2 तिमुतियूस 2:2 - Korwa Bible

² मुरुक हिदइतदारकू तलारे ईंग अतेम अयूमकेरा हना सरवन बिसवासगेताकू हँकुःआ होड़कू एचेरेम जिमागे, जेमहा हँकू एटाः होड़कू हों नपायतेकू चेड अवेकू।

2 तिमुतियूस 2:2 Σταυροειδείς Αναφορές

मती ओजाःतेरा भगवानराः नपाय सरवन 13:52

हनते ईसू अरूय कतावाडकू, “भगवानराः राइज बदीरेय चेडकिया हाँयग नियम चेडदार होड़, अनँयग ओड़ाः अते नँवा अरू जुना जिनिसकूने उडुंगगोडता हाँयग मी होड़ ओड़ाः मालिक इया इदानिया।”

मती ओजाःतेरा भगवानराः नपाय सरवन 24:25

अयुमेपे! नाःआ जमाकून होयाः अते मड़ंगरे अपे एचेरेयिंग उदुःगेतना।

लूका 12:42

दो परबू ईसू कतातेड, “अपे अते कनहूनदार अरू नपाय दोदोहोयीग जिमेवारी होड़ इये हवे? एटाः सेवकिया होड़कू नपाय बेलारे जोम जिनिसकून एमेवाकू लगा मालिक मूक होड़े बड़ाँवतिरिया हनाँय हवे।

1 कुरिंती 4:2

अरू मड़ंग अलिंग मालिक एचेरे बिसवासगे इयालिंग दोहोन लगा इदा।

2 कुरिंती 2:14

भगवान ईसू मसीते जमा बेला अबू बहालतेय एचे जितावबूता। अरू हाँय नपाय महकता हना सुनुम इयाःआ मसीराः कनहून, अबूते होड़कूय एचे सुदीगोडकूता। हनालगा भगवानिंग धनियाबादता।

2 कुरिंती 3:5

अले अँननले जमालेःआ एएचे जुकूर इदानलेःआ माःआन मेरले ककतातना, मनदो अले जमालेःआ एचेय जुकूर भनगवान हमा बड़ाँवलेता।

कुलूसी 1:7

अपे नाःआ सरवन, अलिंगरीग दुलार सेवा देंगवा होड़ इपापरास अतेपे चेडकिया। हाँय अलिंग बदलारे अपे लगा मसीरीग बिसवासगेयीग होड़ इदानिया।

1 तिमुतियूस 1:12

ईंग बिसवासगेयीग होड़ ओंगोलवाडिंगखन, परबू ईसू मसी आँयगराः सेवा सेवागे लगा सुनावकिडिंगखन आँयगराः बुता बुतागे लगा जंगरे ओवाडिंगा। हनालगा हाँयिंग धनियाबादतना।

1 तिमुतियूस 1:18

ने ईंग बेटा तिमुतियूस, आमिंग हुकुमवामतना, भगवानराः बड़रा कता होड़कूते सुद बिरुवा आम बदीरेय कतातेरा हना कता इया भगवानराः सरवन लगा,

1 तिमुतियूस 4:14

भगवानराः बड़रा कता होड़कू कतातेरा हना कता अरू कलसियारिकुःआ अगुवा होड़कू आम बोःरेकू खेपातेड मेला भगवान दहिनवातेडमेःआ, हना दहिन अहम एरांगवा।

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

1 तिमुतियूस 5:22

तोनोंगीग होड़राः बोःरे ओहेन तिःई खेपाकेडखन मूक होड़ अहाम बड़ाँवगेय। अरू आम तोनोंगीगराः कसूररे अहम मेसान अरू अनम आम सुदमे दोहोन।

1 तिमुतियूस 6:12

बिसवास लगा मिहनइत घड़ीनमे लड़ाइ। बगरा होड़कू तलारे कबुलाः घड़ीनमे कता उदुःतेड मेला, ओरो टुटीगनेना हना जीव एमेवाम लगा भगवान राःतेडमेःआ हनानाः जीवराः दूररेम सलाव ञवन।

2 तिमुतियूस 3:10

ने तिमुतियूस, ईंग करा उड़ी भगवानराः सरवन होड़कूयिंग चेडतेरा अरू ईंगराः लूर-नेवन अरू ईंगराः बिसवास अरू ईंग करा इयायिंग सहावगोड ञवना अरू करा इया होड़कूयिंग अलार-दुलारकेरा अरू करा उड़ी कटसियायिंग सहाव पारगोतेडा हना होंम सुसुदीतना।

2 तिमुतियूस 3:14

मनदो आम चेडकिया अरू पका-निकाम बिसवासकेरा हनानाः सरवन इयाम सलावगोड ञवन। आम इये अते नाःआ सताय सरवनमे चेडकिया,

इबरानी 2:17

हनालगा हाँय जमालेःआते मनुवाकू इया बड़ाँः लगा दोहोना, जेमहा हाँय भगवानराः सेवारे मी होड़ सोगायीग अरू बिसवासगेयीग मूक पुजउरी इया जमा होड़कूराः कसूर लगा बलिदाने होया अवेन।