2 तिसलूनिका 2:14 - Korwa Bible

¹⁴ अले अपे एचेरे ईसू मसीराः नपाय सरवनले कता उदुःतेरा अरू हना सरवनते भगवान, अपे ईसू मसीराः मान मरजइतरे मेसान लगाय राःकेडपेःआ।

2 तिसलूनिका 2:14 Σταυροειδείς Αναφορές

मती ओजाःतेरा भगवानराः नपाय सरवन 25:21

दो मालिक कता कुदातेरा, नपायमे एचेकेरा, ईंगरीग बिसवासगेयीग अरू नपाय सेवकिया। आम गुनमिन कतारे बिसवासगेयीगमे दोहोना। दो ईंग मुरुक कताकूनराः जिमेवारीयिंग ओवामता। आमरीग मालिक सुदा आम होंम बहाल जुवाः।

एहुना 17:22

आम ईंगमे एमेवारा, हना मान मरजइत हँकू लगायिंग एमेकेरा, जेमहा अलंग मिनी इदानलंगा हनन इया हँकू होंकू मिनी जुवाः।

एहुना 17:24

ने अपांग, चउंदीसमे तुला अते मनाड़ंग आम ईंगमे दुलारकेरा। हनालगा आम ईंगमे जिमावारा हँकुःआ होड़कू, ईंग सुदा सगर सइटकू दोहोन लगा अरू आम ईंगमे एमेवारा हना मान मरजइत हँकू ञेल अवेय लगा आम एचेरेयिंग असेयतना।

रूमी 16:25

भगवानराः जाग होयाः। हाँय ईसू मसीराः नपाय सरवन ईंग अरू एटाःकू परसारकेड अते अपेराः जीव बिसवासरेय एचे बड़ियाड़ अवेपेता। नाःआ नपाय सरवन मड़ंग जूग वरीते जमा जइत होड़कू लगा ओकोत इया दोहोना।

रूमी 2:16

ईंग अपे एचेरे सरवनिंग कता उदुःतेरा हनन इया फड़ियावराः हना दिनरे, भगवान ईसू मसीते, जमा होड़कूराः जीवरे इदा, हना ओकोत कताकूने फड़ियावता।

रूमी 8:17

अबू हाँयरिकुःआ लनाइंकू हवे दो अबू हों ईसू सुदा भगवानरिकुःआ इताडदारबू बड़ाँवकिया। अरू ईसू मसी सुदा कटसियाबू सहाव दो हाँय सुदा मान मरजइत हों पनावाःताबू।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

1 तिसलूनिका 1:5

ईसू मसीराः नपाय सरवन अले अते अँननलेराः आहराः बड़रा एकला मेरपे अयूमकेरा, मनदो हान सुद बिरुवाराः जंगरते अरू पका-निका बिसवासते दोहोना। अपे नाःआ होँपे सुदीयतना, अले अपे तलारेले दोहोन मेला अपेके नफा होयाः लगाले जियावनेना माःआन।

1 तिसलूनिका 2:12

जेमहा आँयगरिकुःआ होड़कू सुदा दोहोन लगा अरू आँयग सुदा मान मरजइतते राइजगे लगाय राःपेतना हाँयग भगवानराः ओंगोल इया अपेराः लूर नेवन होया जुवाः।

2 तिमुतियूस 2:12

अबू कटसियाबू सहावगोड ञवन दो, अबू हाँय सुदाबू राइजगेता। अबू हाँयबू एरांगवा दो, हाँय अबू होंय एरांगवाता।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

2 पतरस 1:3

भगवानराः सगरावतो जंगरते, अनँयग ओंगोल इया नपाय जीवबू जियाः लगा जमाकूने एमेवाडबुःआ। अरू अनँयग लगा अबूय राःकेडबुःआ हाँयग ईसू, अगम मरंग अरू नाय नपाय इदानिया माःआनबू सुदीकेड अते नाःआ जमाकूनबू पवावकिया।

उदुःतो कताकून 21:23

भनगवान विड़चेड़तना हनालगा बेर अरू बांगोते हना सहर मरसलगे लगा कोवानेःआ। अरू नाःआ सहरराः ढिबरी, भेड़ा होन दोहोना।

उदुःतो कताकून 3:21

ईंग हों जितावनेनखन ईंगरीग अपांगराः गदीरे हाँय सुदायिंग दुड़ुःयना। दो हनन इया जितावबाः जुवाः हाँयग होड़ हों ईंगराः गदीरे ईंग सुदायिंग दुड़ुःगेयता।