2 कुरिंती 6:4 - Korwa Bible

⁴ मनदो अलेराः नपाय बुताते होड़कू सुदीबाःगोडता, हँकू भगवानरिकुःआ सताय सेवकियाकू हवे, माःआन। अले सिकिसतारे अरू संतावरे अरू गरीबगुःरे मुरुक सहाव घड़ीनले दोहोना।

2 कुरिंती 6:4 Σταυροειδείς Αναφορές

लूका 21:19

कटसिया सहाव घड़ीन अपेराः जीवपे बनसाव दोहोगोडता।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

मूक चेलाकू 2:22

ने इसराएल होड़कू, ईंगपे अयूम, अपे तलारे ञेनेल ञेलरे होड़कू नपाय जुवाःता हना बुता, मुरुक बयाव जुवाः इयाःआ बुताकून अरू चिनहाकून नसरत सहररीग ईसूते एचेतेडखन भगवान हाँये लुंबाड़ दोहोकिरिया, हना कता अपे नपायतेपे सुदीयतना।

मूक चेलाकू 20:34

अपे अँननपे अपे सुदीयतना ईंग इनिंग तिःईते बुतातेडखन ईंग लगा अरू ईंगरिकुःआ सेवा देंगवा होड़कू लगा हों जियाः जिनिसकूनिंग पुरावतेडकुःआ।

मूक चेलाकू 9:16

हाँय ईंग लगा तुमिन कटसिया सहावगे लगा इदा हना हाँय ईंग उदुःवायतिंग।”

रूमी 14:18

नाःआ इया ईसू मसीय सेवाता हाँयग होड़ भगवानराः ओंगोलरे अरू होड़कूराः ओंगोलरे हों नपाये दोहोनता।

रूमी 16:10

ईसू मसी जुकूर इदानिया हाँयग अपिलेसपे सलामगोड। अरिसतोबुलुस ओड़ाःरिकुःआ जमा बिसवासी होड़कूपे सलामगोड।

रूमी 3:5

मनदो अदोम होड़कू कतायता, अलेराः कसूरते होड़कू सुदीगोडता भगवान तुमिन नपाय इदानिया, माःआन। दो नाःआ कता बदीरे चेले माःआनबू कताय? होड़कू अँनकूराः ओंगोल इयाकू कता अवेयता, हाँय अलेराः कसूर बदलारेय डंडियावले दो हाँयराः फड़ियाव सताय कोवानेःआ, माःआन। (ईंग होड़कूराः ओंगोल इयायिंग कतायतना।)

रूमी 5:8

मनदो भगवान अनँयग दुलार नाःआ इयाय उदुःतेरा, अबू कनासूर कसूररेबू दोहोन मेला, मसी अबू लगाय गोएगनेना।

1 कुरिंती 3:5

दो अपोलोस इये हवे? अरू पउलूस इये हवे? अलिंग दो हाँयरिकिनाः सेवकियाकिन एकला हवे अरू अपे अलिंगते परबू एचेरेपे बिसवासकेरा। मेमेड होड़ लगा भगवान जिमावाडलेःआ, हनानाः बुता एकलाले बुता ञवनतना।

1 कुरिंती 4:1

ननन इया इदान दो अपे अलिंग ईसू मसीरिकिनाः सेवकियाकिन अरू भगवानराः ओकोत कनहून जिमात होड़किन इयापे ओंगोल दोहोलिंग।

1 कुरिंती 9:11

मी होड़ किसाड़ हुड़ूय वेरता, हनन इया अलिंग अपे एचेरे नपाय सरवनलिंग परसारतेरा। दो अपे अते नफालिंग पवाःता हना नपाय कोवानेःआ जा?

2 कुरिंती 11:23

हँकू मसीरिकुःआ सेवकियाकू हवे दो, ईंग हँकू अते बइड़के इदानिंगा। नाःआ ईंग बउड़ाहा होड़ इयायिंग कतायता। ईंग मुरुकिंग मिहनइतकेरा, घड़ी घड़ी जेहेलरेकू सींगतिरिंगा, कइन तुरहा गुरुंदतेकू ञेडतिरिंगा अरू कइन तुरहा गुजुःतेयिंग बनसावकिया।

2 कुरिंती 11:27

ईंग मुरुकिंग मिहनइतगेःआ अरू कटसियायिंग परावनेना अरू रइत रइत मेरिंग अपीगा। रंगेगतो अरू ततंगतोयिंग दोहोना अरू घड़ी घड़ी बेगर जोमतेयिंग दोहोना। ईंग ररंगिंगा अरू डेंडलेयिंग दोहोना।

2 कुरिंती 11:9

अरू ईंग अपे एचेरेयिंग दोहोन मेला ईंग लगा हुडिंग बगरा होयानेना दो, ईंग अपे लगा तोनोंगाः बोझा मेरिंग एमेगाड। मनदो मकिदुनिया राइज अतेकू वेजेडा हँकुःआ बिसवासी होड़कू ईंगराः जरुरइतकू एमे पुरावगोतेरा। अरू इनिंग अपे लगा तोनोंग इयाःआ बोझा होयाः अतेयिंग रोंकावनेना अरूयिंग रोनोंकावगोड ञवनता।

2 कुरिंती 12:10

ईंग अबड़ावगुःतान मेला, ईसू मसी ईंगे बड़ियाड़गींगता। हनालगा ईंग अबड़गुःतान मेला, अरू कटसियारेयिंग दोहोनतान मेला, अरू ईंगकू ओपतागिंगतान मेला, अरूयिंग गरीबगुःतान मेला अरू ईसू मसी बदीरे ईंगकू संतावगींगतान मेला बनहालतेयिंग दोहोनता।

2 कुरिंती 12:12

बयाव जुवाः इयाःआ बुताकून अरू चिनहाकून सहाव घड़ीन ईंग अपे तलारेयिंग एचे उदुःतेरा। हना अते अपे सुदीगोतेडपे जा, हाँय हों मी होड़ मूक चेला हवे, माःआन?

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

2 कुरिंती 3:6

अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

2 कुरिंती 4:17

अलेराः निःई मिनाः गुनुनहोन कटसिया अते अले ओरोले अउल-तउल अवेतेरा हना इयाःआ मान मरजइत सगर सइट लगाले पवाव जुवाःता।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 4:8

अले चइरो गतरते कटसियाले सहावता, मनदो मेरले लाय एंडानता; बार जीव जुवाःताले, मनदो मेरले हदराःता;

2 कुरिंती 7:11

ईंगराः चिठी बछावनेनखन भगवान अगीते अपेराः जीव हुडिंगनेना दो ओंगलेपे अपेराः जीवरे चिला नफा होयाकिया? अपे बेगर गारबारते इदानकुःआ माःआन उदुःगुः लगापे कुरनिसगेःआ, अपे रीसनेना अरूपे बयावयना, अपे मुरुक ईंग ञेल लगापे उसाडनेना, अपे ओसताजपे दोहोना अरू कसूर होड़कू डंडियावकू लगा सपड़ावतोपे दोहोना। अपे जमा बेला नाःआ कतारे बेगर गारबार होड़कू इदानलेःआ माःआनपे उदुःबाःगोतेडा।

कुलूसी 1:11

अपे भगवानराः अगामाः जंगरते, अपेराः जीव जमालेःआते बड़ियाड़कियानखन बहालगुः घड़ीन जमा बरानाः कटसियापे सहाव अवेय।

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

1 तिसलूनिका 3:7

ने अजी बोपोहकूतिंग, एटाः होड़कू अले कटसियावाडखनकू संतावलेतना। मनदो अपेराः बिसवास बदीरे अले मुरुक बहालरे इदानलेःआ।

1 तिसलूनिका 5:14

ने अजी बोपोहकूतिंग, अले अपे एचेरेले असेयतना कुड़ही होड़कूपे सेताव, पोंकाहा होड़कूराः जीवपे बड़ियाड़गोड, सतवास होड़कूपे संघरावा अरू कटराहा होड़कू इया अहापे होयाः।

1 तिमुतियूस 2:15

मनदो अइमीकू भगवान एचेरेकू बिसवासगे अरू अलार-दुलार घड़ीन ओंगोल समझावकियानखन सुद जीवकू जियाः दो, हँकू अमिंगगुः मेला भगवान हँकूराः जीवे सडावगोडता।

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

1 तिमुतियूस 6:11

मनदो ने भगवानरीग होड़ तिमुतियूस, नाःआ इयाःआ ललची कताते तोरेम दोहोन। भगवानराः ओंगोलरे बेगर गारबारते धरमिया होड़ बड़ाँवकियानखन बिसवास अरू अलार-दुलारते ओंगोल समझाव घड़ीन सुधा होड़ होयाः लगाम होमगोड।

2 तिमुतियूस 1:8

हनालगा आम परबू ईसूराः नपाय सरवन होड़कू एचेरे कता उदुःगे लगा सहे हाँयराः नपाय सरवन परसार अते जेहेलरे सींगतो इदानिंगा ईंग बदीरे हों अहम गियुः, मनदो भगवानराः जंगरते ईंग सुदा नपाय सरवन लगा कटसियाम सहाव।

2 तिमुतियूस 2:24

भगवानरीग सेवकिया होड़ कड़ीग होड़ अहाय होयाः, मनदो हाँय ञेल सोगायीग होड़, नपाय चेडदार अरू सहाव घड़ीन दोहोनीग होड़ होयाः,

2 तिमुतियूस 4:5

मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।

इबरानी 12:1

भगवान एचेरेकू बिसवासतेरा हँकुःआ जमा होड़कू अबूराः चाइरो गतर, बदरी इया हिदइतदारकू इदानकुःआ। हनालगा मान अबू रोंकावबूता हनाकून अरू अबू दाःबूता हना कसूरकूनबू चलाः एंडाय। अरू भगवान अबू लगाय संजोड़केरा हनानाः बतकाः, सहाव घड़ीनबू बतकाव ञवन।

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।