2 पतरस 1:8 - Korwa Bible

⁸ नाःआ कताकून अपेराः जीवरे इदा अरू बडेनता दो, अबूरीग परबू ईसू मसीराः कनहून बदीरे अपेराः जीव बेगर लूर अरू सदाःआ ओरो होयानेना।

2 पतरस 1:8 Σταυροειδείς Αναφορές

मती ओजाःतेरा भगवानराः नपाय सरवन 13:22

अरू जनुम बुदारे लोजोरनेना हना बिहान, भगवानराः सरवनकू अयुमेता हँकुःआ होड़कू हवे, मनदो हना सरवन चउंदीसराः ओंगोल अरू आन-धानराः ओंगोलते तेन जुवाःता। हनालगा हान मेर जो अवेनता।

मती ओजाःतेरा भगवानराः नपाय सरवन 20:3

हाँयग मालिक मी डांग बेर देगनेना हना बेला बजाररेय सेनेडा। हंडा तोनोंग तोनोंग होड़कू इसने चड़ाँतोकू दोहोना।

मती ओजाःतेरा भगवानराः नपाय सरवन 20:6

हेचेर-हेचेर बेर दोहोनेन मेला हाँय बजार अगी अरूय सेनेडा अरू हनमेला हों तोनोंग तोनोंग होड़कू इसने चड़ाँत ञेलतेडकूखने होंबोरतेडकुःआ, अपे ननंडा दिन भइर चिला लगा इसने चड़ाँत इदानपेःआ?

मती ओजाःतेरा भगवानराः नपाय सरवन 25:26

दो हाँयग मालिक कता कुदातेरा, ने बेनेलूर अरू कुड़ही सेवकिया। आम सुसुदीतना ईंग मेरिंग वेरगेता हनातेयिंग ईरता अरू मेरिंग लेवायता हनातेयिंग गरोम ठुड़ीगेता, माःआन।

एहुना 15:2

ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

एहुना 5:42

मनदो ईंग सुदीयतना, अपे एचेरे भगवानराः दुलार कोवानेःआ, माःआन।

रूमी 12:11

तोनोंगाः बुतारे अलोपे ओडोसगुः, मनदो सुद बिरुवाराः अगुवाइते मिहनइत घड़ीन परबूपे सेवागोड ञवन।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

2 कुरिंती 13:5

अपे बिसवासरे बड़ियाड़ इदानपेःआ जा कोवान, हना अँननपे अंदजावगुः अरूपे जासगुः। अपे मेरपे सुदीयतना जा मसी अपे जीवरे इदानिया माःआन? निही दो अपे हाँयरिकुःआ होड़कू कोवापेःआ।

2 कुरिंती 8:2

हँकू मुरुक कटसियाकू सहाव पारतेरा अरू मुरुक गरीबकू दोहोना। हनारे हों हँकू मुरुक बनाहालते एटाः होड़कूकू संघरावाःआ।

2 कुरिंती 8:7

अपे बिसवासरे बड़ियाड़ इदानपेःआ, नपायतेपे बुतुड़ुता अरू कनहूनदारकू इदानपेःआ। अपे जमालेःआ लगा ओसताज इदानपेःआ अरू अले मुरुकपे दुलारलेता। नाःआ जमा कताकूनरे अपे उडु-बुडू इदानपेःआ। हनन इया अपे नाःआ बिहिरी उतरावगेराः बुतारे होँपे उडु-बुडू इदीन।

2 कुरिंती 9:14

भगवान अपे मुरुके मयावापेतना। हनालगा हँकुःआ होड़कूराः दुलार जोरोःता अरू अपे लगाकू अरजीगोड ञवनता।

पिलिपी 1:9

एटाः होड़कू लगा अपेराः अलार-दुलार बगरागोड ञवन लगायिंग अरजीतना। अपे भगवान बदीरे, अरू नपायतेपे सुदी अवेय लगा, अरू जमा सताय कताकूनपे बुझाव अवेन लगा होयिंग अरजीतना,

पिलिपी 2:5

ईसू मसीराः लूर-नेवन दोहोना हनन इया, अपेराः लूर-नेवन हों होयाः लगा इदा।

पिलिपी 3:8

हाव, परबू ईसू मसी नपायते सुदीगेय लगायिंग चहाःतना अरू हाँयिंग सुदी, ईंग लगा जमालेःआते मनइद कता हवे। ननानाः लगा मड़ंगरे ईंग लगा नफा दोहोना, हनानाः कताकून सदाःआ इदा माःआन ओंगोलतेडखनिंग अड़ाःगोतेडा। अरू ईसू ईंग पवाः लगा अरू हाँय सुदा मिनी जुवाः लगा हना जमाकून खरसी हवे माःआनिंग ओंगलेतना।

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

कुलूसी 2:7

अरू जेर गहीर सेनेकियानखन दुबीत बड़ियाड़गेता, हनन इया मसी बदीरेपे चेडकिया इया अपे बिसवासरे बड़ियाड़ इदीनपे, अरू भगवान बनागरापे धनियाबादगोड ञवन।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

1 तिसलूनिका 3:12

अपेले अलार-दुलारतना हान इया अपे होँपे अलार-दुलार होड़ेंग लगा, अरू जमा होड़कू होँपे अलार-दुलार लगा, परबू भगवान अपेराः दुलार बगरागोड लगा होंले अरजीतना।

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

1 तिमुतियूस 5:13

हँकू कुड़ही जुवाःताकू अरू हँकू ओड़ाः ओड़ाः सेन घड़ीन होड़कूकू ओपता इदीता। हँकू एटाः होड़कूराः बुतारेकू मेसा जुवाःता अरू होड़कू सुदा बुतुड़ु इया कोवानेःआ हना बड़राकू कतायता।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

पिलेमोन 1:6

ईंग अरजीतना आम जमा बिसवासी होड़कू सुदा संगइतीरे अरूम बगरा जुवाः, जेमहा भगवान अबू लगा ईसू मसीते अबू जीवे भलावातेडा हना बदीरे अरू नपायतेम बुझाव अवेन।

इबरानी 6:12

अरू सुखवार अलोपे होयाः, मनदो बिसवास अरू सहाव घड़ीन भगवानराः जबानरे इताडदारकू इदानकुःआ हँकुःआ होड़कू इया अपे होँपे एचेय।

2 पतरस 1:2

अपे भगवान अरू अबूरीग परबू ईसू मसी बदीरेपे सुदीय लगा, भगवान बनागरा अपेय मयावा अरू अपेराः जीवे सलसतगे।

2 पतरस 1:3

भगवानराः सगरावतो जंगरते, अनँयग ओंगोल इया नपाय जीवबू जियाः लगा जमाकूने एमेवाडबुःआ। अरू अनँयग लगा अबूय राःकेडबुःआ हाँयग ईसू, अगम मरंग अरू नाय नपाय इदानिया माःआनबू सुदीकेड अते नाःआ जमाकूनबू पवावकिया।

2 पतरस 2:20

होड़कू अबूरीग परबू अरू सडावदार ईसू मसीकू सुदीकेडखन, चउंदीसराः जमा बरानाः बेलूर बुताकून अतेकू बनसावनेन तयोमरे, हँकू अरू हनानाः कसूरकूनरेकू बझाव जुवाःतान दो, हँकूराः हलाइत मड़ंग अते अरू बगरा बेनेलूर जुवाःता।

2 पतरस 3:18

मनदो अबूरीग परबू अरू सडावदार ईसू मसी अपेय मयावागोड ञवन अरू हाँयराः कनहूनरेपे बडे इदीन। हाँय लगा नुँहू अते सगर सइट वरी मान मरजइत होनोयागोड ञवन। आमीन!