2 कुरिंती 8:8 - Korwa Bible

⁸ ईंग अपे मेरिंग हुकुमवापेतना, मनदो एटाः कलसियारिकुःआ होड़कू बिहिरीकू एमे लगा ओसताज इदानकुःआ अरू हनानाः बिहिरी एमे बदीरे अपेराः दुलार सताय इदा जा कोवान हना अउल-तउलगे लगा नाःआ इयायिंग कतायतना।

2 कुरिंती 8:8 Σταυροειδείς Αναφορές

रूमी 12:9

तोनोंगीग मेड अंजउड़ी अलोपे दुलारगेय; बेलूर कताकूनपे हिनइस-बिनइसवा अरू नपायपे एचेगोड ञवन।

1 कुरिंती 7:12

ईंग कतायतना हनापे अयूम। नाःआ कता परबू मेरेय कतायतना मनदो ईंग इनिंग अगीते एटाः होड़कूयिंग कतावातना, तोनोंगीग बिसवासी होड़रीग अइमी ईसू एचेरे मेरेय बिसवासगेतान अरू हाँय अनँयगरीग हेरेलतो सुदा दोहोन लगा राजूरे इदानिया, दो हाँय हाँयग अइमी अलोय बइ एंडागेय।

1 कुरिंती 7:25

दो डिंडा इदानकुःआ हँकू बदीरे परबू अगीते ईंग एचेरे तोनोंगाः हुकुम कोवानेःआ। मनदो ईंगराः मीटोंग सलाहिंग उदुःवापेतना। भगवान ईंगे मयावारा, हनालगा अपे ईंग एचेरेपे भरसा अवेयता।

1 कुरिंती 7:6

नाःआ, हुकुम इया मेरिंग कतायतना, मनदो मीटोंग सलाहिंग एमेयतना।

2 कुरिंती 6:6

नाःआ जमा अले जीवरे होयानेना। हनारे हों अले सुद जीवले जियाःआ, अरू भगवानराः सरवनले ओंगोल बुझाःआ अरू सहाव घड़ीन सुधा होड़कूले दोहोना। अले एचेरे सुद बिरुवा दोहोनता अरू सतायते होड़कूले दुलारा।

2 कुरिंती 8:10

नाःआ कता बदीरे अपेराः नफा लगा ईंग मीटोंग सलाहिंग उदुःता। कोनालोमते बिहिरी उतराव लगा एकला कोवान मनदो हान जुमावगे लगा हिछा हों मड़ंगरे अँननपे एचेरे दोहोना।

2 कुरिंती 8:24

हनालगा अपे एटाः होड़कूपे दुलारता हनन इया हँकुःआ होड़कू होँपे दुलारकू। दो अपे बदीरेले भल-भलायनेना हना हँकू सताय हवे माःआनकू सुदीबाःगोडता, अरू अपे सतायतेपे दुलारतना माःआन जमा कलसियारिकुःआ होड़कू होंकू सुदीबाःगोडता।

2 कुरिंती 9:2

अपे संघरावाकू लगा ओसताज इदानपेःआ हनायिंग सुसुदीतना। अरू ईंग मकिदुनिया राइजरिकुःआ बिसवासी होड़कू एचेरे अपे बदीरे नपायिंग कताकेरा, कोनालोम वरीते अकाया राइजरिकुःआ होड़कू संघरावाकू लगा ओसताज इदानकुःआ, माःआन अरू अपे ओसताज इदानपे अते हँकू होंकू ओसताजयना।

2 कुरिंती 9:7

भगवान बहालते एमेयीग होड़ सुदाय दुलारता। हनालगा अपे रेनहाते सहे बार जीवकियानखन अलोपे एमेय। मनदो अपे अनपेराः इंदरीरेपे ओंगोल दोहोकेरा हिनिनमिनपे एमेय।

इपीसी 4:15

मनदो सताय कता इया जियाः घड़ीन अँननबू अबू अलार-दुलारकेडखन जमा बरानाःरे, कलसियाराः बोः, ईसू मसी इया, अबू हनारागोड ञवन लगा इदा।

इपीसी 6:24

सतायरे अबूरीग परबू ईसू मसीकू दुलारगोड ञवनतना हँकुःआ होड़कूराः जीव सगर सइट भगवान मयावागोड ञवन।

इबरानी 10:24

अबू एटाः होड़कू अलार-दुलार होड़ेंग लगा अरू नपाय बुताकूनकू एचेय लगा करा इयाबू संघरा अवेवाकूता, हना बदीरेबू ओंगोलगोड ञवन।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।