2 तिसलूनिका 3:14 - Korwa Bible

¹⁴ तोनोंगीग होड़कू अलेराः नाःआ चिठीराः कता मेनेरेकू मनाःतान दो, हँकुःआ होड़कू ञेल हड़ाकूपे, अरू हँकू एचेरे सेन दूर लगापे अड़ाःगोड, जेमहाकू गियुः जुवाः।

2 तिसलूनिका 3:14 Σταυροειδείς Αναφορές

मती ओजाःतेरा भगवानराः नपाय सरवन 18:17

हाँय हँकिनराः कता हों मेरेय मनाः दो, कलसियारिकुःआ बिसवासी होड़कूम कतावा। अरू हँकुःआ होड़कूराः कता हों मेरेय मनाः दो, भगवानराः कता मेरकू मनाःता हँकुःआ बेगर एहूदाकू अरू मलगुजारी गोः होड़कू इया हाँय ओंगोलकिडिग हाँय सुदा अलोपे मेसान।

रूमी 16:17

दो ईंगरिकुःआ अजी बोपोहकूतिंग, अपे एचेरे गोड़न-पइयनकियानखन अरू मीटोंग कतायिंग असेयतना, होड़कू अपे चेडकिया हना चेडतो अते एटाः इया चेडकेडखन होड़कूकू हिगार हटिंगगोडकूता अरू होड़कू बिसवासतेकू एचे चलाःगोडकूता। दो हँकुःआ होड़कू सुदा सवासितीपे दोहोन अरू हँकू अते तोरेपे दोहोन।

1 कुरिंती 4:14

अपे एचे गियूपे लगा मेरिंग ओजाःगेतना, मनदो ईंगरिकुःआ दुलार लइंकू हवे माःआन ओंगोलकेडखन अपेयिंग डंटावता।

1 कुरिंती 5:11

मनदो ईंग अपे एचेरेयिंग कतायतना, बिसवासी होड़कू अते तोनोंगीग होड़ सनहा-सनही, सहे लुभिया होड़, सहे ककाड़ी होड़, सहे दारू बोः होड़, सहे अडिग होड़ इदानीग दो, हाँय सुदा अलोपे मेसान अरू अलोपे जोम-ञूया।

1 कुरिंती 5:9

मड़ंग अपे लगायिंग ओजाःतेरा हना चिठीरेयिंग कतातेरा, अपे सनहा-सनहीकू एचेयता हँकुःआ होड़कू सुदा अलोपे मेसान।

2 कुरिंती 10:6

अपे मसीराः कता जमालेःआपे मनाव पुरावगोड। अरू हना तयोमते हाँयराः कता मेरकू मनाःता हँकुःआ होड़कू डंडियावकू लगा सनपड़ावतो इदानलेःआ।

2 कुरिंती 2:9

अपे जमा कताकूनपे मनाःतना जा कोवान हना अंदजाव लगा हों हना चिठीयिंग ओजाःतेरा।

2 कुरिंती 7:15

अपे अकूस मनाः घड़ीन तितूस सुदापे जुमावनेनखन हाँयराः जमा कताकूनपे मनावनेना माःआने उहियार अगूयता अरू हनाते अपे बदीरे हाँयराः दुलार अनउर बगरा इदीनता।

पिलिपी 2:12

दो ईंगरिकुःआ अजी बोपोहकूतिंग, अपे सुदायिंग दोहोन मेला, ईंगराः चेडतो जमा बेलापे मनावगोड ञवना। अरू नुँहू अपे सुदा कोवायिंगा हों अपे अरू नपायतेपे मनावगोड ञवन। भगवान सडावकेडकुःआ हँकुःआ होड़कू जियाः लगा इदा हनन इया, अपे हों भगवान मड़ंगरे अकूस मनाः घड़ीन मुरुक मिहनइतकेडखन जियाः लगा इदा।

कुलूसी 4:16

ईंग अपे लगायिंग ओजाःकेरा नाःआ चिठी अपे बछावकियानखन लउदिकिया सहरराः कलसियारिकुःआ होड़कू बछाः लगापे एमेगोड। अरू लउदिकिया कलसियारिकुःआ होड़कू लगा ईंग ओजाःकेरा हना चिठी अपे होँपे बछाः।

1 तिसलूनिका 4:8

हनालगा तोनोंगीग होड़ नाःआ कताय आड-बेकारवा दो, हाँय होड़कूराः कता मेरेय आड-बेकारवाता, मनदो अबू लगा आँयगराः सुद बिरुवाय एमेयता हनाँयग भगवाने आड-बेकारवाता।

2 तिसलूनिका 3:6

ने अजी बोपोहकूतिंग, परबू ईसू मसी अले एचेरेय एमेकेरा हना हातपातते नाःआ हुकुमले एमेवापेतना। अले चेडतेडपेःआ हना कता तोनोंगीग होड़ मेरेय मनाःता अरूय कुड़हीतान दो, हाँयग होड़ अते तोरेपे दोहोन।

तितूस 2:8

होड़कू ओरोकू ओपता अवेतेरा हनन इया खरतेम चेडकू। दो आमकू घंटावता हँकुःआ होड़कू हना सरवनते तोनोंगाः बेलूर बड़राकू कताय लगा दाव ओरोकू पवावनेना अरूकू गियू जुवाःता।

तितूस 3:10

तोनोंगीग हिगार हटिंगीग होड़ इदान होले, मी बार तुरहा सेताव सोयमे। हना तयोमते हों हाँय हनन उड़ीय एचे दो, हाँय अते तोरेम दोहोन।

पिलेमोन 1:21

ईंग असेकेरा हनाम एनेमेयता माःआनिंग भरसागेतना। हना लगायिंग ओजाःगेतना। हा, ईंग सुनुदीयतना, ईंग ओंगलेतना हनाते हों आम बगराम एचेयता।

इबरानी 13:17

अपेरिकुःआ मूक होड़कू अपेकू तिहा हड़ाःता। हनालगा हँकूराः हुकुमपे मनाः अरू हँकूराः आड़रेपे दोहोन। हँकूके अपे बदीरे भगवान एचेरे आभा पुपुराव पराःता। हँकू बनाहालते नाःआ बुताकूपे एचे ओवाकू। हँकूके नाःआ बुता हंबाल इया होया जुवाः दो, अपे लगा तोनोंगाः नफा ओरो होयानेना।

2 एहुना 1:10

अरू तोनोंगीग होड़ एटाः इया लबरा सरवने चेड उदुःवाकूता दो, हाँय आम ओड़ाःरे अलोम नेत-नेवारगेय अरू अलोम सलामगेय।