2 कुरिंती 8:18 - Korwa Bible

¹⁸ अरू हाँय सुदा अले मी होड़ बिसवासी होड़ले वारकेरा। जमा कलसियारिकुःआ होड़कू नपाय सरवन परसार बदीरे हाँयकू भल-भलायवाता।

2 कुरिंती 8:18 Σταυροειδείς Αναφορές

रूमी 16:4

हँकिन ईंग लगा गुजुः लगा हों सपड़ावतकिन दोहोना। हनालगा ईंग, अरू जमा बेगर एहूदा बिसवासी होड़कू हँकिनले धनियाबादतना।

1 कुरिंती 16:3

ईंग कुरिंती सहररेयिंग सुदरुः दो अपे एचेरे मीटोंग चिठीयिंग एमेता। हनते अपे अते तोनोंग तोनोंग होड़कू हना चिठी अरू ढिबुवाकून गोःकेडखन एरुसलेम सहररे सेन लगा इदा। हना चिठी ञेलकेडखन एरुसलेमरिकुःआ बिसवासी होड़कू हँकुःआ होड़कूकू सिनहागोडता।

1 कुरिंती 4:17

नाःआ लगा ईंग अपे एचेरे ईंगरीग दुलार बेटा इयायीग तिमुतियूसिंग वारतना। हाँय परबू लगा बिसवासगेयीग इदानिया। जमा ततेरराः कलसियारिकुःआ होड़कू सरवनिंग चेडकूता हना चेड इया ईसू मसी लगा करा इयायिंग जियाःतना हना हाँय अपे एचेरेय कता उदुःगेता।

1 कुरिंती 7:17

नाःआते हों परबू मेमेड होड़ लगाय जिमाकेरा हना दहिन इया अरू भगवान राःकेडकुःआ हनन इया जमा होड़कू जियाः लगा इदा। जमा कलसियारिकुःआ होड़कू लगा ईंगराः हुकुम ननानाः हवे।

2 कुरिंती 12:18

ईंग अपे एचेरे सेन लगा तितूसिंग रेनहातेरा अरू हाँय सुदा एटाः मी होड़ होयिंग वारतेरा। दो तितूस अपे एचेरेय अडिग जोमनेना जा? हनाँय इया अलेराः लूर नेवन कोवानेःआ जा? अरू अले हों हाँय इया मेरले सलाःता जा?

2 कुरिंती 2:12

ईंग तोरोवास सहररे मसीराः नपाय सरवन मुरुक बगरा होड़कू एचेरे परसारगे लगा परबू ईंगे संघरावातेरा।

2 कुरिंती 8:19

निनमिनाः एकला कोवान, कलसियारिकुःआ होड़कू हाँयकू सुनावकेरा, जेमहा अले बिहिरी इदी अटू लगाले सेन मेला, हाँय हों अले सुदाय सेन। अरू अलेराः नाःआ सेवाते परबूराः मान मरजइत होयाःता अरू अले होड़कू संघरावा लगा सपड़ावतो इदानलेःआ माःआनले उदुः अवेय।