2 तिमुतियूस 2:25 - Korwa Bible

²⁵ अरू घघंटाव होड़कू बेगर रीसते मंदरावकू लगा इदा। होनोयाःकून करे भगवान हँकूराः जीवकून कसूर अतेय एचे कुदायता अरू हँकुःआ होड़कू तयोमरे सनाताय कताकू सुदी अवेयता,

2 तिमुतियूस 2:25 Σταυροειδείς Αναφορές

मती ओजाःतेरा भगवानराः नपाय सरवन 11:29

ईंग सुधा इदानिंगा अरू ईंग इनिंगते हुडिंगिंग ओंगलुःता। हनालगा ईंगराः जुवट अपे सेरमोपे रेमया अरू ईंग अतेपे चेडुः दो, अनपेराः जीव लोड़ोनता।

मती ओजाःतेरा भगवानराः नपाय सरवन 21:32

बतिसमा एमेयीग होड़ एहुना नपाय धरमिया दूरे उदुःवातेडपेःआ। अरू अपे हाँय एचेरे मेरपे बिसवासगाड। मनदो मलगुजारी गोः होड़कू अरू सनहा-सनही होड़कू बिसवासतेरा। अरू नाःआ ञेलतेडखन तयोमरे हों अपे कसूर अते जीव कुदाकेडखन एहुना एचेरे मेरपे बिसवासगाड।”

मरकूस 1:15

हाँय कताया, “नाःआ बेला भगवान तोल दोहोतेरा हना बेला हवे अरू भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा अरू नपाय सरवनरेपे बिसवासगे।”

एहुना 5:34

होड़कू ईंग बदीरे हिदइतकू उदुः लगा मेरिंग चहाःता। मनदो अपे सडावगुः लगा नाःआ कतायिंग कता उदुःकेरा।

मूक चेलाकू 11:18

नाःआ कता हँकुःआ होड़कू अयूमतेरा दो हँकू कलेकालयान अरू भगवान जागवाडखनकू कताया, “नपाय इदा। भगवान बेगर एहूदाकू कसूर अते जीव कुदाकेडखन ओरो टुटीगनेना हना जीवकू पवाः लगाय दहिनवाडकुःआ।”

मूक चेलाकू 2:38

दो पतरस कता कुदातेरा, “अपे कसूर अते जीवपे कुदा। अरू अपे जमा होड़कू ईसू मसीराः ञावते बतिसमापे गोः। दो अपेराः कसूर भगवान बराव एंडायता अरू भगवान अगीते सुद बिरुवापे पवाःता।

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

मूक चेलाकू 5:21

दो अंगुः निंदावा हँकू एचेरे सेरमो देसरीग बराहील कतातेरा हनन इया भगवान ओड़ाःराः राचरेकू बोलोनेना अरू होड़कू चेड लगाकू बुँहड़ीतेरा। हनमेला मूक पुजउरी अरू आँयगरिकुःआ होड़कू वेजेडा दो हँकू मरंग पंचाइतरे जमा इसराएलरिकुःआ मूक होड़कूकू एचे जुमाःतेरा अरू मूक चेलाकू जेहेल अतेकू एचे राःतेडकुःआ।

मूक चेलाकू 5:31

भगवान अनँयग खउना तिःई गतर हाँय एचे दुड़ुःकिरिगखन राजा अरू सडावदारे तुलाकिरिया, अरूय मान मरजइतकिरिया। नाःआ अते इसराएल होड़कू अँकूराः कसूर अते जीवकू कुदाता अरू हँकूराः कसूर भगवान बराव एंडागोडता।

मूक चेलाकू 8:22

नाःआ इया बेलूराः ओंगोलकून अते जीवमे कुदा अगू अरू परबू एचेरेम अरजी। होनायाःकून करे आमराः कसूर ओंगोलकून हाँय बराव एंडागोडता।

गलातिया 6:1

ईंगरिकुःआ अजी बोपोहकूतिंग, सुद बिरुवा अपे अगुवाइवापेतना। हनालगा अपे अते तोनोंगीग होड़ कसूरगोड दो, अपे सुधा होड़कू इया सताय दूर अगीपे कुदा अगूय। मनदो अपे कसूररे अलोपे बझाः लगा सवासितीपे दोहोन।

1 तिमुतियूस 2:4

हाँय जमा होड़कू कसूर अतेकू सडाव जुवाः लगा अरू सतायकू सुदीगोड लगाय चहाःतना।

1 तिमुतियूस 6:11

मनदो ने भगवानरीग होड़ तिमुतियूस, नाःआ इयाःआ ललची कताते तोरेम दोहोन। भगवानराः ओंगोलरे बेगर गारबारते धरमिया होड़ बड़ाँवकियानखन बिसवास अरू अलार-दुलारते ओंगोल समझाव घड़ीन सुधा होड़ होयाः लगाम होमगोड।

2 तिमुतियूस 3:7

हँकुःआ अइमीकू जमाकू अतेकू अयूमगोड ञवनता मनदो सताय चेड मेरकू बुझाव अवेनता।

तितूस 1:1

ने तितूस, भगवानरीग सेवकिया अरू ईसू मसीरीग मूक चेला ईंग पउलूस अगीते मसी सलाम। दो भगवानरिकुःआ सुनावतो होड़कूराः बिसवास बड़ियाड़गे लगा ईंगके जिमात इदा, जेमहा भगवानराः ओंगोल इयाःआ सताय बदीरे हँकूराः कनहून बडे जुवाः,

तितूस 3:2

हँकू तोनोंगीग बदीरे ओपता बड़रा अलोकू कताय लगा अरू कड़ीग अड़ाःकेडखन सलसतते सुधिया होड़कू बड़ाँः लगा होंम कता उहियारगोड ञवन।

एकूब 1:17

जमा इयाःआ नपाय अरू उडु-बुडूत दहिनकून भगवान अगीतेबू पवाःता। जमा इयाःआ मरसले तुलाकेरा हाँयग भगवान अबू लगा नाःआ दहिनकूने एमेयता। भगवान सगर सइट मिनी इयाय दोहोनता अरू उंबूल लंबी पुडनता हनन इया हाँय एचेरे तोनोंगाः बदला कोवानेःआ।

1 पतरस 3:15

मनदो अपे ईसू मसी अँननपेरीग परबू हवे माःआन अकूसपे मनावगेय। अरू तोनोंगीग अपे जीवरे इदा हना असरा बदीरेय होंबरे दो, जमा बेला अँननपे अपे हुडिंग ओंगोलकियानखन, एटाःकू मान मरजइत घड़ीन कता कुदागे लगा, सपड़ावतोपे दोहोन।

1 एहुना 5:16

तोनोंगीग होड़ गुजुःमिन मेरेय कसूरगरा हना आम ञेलकेरा दो हाँयग होड़ लगा भगवान एचेरेम अरजी अरू भगवान हाँयराः कसूर बराव एंडाकेडखन जीवे एमेयता। मनदो तोनोंग तोनोंग कसूर, होड़कू एचेयता दो हँकू गोएग जुवाःताकू। गुजुःमिन कसूरकेरा हँकुःआ होड़कू लगा भगवान एचेरेपे अरजी लगा मेरिंग कतायतना।