2 तिमुतियूस 1:6 - Korwa Bible

⁶ हनालगा ईंग आम बोःरे तिःई खेपाकेडखनिंग अरजी मेला भगवान दहिनवाडमेःआ हनाम वेर बडेगे लगा आमिंग एचे उहियारतना।

2 तिमुतियूस 1:6 Σταυροειδείς Αναφορές

लूका 19:13

हाँय सेन अते मड़ंग अनँयग दसटोंग सेवकियाकूतेने राःतेरा अरू मेमेड होड़ मेमेड होड़ एचेरे मेमेडटोंग सोनाराः रिचकी ढिबुवा एमेतेडखन हँकू एचेरेय कताया, ईंग अरीनिंग कुदा वेग वरी अपे नानाःतेपे पुंजियावगे। हनते हाँय तोराय।

मूक चेलाकू 19:6

हनते पउलूस हँकुःआ होड़कू चोटरे तिःईय खेपातेड दो सुद बिरुवा हँकू एचेरेय उतरावनेन अरू हँकू एटाः एटाः भासीरेकू बड़राःआ अरू दरवाःआ हना कताकूनकू कता उदुःतेरा।

मूक चेलाकू 6:6

एटाः बिसवासी होड़कू नँकुःआ होड़कू ईसूरिकुःआ मूक चेलाकू एचेरेकू अगूतेडकुःआ। हनते हँकुःआ मूक चेलाकू अरजीतेडखन हँकू बोःरे तिःईकू खेपातेरा अरू हना बुता बुता लगाकू एटाःतेडकुःआ।

1 तिसलूनिका 5:19

अपे तलारे सुद बिरुवाराः बुता अहापे रोंकावगे।

1 तिमुतियूस 4:14

भगवानराः बड़रा कता होड़कू कतातेरा हना कता अरू कलसियारिकुःआ अगुवा होड़कू आम बोःरेकू खेपातेड मेला भगवान दहिनवातेडमेःआ, हना दहिन अहम एरांगवा।

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

2 तिमुतियूस 2:14

दो नाःआ कता बिसवासी होड़कूम कता उहियार ञवनकू। तोनोंग नफा मेर होयाःता अरू अयुमेताकू हँकुःआ होड़कूराः जीव आडगोडता हना लबदकून बदीरे अलोकू अड़ा-चउकी लगा भगवान मड़ंगरेम सेतावकू।

2 तिमुतियूस 4:2

भगवानराः सरवनमे परसार। अरू सगर बेला परसारगे लगा सपड़ावतोम दोहोन। मुरुक सहाव घड़ीन होड़कूम मंदरावकू अरूम डंटावकू अरूम कता बहालवाकू अरू भगवानराः सरवन नपायतेम चेडकू।

इबरानी 6:2

अरू बतिसमा बदीरे अरू तिःई खेपा बदीरे अरू गोएगतो अते जियाव रिमुः बदीरे अरू ओरो टुटीगनेना हना डंड बदीरे चेडतो इया नेव अनउर अहाबू गडाय।

2 पतरस 1:12

हनालगा ईंग चेडकेडपेःआ हना कता अपे सुनुदीबाःगोतेरा, अरू हनानाः सताय कतारे बड़ियाड़ इदानपेःआ। हनते हों नाःआ कता बदीरे ईंग अपे उहियारगोड ञवन लगा सपड़ावतोयिंग दोहोनता।

2 पतरस 3:1

ने ईंगरिकुःआ अजी बोपोहकूतिंग, ईंग अपे लगा बार नमार चिठीयिंग ओजाःगेतना। नाःआ बनर चिठीते अपेराः सताय इंदरी एचे उहियार घड़ीनिंग कता बहालगेतना।

जूदा 1:5

अपे मड़ंगतेपे सुदीयतना, हना कता अपेयिंग एचे उहियार अगूपेतना। परबू इसराएल होड़कू मिसिरी देसराः बेगारी बुता अते सडावतेडकूखने एचे उडुंगतेडकुःआ, मनदो तयोमरे हाँय एचेरे मेरकू बिसवासगाड हँकुःआ होड़कूय लाय एंडागोतेडकू।