2 कुरिंती 5:15 - Korwa Bible

¹⁵ अरू मसी जनामाकू लगाय गोएगनेना दो जीयत इदानकुःआ हँकुःआ होड़कू अँननकू लगा कोवान, मनदो भगवान गोएगतो अतेय जियाव रेमतिरिया हाँय लगा जियाः इदा।

2 कुरिंती 5:15 Σταυροειδείς Αναφορές

लूका 1:74

अबूरिकुःआ मुदइ होड़कू अतेय सडावबूता अरू बेगर गारबार अरू सुद जीवते

एहुना 5:24

“अपे ईंगपे अयूम! ईंगराः सरवने अयूमता अरू ईंगे वारकेरा हाँय एचेरेय बिसवासगेता हाँयग होड़, ओरो टुटीगनेना हना जीवे पवाःता अरू भगवान हाँय ओरोय डंडियावतिरिया। मनदो हाँय गुजुः अते जीव अगीय बोलोयना।

एहुना 6:57

जीयत इदानिया ईंग अपांग ईंगे वारकेरा अरू हाँय अते ईंग जीयत इदानिंगा। हनलगा ईंगे जोमता हाँयग होड़ ईंग अगीते जिनियतेय दोहोनता।

रूमी 12:1

हनालगा ईंगरिकुःआ अजी बोपोहकूतिंग, भगवान अबूय मयावारा हना कता उहियारकेडपेखन अपे एचेरे गोड़न पइयन घड़ीनिंग असेयतना। अपे अँननपेराः देह भगवान ननायगुःता हना सुद अरू जीयत बलिदान इया जमालेःआपे जिमागोड। नाःआ भगवान सेवाराः सताय लूर हवे।

रूमी 4:25

ईसू मसी अबूराः कसूर बदलारे गुजुः लगा अनँयग आँयग जिमायान अरू भगवान अबू एचे मनावबू लगा ईसू मसी गोएगतो होड़कू अतेय जियाव रेमकिडिया।

रूमी 6:2

नाःआ इया कहियो ओरो होयानेना। अबू कसूर जीव जियाः लगाबू अड़ाः एंडागोतेडा दो, अरूबू कनासूरगोड ञवनता जा?

रूमी 6:6

अबू मीटोंग कताबू सुसुदीतना, अबूराः जुना जीव ईसू सुदा कुरूसरे ठोंकाव गोएगतो इदा, जेमहा अबूराः कसूर जीव टुटीग जुवाः अरू अबू कसूरराः बोझारे कहियो अलोबू पराः।

रूमी 8:10

नुँहू ईसू मसी अपे जीवरे इदानिया दो, अपेराः देह कसूर बदीरे गोएगतो इया इदा। मनदो भगवान अपे बेगर गारबार होड़कूय बड़ाँवकेडपे अते, अपेराः बिरुवा जिनियत इदा।

रूमी 8:2

अबू ईसू मसीरिकुःआ होड़कू हवे। हनालगा भगवानराः बिरुवा नँवा जीवे एमेकेरा अरू हाँय अबू कनासूर जीवते एचे अड़ाःकेडबूखन गुनुजुःतेय सडावकेडबुःआ।

रूमी 8:6

कसूर लूर-नेवन इयाकुःआ होड़कू भगवान अते एटाःकियानखनकू गोएग जुवाःता। मनदो सुद बिरुवाराः ओंगोल इयाकुःआ होड़कू सलसत जीव अरू ओरो टुटीगनेना हना जीवकू पनावाःता।

1 कुरिंती 10:33

ईंग इनिंग ननायगुः अते एटाः होड़कू ननाय जुवाः लगा जमा बेलायिंग कुरनिसगेता। ईंग इनिंगराः नफा मेरिंग ओंगलेता, मनदो एटाः होड़कू सडाव जुवाः लगा हँकूराः नफायिंग ओंगोलता।

2 कुरिंती 12:10

ईंग अबड़ावगुःतान मेला, ईसू मसी ईंगे बड़ियाड़गींगता। हनालगा ईंग अबड़गुःतान मेला, अरू कटसियारेयिंग दोहोनतान मेला, अरू ईंगकू ओपतागिंगतान मेला, अरूयिंग गरीबगुःतान मेला अरू ईसू मसी बदीरे ईंगकू संतावगींगतान मेला बनहालतेयिंग दोहोनता।

2 कुरिंती 3:6

अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

2 कुरिंती 5:16

नुँहू वरीते होड़कूराः ओंगोल इया तोनोंगीग ओरोले फड़ियावतिरिया। मड़ंगरे मसी बदीरे चउंदीसरिकुःआ होड़कू फड़ियावगेःआ हनन इया अले होंले फड़ियावतिरिया। मनदो नुँहू वरीते अले हनन इया ओरोले फड़ियावतिरिया।

गलातिया 5:25

अबू सुद बिरुवा अगीते नँवा जीवबू पवावकिया दो, हाँयराः अगुवाइते सनालावगोड ञवन लगा इदा।

इपीसी 4:17

ने अजी-बोपोहकूतिंग, अयुमेपे! परबू ईंग एचेरेय एमेकेरा, हनानाः हातपातते अपे एचेरेयिंग कतायतना, सताय भगवान मेरकू सुदीयता अरू बेगर लूरराः ओंगोल इयाकू जियाःतना हँकुःआ होड़कू इया अपे अलोपे जियाः।

इपीसी 5:14

अरू मरसलरे जमा जिनिसकून नपायतेबू ञेलता। हनालागा नाःआ इयाबू कतायता, “ने अपीगतो होड़कू, बेरेडपे! अरू गोएगतो अतेपे जियाव रिमुः, दो मसी अपेराः जीवरे मरसले एमेवापेता।”

कुलूसी 2:12

अरू अपे बतिसमापे गोःतेड मेला, अपे हों मसी सुदापे तीलयना। अरू भगवान अनँयग जंगरते, ईसू मसी गोएगतो होड़कू अतेय जियाव रेमतिरिया माःआनपे बिसवासगेतना। दो नँवा लूर-नेवनते, मसी सुदा अपे होँपे जियाव रेमकिया।

कुलूसी 3:1

भगवान अपे नँवा जीव लगा ईसू सुदाय जियाव रेमकेडपेःआ, दो नुँहू हाँय भगवानराः खउना गतररे राइजगे लगाय दुड़ुःकिया हना सेरमो देसराः कताकूनपे ओंगोलगोड ञवन।

कुलूसी 3:17

अपे तोनोंगाः बुतापे बुता सहे तोनोंगाः कतापे बड़रा हना जमाकून ईसू मसी लगापे एचेय, अरू हाँयते अपांग भगवानपे जागगोड ञवन।

कुलूसी 3:23

तोनोंग बुताकूनपे बुता दो अपे, अले होड़कू लगाले बुतातना, माःआन अलोपे ओंगले। मनदो अले परबू लगाले बुतातना, माःआन ओंगोलकेडखन अनंगेर अंगेरतेपे बुता।

1 तिसलूनिका 5:10

जेमहा अबू गोएग जुवाः सहे जीयतबू दोहोन, अबू सगर सइट हाँय सुदाबू दोनोहोन।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

1 पतरस 4:6

हनालगा ईसू गोएगतो होड़कू एचेरे हों नपाय सरवने परसारतेरा, जेमहा हँकूराः लूर नेवन इया भगवान फड़ियावतेडकुःआ, मनदो हँकूराः हनसा भगवान इया जीयत दोहो अवेन।

1 एहुना 4:9

भगवान नाःआ इया अबूय दुलारकेरा। भगवान अनँयगरीग मिनी होड़ बेटात ईसू नाःआ चउंदीसरेय वारतिरिया, जेमहा अबू हाँयतेबू जियाव अवेन।

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”