2 पतरस 1:16 - Korwa Bible

¹⁶ ईसू मसीराः जंगर बदीरे अरू हाँयराः कुदा वेग बदीरे अले तोनोंगाः तुलात कहड़ीकून मेरले कता बोनावगाडपेःआ। मनदो अले अँननलेराः मेडते हाँय तुमिन मरंग इदानिया हनाले ञेलकेरा।

2 पतरस 1:16 Σταυροειδείς Αναφορές

मती ओजाःतेरा भगवानराः नपाय सरवन 16:27

मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

मती ओजाःतेरा भगवानराः नपाय सरवन 16:28

अपे ईंगपे अयूम! नंडा चड़ाँत इदानकुःआ नँकुःआ होड़कू अते अदोम होड़कू, मनुवारीग बेटातराः राइज बुँहड़ीत अरीनकू ञेल वरी ओरोकू गोएगनेना।”

मती ओजाःतेरा भगवानराः नपाय सरवन 17:1

छो दिन तयोमरे ईसू, पतरस, एकूब अरू एकूबरीग बोहोत एहुना सुदा मीटोंग उसूल पहाड़ सेरमो एकलाय गोःयाडकू।

मती ओजाःतेरा भगवानराः नपाय सरवन 24:27

ठेड़ररे पुरुब होर विड़चेड़ता दो, पछिम वरी विड़चेड़ सोदोरता, हनन इया मनुवारीग बेटातराः कुदा वेग होयाःता।

मती ओजाःतेरा भगवानराः नपाय सरवन 24:3

हनते ईसू जइतून पहाड़रेय दुड़ुःकुःआ। हनमेला हाँयरिकुःआ चेलाकू हाँय एचेरे एकला सेनेवाडखनकू होंबोरतिरिया, “ने गुरुजी आम उदुःवालेमे, नाःआ कता तुमिस होयाःता? आमराः कुदा वेग अरू चउंदीस टुटीगगुःराः चिनहा करा इया दोहोनता?”

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

मरकूस 13:26

हनमेला जमा होड़कू मनुवारीग बेटात, मुरुक जंगर अरू मरसलते बदरीरेय वेगतोकू ञेलेयता।

मरकूस 14:62

दो ईसू कतातेड, “ईंग हवे अरू अपे मनुवारीग बेटात अगम जंगरदार भगवानराः खउना गतर दुड़ुःतोय अरू सेरमो देस अते बदरीरे उतराव वेगतोपे ञेलेयता।”

लूका 1:2

नाःआ कताकून बुनुँहड़ी वरीतेकू ञेञेला अरू भगवानराः सरवनकू चेडतेडकुःआ हँकुःआ होड़कू अतेबू अयूमकेरा।

लूका 9:43

जमा होड़कू भगवानराः जंगर ञेलवाडखनकू बयावयान। हनमेला ईसू उलटावनेनखन आँयगरिकुःआ चेलाकू एचेरेय कताया,

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

रूमी 1:4

अरू भगवान हाँय गोएगतो अतेय जियाव रेमकिरिया अरू हना अते सुद बिरुवा अबूय उदुःवाता, ईसू भगवानरीग बेटात हवे अरू हाँय एचेरे जमालेःआ जंगर इदा, माःआन।

1 कुरिंती 1:17

ईसू मसी बतिसमा एमे लगा मेरेय वारगडिंगा, मनदो नपाय सरवन होड़कू कता उदुःवाकू लगाय वारकिरिंगा। ईंग मरंग मरंग बुतुड़ुते नपाय सरवनिंग परसारकेः दो, ईसू मसी कुरूसरेय गोएगनेना हनाराः मतलोब सदाःआ होया जुवाःकुःआ।

1 कुरिंती 1:23

मनदो अले कुरूसरेकू ठोंकाव गोएगतिरिया हाँयग ईसू मसी बदीरेले परसारगेतना। नाःआ सरवन एहूदाकू लगा एरंगवा इया इदा अरू बेगर एहूदाकू लगा बेगर लूर इदा।

1 कुरिंती 1:7

दो अपे अबूरीग परबू ईसू मसीराः कुदा वेग लगापे टकागोड ञवन मेला, सुद बिरुवाराः दहिन बदीरे अपे जीवरे तोनोंगाः हुडिंग बगरा ओरो होयानेना।

1 कुरिंती 2:1

ने अजी बोपोहकूतिंग, ईंग अपे एचेरे मड़ंगिंग सेनेड दो मरंग मरंग बुतुड़ुते भगवानराः ओकोत बुइद बदीरे मेरिंग कतागाड सहे मनुवाकूराः कनहून इया मेरिंग परसार उदुःगाड।

1 कुरिंती 2:4

ईंग बुतुड़ु मेला सहे सरवनिंग परसार मेला, ईंग कनहूनदार इदानिंगा हना उदुः लगा मरंग मरंग लबदरे मेरिंग कतागाड। मनदो ईंग सुद बिरुवाराः जंगरतेयिंग कता उदुःतेरा,

1 कुरिंती 5:4

अपे ईसू मसीराः ञावते मिनीरेपे जुमाःतान मेला, अरू ईंग जिनीव जीवरे अपे सुदा परबू ईसूराः जंगरतेयिंग दोहोन मेला,

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

इपीसी 4:14

नाःआ इया अबू मसीरेबू हरानता दो, अबू लइंकू इया ओरोबू दोहोनेना। डोंगा लहराते तुकड़ाव हड़ाःता हनन इया अडिग बइना चलहू होड़कू अँकूराः एटाः एटाः लबरा चेडतोते ओरोकू बहकाव अवेतेडबुःआ।

पिलिपी 3:21

दो ईसू मसी कुदा वेग मेला अबूराः अबड़ अरू गुजुः इयाःआ देह बदलाकेडखन आँयगराः देह इयाय अगम नपाये तुलागोडता। हाँयके जमा जिया-जउतकून एचेरे हातपात इदा अरू हाँय अनँयग जंगरते अबूराः देहे बदलावगोडता।

1 तिसलूनिका 2:19

परबू ईसू कुदा वेगता हनमेला इये बदीरे भगवान एचेरेले असरा, इये बदीरेले बहालगुः अरू इये बदीरेले भल-भलायगुः?

2 तिसलूनिका 2:9

हाँयग कसूर रबूद होड़ कलउराः जंगरतेय एचे ञिलुःता अरू जमा बयाव जुवाः इयाःआ चिनहाकूने एचे उदुःता अरू लबरा बुता, सताय बुता इयाय एचे उदुःगोडता।

1 तिमुतियूस 1:4

तुलात कहड़ीकून अरू खुटिपहार होड़कूराः ञाव सूची बदीराः बड़राकूनरे हँकुःआ होड़कूराः ओंगोल अलो दोहोन लगाम हुकुमवाकू। ननन इयाःआ कताकून बिसवासते होयाःता हना भगवानराः चेड इया कोवानेःआ अरू हना अते होड़कू मुरुककू अड़ा-चउकीता।

1 तिमुतियूस 4:7

भगवान मेर मान मरजइतगेयता हना कहड़ीकून अरू डुपुकुरीकूराः तुलात कहड़ीकून अते तोरेम दोहोन। मनदो भगवान मंजूरवाता हनानाः एचे लगाम चिडुः।

तितूस 1:14

अरू एहूदाकूराः तुलात कहड़ी अरू सतायकू आड-बेकारवाता हँकुःआ होड़कूराः कता अलोकू मनाः।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

1 एहुना 4:14

भगवान आँयगरीग बेटात चउंदीसरिकुःआ जमा होड़कू सडाव लगाय वारकिरिया। अले हाँय अँननले मेडतेले ञेलतिरिया अरू हिदइतले एएमेयतना।

जूदा 1:14

मनाड़ंगरीग होड़ आदमरीग नइड़-बाँसरे सात नमारीग होड़े दोहोना हाँयग हानोक हों, हँकुःआ लबरा चेडदार होड़कू बदीरे दरवाःआ बड़राय कतातेरा, ञेलपे, परबू आँयगरिकुःआ हजार हजार सुद बराहीलकू सुदाय वेगता अरू जमा होड़कूय फड़ियावकूता।

उदुःतो कताकून 1:7

ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!