2 एहुना 1:7 - Korwa Bible

⁷ होड़कू एचेरेकू अडिग जोमता हँकुःआ होड़कू चउंदीसरे मुरुक इदानकुःआ। हँकू कतायता, ईसू मसी मनुवाराः सुरइत मुरइतरे मेरेय जनमावगान, माःआन। आअडिग होड़कू अरू मसी मुदइ होड़कू नननकू हवे।

2 एहुना 1:7 Σταυροειδείς Αναφορές

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

1 एहुना 2:26

तोनोंग तोनोंग होड़कू अपे अडिग लगाकू ओंगलेता। हनालगा ईंग अपे सेताव घड़ीनिंग ओजाःगेतना।

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

उदुःतो कताकून 13:14

हाँयग जानरके मड़ंगीग जानर अते जंगरे पवावनेना। हनालगा हाँय बयाव जुवाः इयाःआ बुता एचे घड़ीन चउंदीसरिकुःआ होड़कूय बहकावा। हाँय हँकुःआ होड़कू एचेरेय कताया, “हाँयग जानर तलवइरतेकू ञेडतिरिया, मनदो मेरेय गोएगगान। दो हाँयराः मुरतीपे तुला।”