ एहूदाकू मुरुक इदानकुःआ।

तितूस 1:16

हँकू कतनता, अले भगवानले सुदीयतना, माःआन। मनदो हँकूराः बुताते भगवानकू आड-बेकारवायता। हँकू भगवानराः कता मेरकू मनवेता अरू एरांगवा इया इदानकुःआ अरू तोनोंगाः नपाय बुता जुकूर कोवाकुःआ।

2 पतरस 2:14

हँकू जमा बेला सनहा-सनही ओंगोलरेकू दोहो ञवनता, अरूकू कसूरगोड ञवनता। हँकू बुकली-बोको होड़कू एचे कसूरकू लगाकू लहरावकूता। हँकू लुभिया ओंगोल लगाकू हेवायना अरू भगवान अगीते सती-सरापतो इदानकुःआ।

1 एहुना 2:18

ने ईंगरिकुःआ लइंकू इया इदानपेःआ, नाःआ चउंदीस लुलिगगुःराः बेला होयाःता। अपे अयूमकेरा, मसी मुदइ होड़ वेग लगा इदानिया। अरू नाःआ बेलारे होँपे ञेनेलतना मसी मुदइ होड़कू वेगकियाकू। नान अते अबू सुदीयता नाःआ चउंदीस टुटीगगुःराः बेला ओहेन निचकाःतना।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।

उदुःतो कताकून 2:20

हनते हों अपे बदीरे ईंगके मीटोंग बड़रा ककता लगा इदा; इजबील ञावीग अइमी मेरपे हिगार एंडायतना। हाँय ईंगरिकुःआ सेवकिया होड़कू अडिगकेडकूखने कतायता, ईंग भगवानराः बड़रा कतायीग अइमी हवे, माःआन। हाँयराः चेडतोते, मुरतीकून मड़ंगरे मंडावतो जिनिसकून जोम लगा अरू सनहा-सनहीपे एचेय लगा होड़कूय बहकावतना।

उदुःतो कताकून 2:6

मनदो अपे बदीरे मीटोंग नपाय बड़रा इदा। अपे निकुलाय होड़कूराः बुतापे एरांगवाता, अरू हना ईंग होयिंग एरांगवाता।