2 तिसलूनिका 1:10 - Korwa Bible

¹⁰ ईसू मसी अनँयग एचेरेकू बिसवासकेरा अरू सुद इदानकुःआ हँकुःआ होड़कू एचेरे मान मरजइत जुवाः लगा, अरूकू बयाव जुवाः लगाय कुदा वेगता हना दिन, नाःआ जमाकून होयाःता। अरू अपे अलेराः हिदइतरेपे बिसवासकेरा। हनलगा अपे हों हना गउदारेपे दोहोनता।

2 तिसलूनिका 1:10 Σταυροειδείς Αναφορές

मती ओजाःतेरा भगवानराः नपाय सरवन 16:27

मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

मती ओजाःतेरा भगवानराः नपाय सरवन 16:28

अपे ईंगपे अयूम! नंडा चड़ाँत इदानकुःआ नँकुःआ होड़कू अते अदोम होड़कू, मनुवारीग बेटातराः राइज बुँहड़ीत अरीनकू ञेल वरी ओरोकू गोएगनेना।”

मती ओजाःतेरा भगवानराः नपाय सरवन 24:36

“मनदो हना दिन सहे बेला तोनोंगीग होड़ मेरकू सुसुदीता। सेरमोरिकुःआ बराहीलकू अरू बेटात हों मेरकू सुदीयतना, मनदो अपांग भनगवान एकला नाःआय सुसुदीतना।

मती ओजाःतेरा भगवानराः नपाय सरवन 25:31

“मनुवारीग बेटात मरंग राजा इया सेरमो देसरिकुःआ बराहीलकू सुदाय वेगता हनमेला, हाँय अनँयगराः गदीरे भगवानराः हातपाततेय दुडुःता।

मती ओजाःतेरा भगवानराः नपाय सरवन 7:22

हना दिन मुरुक बगरा होड़कू ईंग एचेरेकू होंबरेता, “ने परबू, अले आमराः ञावते होड़कू एचेरे, दरवाःआ हना कताकून मेरले कता उदुःगतेरा, जा? अरू आमराः ञावते होड़कू अते भूतकू मेरले एचे उडुंगतेडकुःआ जा? अरू आमराः ञावते अले मुरुक मुरुक बयाव जुवाः इयाःआ बुताकून मेरले एचेगतेरा जा?”

लूका 10:12

नाःआ कतापे अयूम, फड़ियावराः दिनरे हना सहररिकुःआ होड़कू, भगवान सोदोम सहररिकुःआ बेलूर होड़कू अते अनउर मुरुके डंडियावकूता।”

एहुना 11:4

नाःआ सरवन अयूमतेडखन ईसू कतातेरा, “नाःआ बेमारीते हाँय ओरोय गोएगनेना। नान दो भगवानराः मान मरजइत लगा होयाकिया। नाःआते भगवारीग बेटातराः मान मरजइत होयाःता।”

एहुना 17:10

ईंग सुदा इदानकुःआ, हँकुःआ बिसवासी होड़कू अनमरिकुःआ हवे अरू आम हँकू ईंगमे जिमावारा। अरू हँकूराः जीवते इनिंगकू मान मरजइतकेरा।

1 कुरिंती 1:6

नाःआ अते, ईंग ईसू मसी बदीरेयिंग उदुःवाडपेःआ, हना जमा कताकून सनाताय हवे माःआनपे सुदीबाःगोतेरा।

1 कुरिंती 3:13

दो अंदजावराः दिनरे भगवान जमा होड़कूराः बुता नपाय इदा जा कोवान, हना सेंगेलतेय अंदजावगेता। अरू हनन इया मेमेड होड़राः बुता जमा होड़कू तलारे सेंगेलते भगवान एचे उदुःगेता।

गलातिया 1:24

अरू ईंग बदीरे हँकू भगवानकू जागा।

इपीसी 1:12

अले एहूदाकू, ईसू मसी एचेरे मड़ंगरेले असराकेरा, जेमहा अले अते हाँयराः मान मरजइत अरू जाग होयाः।

इपीसी 1:14

भगवान जबानकेरा हना इताड अबू लगाय एमेवाबूता अरूय अजइतगोडबूता माःआन एचे उदुःगे लगा भगवान आँयग सुद बिरुवा अबू जीवरे बयान इयाय एमेकेरा, जेमहा भगवानराः मान मरजइत अरू जाग होयाः।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

इपीसी 1:6

जेमहा आँयगरीग दुलार बेटातते अबूराः जीवरे आँयगराः अगम नपाय मया मिनी जीवतेडखने ओवाडबुःआ हाँयग भगवानराः जाग होयाः।

इपीसी 2:7

जेमहा दरवाःआ हना जूगरिकुःआ होड़कू एचेरे, ईसू मसीते अबू लगा इदा अरू ओरोबू अउल-तउल अवेतेरा भगवानराः हना अलबइद मया बदीरेय एचे उदुःवाकू।

इपीसी 3:10

भगवान सेरमोरिकुःआ परधानकू अरू हातपातदारकू एचेरे अनँयगराः एटाः बरानाः कनहून कलसियातेय एचे उदुः लगाय ओंगोलतेरा।

इपीसी 3:16

भगवान एचेरे अगम नपाय मरंग धन इदा। अरू हाँय हना धन अते सुद बिरुवाते अपेराः इंदरीरे अनँयगराः जंगर एमेकेडखन अपेराः जीवे बनड़ियाड़ ञवन लगायिंग अरजीतना।

1 तिसलूनिका 1:5

ईसू मसीराः नपाय सरवन अले अते अँननलेराः आहराः बड़रा एकला मेरपे अयूमकेरा, मनदो हान सुद बिरुवाराः जंगरते अरू पका-निका बिसवासते दोहोना। अपे नाःआ होँपे सुदीयतना, अले अपे तलारेले दोहोन मेला अपेके नफा होयाः लगाले जियावनेना माःआन।

1 तिसलूनिका 2:1

ने ईंगरिकुःआ अजी बोपोहकूतेन, अपे सुदीयतना अले अपे सुदाले दोहोन मेला, बेगर मतलोब मेरले दोहोगान।

1 तिसलूनिका 2:12

जेमहा आँयगरिकुःआ होड़कू सुदा दोहोन लगा अरू आँयग सुदा मान मरजइतते राइजगे लगाय राःपेतना हाँयग भगवानराः ओंगोल इया अपेराः लूर नेवन होया जुवाः।

1 तिसलूनिका 2:13

अले अपे एचेरेले परसारतेरा हना नपाय सरवन होड़कूराः सरवन इया मेरपे ओंगोलगाड, मनदो भगवान कतातेरा हना सताय सरवन इयापे ओंगोलतेरा अरूपे मनाःआ। हननलगा अपे लगा अले भगवानले धनियाबादगोड ञवनतना अरू भगवानराः नाःआ सरवनरेकू बिसवासगेता अपेराः इंदरीरे बुतागोड ञवनता।

2 तिसलूनिका 1:12

जेमहा अबूरीग भगवान अरू परबू ईसू मसीराः मयाते अपे एचेरे ईसूराः मान मरजइत होयाः, अरू ईसू मसी अपे होंय मान मरजइत।

2 तिसलूनिका 2:13

ने अजी बोपोहकूतिंग, सुद बिरुवाराः बुताते अपेराः जीव सुदयना अते, अरू परबू ईसू मसीराः सताय सरवनरेपे बिसवासगेतान अते, भगवान अपे मड़ंगाः जोःओ इयाय सडावकेडपेःआ। हनालगा अपेय दुलारपेतना हाँयग भगवान एचेरे, अले अपे बदीरे जमा बेलाले जागगोड ञवन लगा इदा।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

2 तिमुतियूस 1:18

अरू आम नपायमे सुदीयतना इपीसी सहररे हों हाँय ईंग करा इयाय संघरावातेडिंगा। दो ईसू मसी कुदा वेगता हना दिन परबू हाँये सोगावाय लगायिंग अरजीतना।

2 तिमुतियूस 4:8

दो नुँहू वरीते बेगर गारबारराः इमान सनातायते होड़कूय फड़ियावकूता हाँयग परबू ईसू, हनानाः दिन ईंग लगाय एमेयता। अरू हान ईंग एकला लगा कोवान, मनदो हाँय कुदा वेगता हना बदीरे टक टक इदानकुःआ हँकुःआ जमा होड़कू लगा होंय एमेयता।

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।