2 तिसलूनिका 2:15 - Korwa Bible

¹⁵ हनालगा ईंग अजी बोपोहकूतिंग, अपे ईसू मसीराः बिसवासरे बड़ियाड़गुःपे अरू अले अपे सुदा दोहोन मेलाले चेडतेडपेःआ अरू चिठीरेले ओजाःतेरा हना जमा कताकून मनावगोड ञवनपे।

2 तिसलूनिका 2:15 Σταυροειδείς Αναφορές

रूमी 16:17

दो ईंगरिकुःआ अजी बोपोहकूतिंग, अपे एचेरे गोड़न-पइयनकियानखन अरू मीटोंग कतायिंग असेयतना, होड़कू अपे चेडकिया हना चेडतो अते एटाः इया चेडकेडखन होड़कूकू हिगार हटिंगगोडकूता अरू होड़कू बिसवासतेकू एचे चलाःगोडकूता। दो हँकुःआ होड़कू सुदा सवासितीपे दोहोन अरू हँकू अते तोरेपे दोहोन।

1 कुरिंती 11:2

अपे जमालेःआ लगा ईंगपे उहियारगोड ञवनता। अरू ईंग चेडतेडपेःआ हना जमाकून अपे मनाःतना। हनालगा अपेयिंग भल-भलायवाता।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

1 कुरिंती 16:13

सवासितीपे दोहोन। बिसवासरे अलोपे टास मासगुः, मनदो डीड़गार अरू बनड़ियाड़पे दोहोन।

पिलिपी 4:1

दो ईंगरिकुःआ अजी बोपोहकूतिंग, ईंग अपेयिंग दुलारता अरू अपे ञेञेल लगायिंग उंभराःतना। अपे बदीरे ईंग बहालिंग दोहोनता अरू अपे भगवान अगीते ईंगराः बनी इया इदानपेःआ। हनालगा अपे ईंग कताकेरा, हनन इया बिसवासरे बड़ियाड़गुःपे।

2 तिसलूनिका 2:2

भगवानराः बड़रा कता होड़कूराः कताते सहे एटाः तोनोंगाः बड़राते सहे अले ञावते तोनोंगीग ओजाःतेरा हना चिठीते तोनोंगीग होड़ अपे एचेरेय कतायता, ईसू मसी कुदा वेगकिया, माःआन। दो हना बड़राते अपेराः जीव ओहेन अहापे कुंभलावगे अरू अहापे बयावगुः।

2 तिसलूनिका 3:14

तोनोंगीग होड़कू अलेराः नाःआ चिठीराः कता मेनेरेकू मनाःतान दो, हँकुःआ होड़कू ञेल हड़ाकूपे, अरू हँकू एचेरे सेन दूर लगापे अड़ाःगोड, जेमहाकू गियुः जुवाः।

2 तिसलूनिका 3:6

ने अजी बोपोहकूतिंग, परबू ईसू मसी अले एचेरेय एमेकेरा हना हातपातते नाःआ हुकुमले एमेवापेतना। अले चेडतेडपेःआ हना कता तोनोंगीग होड़ मेरेय मनाःता अरूय कुड़हीतान दो, हाँयग होड़ अते तोरेपे दोहोन।

तितूस 1:9

हाँय अलिंग चेड उदुःकेरा ईसूराः सताय सरवनरे बड़ियाड़ बिसवासगे इदा, जेमहा हाँय जमाकू सताय सरवने चेड अवेकू अरू सताय सरवनकू घंटावता हँकुःआ होड़कूराः आहे रिपूड अवे।

जूदा 1:3

ईंगरिकुःआ सउंगताकू, भगवान ईसू मसीते अबूय सडावकेरा हना बदीरे ओजाःगे लगा जमा बरानिंग कुरनिसतेरा। मनदो बिसवासी होड़कू एचेरे भगवान मिनी तुरहाय जिमावातेरा हना बिसवासपे संभाड़गे लगा जमा बरानाः कुरनिसगे लगा इदा। अरू नाःआ कता बदीरे अपे लगा ओजाःकेडखन अपे एचे कता बहालपे लगा नुँहूयिंग ओंगोल दोहोकेरा।