2 कुरिंती 8:10 - Korwa Bible

¹⁰ नाःआ कता बदीरे अपेराः नफा लगा ईंग मीटोंग सलाहिंग उदुःता। कोनालोमते बिहिरी उतराव लगा एकला कोवान मनदो हान जुमावगे लगा हिछा हों मड़ंगरे अँननपे एचेरे दोहोना।

2 कुरिंती 8:10 Σταυροειδείς Αναφορές

मती ओजाःतेरा भगवानराः नपाय सरवन 10:42

अपे ईंगपे अयूम! तोनोंगीग होड़ ईंगरिकुःआ चेलाकू अते मी होड़ हुडिंगीग चेला लगा दाः ञूय लगाय एमेवाय दो, हाँयग होड़ भगवान अगीते इमाने पनावाःता।”

एहुना 11:50

मीटोंग जइतरिकुःआ जमा होड़कू गुजुः अते हँकू बदलारे मी होड़ गुजुः दो अबू लगा नपाय हवे माःआन मेरपे सुदीयतना जा?”

एहुना 16:7

मनदो अपे एचेरे ईंग मीटोंग सताय कतायिंग कतायतना, ईंग सलाःतना दो, अपे लगा नफा होयाःता। ईंग मेरिंग सेन दो संघरादार अपे एचेरे ओरोय वेजेडा। मनदो ईंग सेन दो, हाँय अपे एचेरेयिंग वारगोडेयता।

एहुना 18:14

अरू जमा होड़कू लगा मी होड़ गुजुः दो नपाय दोहोनता माःआन, एहूदाकूरिकुःआ मूक होड़कू सलाहे एमेवातेडकुःआ हाँयग होड़ दोहोना कइपा।

1 कुरिंती 10:23

अपे अते तोनोंगीग कतायता, जमालेःआ एचेय लगा हकतियार ईंग एचेरे इदा, माःआन। मनदो ईंग हना कतारे रायरे कोवायिंगा। जमा दो नफा पवाः लगा अरू संघरावाकू इया कोवानेःआ।

1 कुरिंती 16:2

जमा हपताराः मड़ंग दिन एतवार दिन अपेराः आन-धान अते हुडिंग हुडिंगपे बनसाव दोहोगे। दो ईंग अपे एचेरेयिंग सेन, हनमेला ईंगके बिहिरी उउतराव ओरो परावनेना।

1 कुरिंती 6:12

अपे अते तोनोंगीग कतायता, जमालेःआ एचेय लगा हकतियार ईंग एचेरे इदा। मनदो ईंग कतायतना, जमा दो नफा पवाः लगा कोवानेःआ। हनालगा तोनोंगाः कतारे ईंग जीव लहकाः लगा मेरिंग ओवाता।

1 कुरिंती 7:25

दो डिंडा इदानकुःआ हँकू बदीरे परबू अगीते ईंग एचेरे तोनोंगाः हुकुम कोवानेःआ। मनदो ईंगराः मीटोंग सलाहिंग उदुःवापेतना। भगवान ईंगे मयावारा, हनालगा अपे ईंग एचेरेपे भरसा अवेयता।

1 कुरिंती 7:40

मनदो ईंगराः ओंगोलरे हाँयग रंडियाहीन रनंडियाहीने दोहोन दो हाँय बहालतेय दोहोनता। अरू ईंग ओंगलेतना भगवानराः बिरुवा ईंग एचेरे हों इदा।

2 कुरिंती 12:1

बड़वारगुः अते तोनोंगाः नफा कोवानेःआ। मनदो परबू अगीतेयिंग पवावकिया हना दरसनकून अरूय उदुःवारिंगा हना कताकून बदीरेयिंग कता उदुःगोड ञवनता।

2 कुरिंती 8:6

तिनितूस हमा नाःआ संघरागेराः बुता अपेतेय बुँहड़ीतेरा। हनालगा अपे बुँहड़ीकेरा हना बिहिरी उतरावराः बुता पुरावगे लगा अले हाँयले असेकेरा।

2 कुरिंती 8:8

ईंग अपे मेरिंग हुकुमवापेतना, मनदो एटाः कलसियारिकुःआ होड़कू बिहिरीकू एमे लगा ओसताज इदानकुःआ अरू हनानाः बिहिरी एमे बदीरे अपेराः दुलार सताय इदा जा कोवान हना अउल-तउलगे लगा नाःआ इयायिंग कतायतना।

2 कुरिंती 9:2

अपे संघरावाकू लगा ओसताज इदानपेःआ हनायिंग सुसुदीतना। अरू ईंग मकिदुनिया राइजरिकुःआ बिसवासी होड़कू एचेरे अपे बदीरे नपायिंग कताकेरा, कोनालोम वरीते अकाया राइजरिकुःआ होड़कू संघरावाकू लगा ओसताज इदानकुःआ, माःआन अरू अपे ओसताज इदानपे अते हँकू होंकू ओसताजयना।

पिलिपी 4:17

ईंग बदीरे अपे अहापे ओंगोलगे, नाँय तोनोंगाः संघरा पवाः लगाय चहाःतना, माःआन। मनदो ईंग चहाःतना, अपे ईंगपे संघरावातेरा, हनाते भगवान अपे इमाने एमेवापे।

इबरानी 13:16

एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।