2 तिमुतियूस 3:2 - Korwa Bible

² हनमेला होड़कू अँनकू अँकू दुलारगुःता, लुभिया अरू बड़वार होड़कूकू होयाःता, जमाकू अते मरंगकू ओंगलुःता, एटाः होड़कूकू ओपताता अरू अँननकू एंगा अपाराः कताकू टड़ावगोडता, बेगर मयातेकुःआ अरू मइलाल जीव होड़कू होयाःता।

2 तिमुतियूस 3:2 Σταυροειδείς Αναφορές

मती ओजाःतेरा भगवानराः नपाय सरवन 15:6

दो हाँय अनँयगरीग एंगात सहे अपात मान मरजइत लगा कोवानेःआ, माःआन। नाःआ इया अपे अपेराः रिती-बिधी मनाः अते भगवानराः सरवनपे टड़ाव एंडागोडता।

लूका 12:15

अरू ईसू हँकुःआ होड़कू एचेरेय कताया, “सवासितीपे दोहोन। जमा इयाःआ ललची अते अपेराः जीवपे बनसाव। तोनोंगीग जमा जइतकूने किजा जुमावगोड हों हाँयराः जीव नपाय ओरो दोहोनेना।”

लूका 16:14

ललचीकू दोहोना हँकुःआ फरीसी होड़कू, ईसूराः बड़रा अयूमवाडखन हाँयकू लंदावाःआ।

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

मूक चेलाकू 5:36

तोनोंग बरिस मड़ंग तियुदास ञावीग होड़ दोहोना। हाँय अनँयग आँयग मरंगे ओंगलुःआ। हाँय सुदा अंदांज चइर सव होड़कू होंकू मेसानेना। मनदो सइना होड़कू हाँयकू ञेड गोएग एंडातेरा अरू हाँय सुदाकू दोहोना हँकुःआ जमा होड़कू सितिर-बितिरयनाकू।

रूमी 11:18

दो अपे अहापे बड़वार, भगवान हँकू तपेग एंडाकेडकूखन अलेय तोल जोड़ोवकेरा, माःआन। मनदो अपे नाःआ कतापे उहियारगोड ञवन, जेर जियाः लगा अपे दाःकून मेरपे एमेयतना मनदो अपे जियाः लगा जेनेर दाःकून एमेवापेतना।

2 कुरिंती 5:15

अरू मसी जनामाकू लगाय गोएगनेना दो जीयत इदानकुःआ हँकुःआ होड़कू अँननकू लगा कोवान, मनदो भगवान गोएगतो अतेय जियाव रेमतिरिया हाँय लगा जियाः इदा।

पिलिपी 2:21

हँकू जमाकू ईसू मसीराः ओंगोल इया तोनोंगाः एचे लगा मेरकू ओंगलेता, मनदो हँकू अँननकू एकला लगाकू ओंगलेता।

कुलूसी 3:5

चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।

2 तिसलूनिका 2:4

होड़कू, भगवान माःआनकू कतायता अरूकू सेवागेता हना जमाकूने घंटावगेता अरू हाँय कतायता, ईंग जमाकूते मरंग इदानिंगा, माःआन। हाँय भगवानराः ओड़ाःरे दुडुःकियानखन ईंग भगवान हवे, माःआने कतनता।

1 तिमुतियूस 1:20

बहकावतो होड़कू अते बार होड़ हुमिनियुस अरू सिकंदर हवे। दो नँकिनाः होड़किन ईंग कलउ तिःईरेयिंग जिमागोतेडकिना, जेमहा हँकिन भगवान ओपताकेडखन अहा कताय लगाकिन चिडुः।

1 तिमुतियूस 1:9

अबू नाःआ हों सुदीयतनाबू, भगवानराः नियमकून बेगर गारबार होड़कू लगा मेरेय तुलागाड। मनदो गारबार अरू तुड़ेंग-तपेग होड़कू लगा, भगवान मेरकू मनाःता अरू कसूर होड़कू लगा, सुद कोवानेःआ अरू बेलूर होड़कू लगा, एंगात अपातकू ञेड एंडात होड़कू अरू ञेड एएंडा होड़कू लगा,

1 तिमुतियूस 3:3

हाँय बुनूलतो होड़ सहे कड़ीग होड़ अलोय दोहोन। हाँय सलसतिया अरू सुधा होड़ दोहोन लगा इदा, अरू ढिबुवाराः ललचीरे अलोय दोहोन।

1 तिमुतियूस 6:10

ढिबुवाराः ललचीरेय दोहोनता हाँयग होड़, जमा इयाःआ बेलूर बुताकूने एचेगोड ञवनता। नाःआ अते मुरुक होड़कू बिसवासकू अड़ाःगोतेडा अरू हँकूराः जीवरे एटाः एटाः इयाःआ सिकिसता होयायना।

1 तिमुतियूस 6:4

हाँय बड़वार होड़ हवे अरू तोनोंगाः मेरेय सुदीयता। हाँयग होड़ भगवानराः सरवनराः मेमेडटोंग लबदरे बेलूर ओंगोलते कता होड़ेंग लगाय मंजूरवाता। नाःआते होड़कू इरा होड़ेंगता, कड़ी होड़ेंगता, तूड होड़ेंगता अरू बेलूर बेलूरकू जाः होड़ेंगता।

2 तिमुतियूस 3:4

हँकू अडिग होड़कू अरू बेगर बुइदतेकुःआ होड़कू होया जुवाःता अरू बड़वारगुः होड़कू अरू भगवान एचेरे बहालगुः अते अँननकू बहालगुः लगाकू ओंगोल ञवनता।

एकूब 2:8

जमा नियमकून अते मइद नियम नानाः हवे, अपे अँननपेरिकुःआ परुसीकू अँननपे इयापे अलार-दुलारकू। अपे नाःआ नियमपे मनाःतना दो नपायपे एचेतना।

एकूब 4:16

मनदो अपे अँननपे अपे मरंगपे ओंगलुःता अरूपे बड़वारता। हना इयाःआ बड़वार जमा दो बेनेलूर इदा।

एकूब 4:6

मनदो भगवान होड़कू अरूय मयावाकूता। हनालगा भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता हँकुःआ होड़कूय मयावाकूता।”

1 पतरस 5:5

ने डिंघाकू, हनन इया अपे हों कलसियारिकुःआ मूक होड़कूराः आड़रेपे दोहोन। भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता, हँकुःआ होड़कूय मयावाकूता।” हनालगा अपे अँननपे अपे हुडिंग ओंगोलकियानखन, सेवा होड़ेंग लगा सपड़ावतोपे दोहोन।

2 पतरस 2:10

अँननकूराः बेलूर बुता ओंगोल इयाकू सलाःता अरू हातपात होड़कूकू आड-बेकारवाता, हँकुःआ होड़कू बदीरे नाःआ कता सताय हवे। हँकू बड़वारताकू अरू अँननकूराः मनबिदियारेकू दोहोनता। हँकू सेरमो देसरिकुःआ बराहीलकू हों ओपताकू लगा मेरकू बोरता।

2 पतरस 2:12

हँकुःआ होड़कू बोको जानरकू इया बेगर ओंगोलते इदानकुःआ अरू ञेड एंडाकू लगाकू होयाकिया। हँकू मेरकू सुदीयता हनानाः कताकून बदीरे एटाः होड़कूकू ओपताता अरू हँकू पहाड़ जानरकू इयाकू लाय एंडा जुवाःता।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

जूदा 1:16

हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

उदुःतो कताकून 13:1

हनते ईंग मीटोंग जानर समुंदर अते उडुंगतोयिंग ञेलतिरिया। हाँयराः दसगोटोंग देरेंग अरू सातगोटोंग बोः दोहोना। हाँयराः मेमेडटोंग देरेंगरे मेमेडटोंग राजाराः पगरी दोहोना। हाँयराः मेमेडटोंग बोःरे भगवान ओपतागेराः ञावकून ओजाःतो दोहोना।

उदुःतो कताकून 16:11

हँकू अँनकूराः पीरा अरू पुड़सूड़ते सेरमो देसरीग भगवानकू सती-सरापा। हनते हों हँकू अँनकूराः कसूर अते भगवान अगी जीव मेरकू कुदागाड।

उदुःतो कताकून 16:21

अरू मरंग मरंग अरील होड़कू सेरमो लोजोरनेना। हना अरील मेमेडटोंग पचास पचास किलो दोहोना। हना अरील मुरुक घान लुजरुःआ, हनालगा होड़कू भगवान मुरुककू सती-सरापगेया।

उदुःतो कताकून 16:9

हँकू हना सेंगेलरे मुरुककू भुरटावयान दो हँकू, हइजाकून एचेरे हातपात दोहोना हाँयग भगवानकू सती-सरापा। अरू तोनोंगीग अँनकूराः कसूर अते भगवान अगी जीव मेरकू कुदागाड अरू हाँय मेरकू मान मरजइतगडीग।