2 कुरिंती 4:4 - Korwa Bible

⁴ नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

2 कुरिंती 4:4 Σταυροειδείς Αναφορές

मती ओजाःतेरा भगवानराः नपाय सरवन 13:22

अरू जनुम बुदारे लोजोरनेना हना बिहान, भगवानराः सरवनकू अयुमेता हँकुःआ होड़कू हवे, मनदो हना सरवन चउंदीसराः ओंगोल अरू आन-धानराः ओंगोलते तेन जुवाःता। हनालगा हान मेर जो अवेनता।

एहुना 1:14

दो हना सरवन मनुवाराः सुरइत मुरइतरे होड़कू तलारेय डेरानेना। हाँय अपांग भगवानरीग मिनी होड़ बेटात इदानिया अरू अबू हाँय तुमिन मरंग इदानिया हनाबू ञेलतेरा। हाँयराः जीवरे जनामा सतायते अरू मयाते पेरेगतो दोहोना।

एहुना 1:18

तोनोंगीग होड़ भगवान कहियो मेरकू ञेलगडिया, मनदो भनगवानरीग दुलारीग मिनीटोंग बेटात एकला, अबू एचेरे भगवाने एचे उदुःकेरा।

एहुना 12:31

भगवान नाःआ चउंदीसरिकुःआ होड़कू फड़ियावकू लगा बेला सोदोरयना अरू भगवान नाःआ चउंदीसरीग राजा कलउए उडुंग एंडागोडेयता।

एहुना 12:35

दो ईसू हँकू एचेरेय कतातेड, “मरसल तोनोंग बेला वरी अपे एचेरे दोहोनता। अंदरा रेडपेते मड़ंग मरसलरेपे सेसेनका। अंदरारेय सेनता हाँयग होड़ मेरेय सुदीयता, हाँय करा अगीय सेनतना।

एहुना 12:40

हाँय हँकूराः मेडे अंदरागोतेड, अरू हँकूराः जीवे केटेगगोतेड नाःआते हँकू अँकू मेडते अहाकू ञेल अरू जीवरे अहाकू सुदी अवेय अरू ईंग एचेरे हँकू नपायगुः लगा जीव अहाकू कुदागे। हनालगा हँकू मेरकू बिसवास अवेगाड।

एहुना 12:45

हाँय ईंगे ञेलतान दो ईंगे वारकेरा हाँये ञेलता।

एहुना 14:30

चउंदीसरीग राजा, कलउ वेगतना। हनालगा ईंग अपे एचेरे नाःआ इया मुरुक बेला वरी ओरोयिंग कतातेरा। हाँय ईंग एचेरे हातपातगे लगा ओरोय अवेतेरा।

एहुना 15:24

तोनोंगीग होड़ नुँहू वरी मेरेय एचेगरा हना बुता ईंग हँकू तलारे मेरिंग एचेकेः दो, हँकू एचेरे कसूरराः बोझा ओरो होयाकुःआ। मनदो हँकू ईंग अरू ईंगराः बुताकू ञेलकेरा अरू ईंग अरू ईंग अपांग बनरकू हिनइस-बिनइसवारा।

एहुना 16:11

चउंदीसरीग राजा कलउ डंडियावगेय लगायिंग फड़ियाव दोहोकेरा। हनालगा सुद बिरुवा फड़ियाव बदीरे होड़कूय उदुःवाकूता।

एहुना 8:12

हनते ईसू होड़कू एचेरे अरूय कताया, “चउंदीसराः मरसल ईंग हवे। ईंग देहोरे वेगता हाँयग होड़ अंदरारे मेरेय सलाःता, मनदो हाँय जीव एमेता हना मरसले पवाःता।”

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

मूक चेलाकू 26:23

हँकू कतातेड, मसी कटसिया सहावकेडखन जमा गोएगतो होड़कू अते मड़ंगे जियाव रिमुःता अरू ननन इया हाँय अनँयगरिकुःआ होड़कू अरू बेगर एहूदाकू एचेरे मरसल इया भगवानराः सरवने परसार उदुःता।”

1 कुरिंती 10:20

मुरती मड़ंगरे बलिदानकू देगता हँकुःआ होड़कू भगवान लगा कोवान, मनदो भूतकू लगाकू बलिदानगेता। अरू ईंग मेरिंग चहाःतना अपे भूतकू सुदापे मेसान।

2 कुरिंती 2:11

अबू कलउराः बुइदकूनबू सुसुदीतना। हनालगा अबू हाँयराः गारबारबू बराव एंडाय अते कलउ अबू एचेरे ओढोर ओरोय ञेल ञाम अवेतेरा।

2 कुरिंती 2:12

ईंग तोरोवास सहररे मसीराः नपाय सरवन मुरुक बगरा होड़कू एचेरे परसारगे लगा परबू ईंगे संघरावातेरा।

2 कुरिंती 3:11

जुना कता-जमकावतो मान मरजइतगे इयाःआ दोहोना, मनदो नुँहू हान कोवानेःआ। अरू नँवा कता-जमकावतो सगर सइट लगा इदान दो, जुना कता-जमकावतो अते मुरुक मान मरजइतगे इयाःआ चिला लगा मेर दोहोकुःआ?

2 कुरिंती 3:14

हँकूराः जीव केटेगयना अरू हँकू जुना कता-जमकावतोकू बछाःतान मेला हँकूराः इंदरी हों पनाता रेडतो इया दोहो जुवाःता। मनदो इनीसू मसी सुदाबू मिनी जुवाः दो, पता रेडतो इदा हना, भगवान चलाः एंडागोडताय।

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

गलातिया 1:4

नाःआ बेलूर चउंदीसराः जंगरते अबू सडावबू लगा, ईसू मसी अबूरीग अपांग भगवानराः ओंगोल इया, अबूराः कसूर लगा अनँयग आँयग गुजुः लगाय जिमायान।

इपीसी 2:2

हनमेला अपे हों चउंदीसरिकुःआ होड़कूराः लूर-नेवन इयापे जियाःआ अरू सेरमोरेकू दँड़ाता हँकुःआ भूतकूरीग राजा कलउराः कतापे मनेवाःआ। अरू कलउ, भगवानराः कता मेरकू मनाःता हँकुःआ होड़कूराः इंदरीरेय बुतातना।

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।

पिलिपी 2:6

हाँय जमालेःआते भनगवाने दोहोना, हनते हों हाँय भगवान बरोबइर दोहोन लगा, मेरेय ओंगोल दोहोगाड।

कुलूसी 1:15

भगवान तोनोंगीग ओरोबू ञेल अवेतिरिया, मनदो ईसू मसी सिरामइत भगवान बरोबइर इदानिया। हाँय मड़ंगीग बेटात हवे, अरू जमालेःआते मनारंग इदानिया।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

1 तिमुतियूस 1:11

अरू अगम नपाय भगवान ईंगे जिमावारा हना जागगेयाः नपाय सरवनते नाःआ नियम खाप जोमता।

तितूस 2:13

अरू अबूरीग मरंग भगवान अरू सडावदार ईसू मसी मान मरजइत सुदा चउंदीसरेय कुदा वेगता हना दिन लगा बहालते असरा घड़ीनबू टकागोड ञवनतना।

इबरानी 1:3

भगवान तुमिन मरंग इदानिया हना हाँयग बेटात उदुःगेता अरू हाँय सिरामइत भगवान बरोबइर इदानिया। हाँय जमा जिया-जइतकून अनँयगराः अगम जंगर सरवनतेय संभाड़गोड ञवनता। हाँय होड़कूराः कसूर बराव एंडाकेडखन सेरमो देसरे इदानिया हाँयग मरंग भगवानराः खउना गतररे हातपात सुदाय दुड़ुःयना।

इबरानी 6:4

मी तुरहा भगवानराः मरसल अरू दहिनकू पवावनेना, अरू एटाःकू सुदा सुद बिरुवातेकू मिनीनेनखन तयोमतेकू कुदा जुवाःता हँकुःआ होड़कू बदीरे चेले माःआनबू कताय?

2 पतरस 1:19

नाःआते अले सुनुदीबाःगेतनाले, भगवानराः बड़रा कता होड़कूराः कता सताय हवे, माःआन। हँकू ओजाःतेरा हना सरवन तिंगीड घड़ीनपे मनाः। नाःआ सरवन अंदरारे निंदावा वरी मरसल एमेयता हना ढिबरी इया इदा। हनते अंगुः इपील इदानिया हाँयग ईसू मसी, अपेराः इंदरीरेय विड़चेड़ता।

1 एहुना 2:11

तोनोंगीग होड़ अनँयग बिसवासी वपक बोपोहकूय हिनइस-बिनइसवाकूता दो, हाँय कसूरराः अंदरारे इदानिया। कसूर अते हाँय अंधायना अरू हाँय मेरेय सुदीयता ईंग करा अगींग सेनतना हना।

1 एहुना 2:8

हनते हों ईंग मीटोंग नँवा नियमयिंग ओओजाःतना। कसूरराः अंदरा हुडिंगगुःतना अरू भगवानराः सताय कता मरसल इया विड़चेड़ लगा बुँहड़ीयना। हनालगा हना नियम ईसू मसी एचेरे सताय दोहोनता हनन इया अपे एचेरे हों सताय दोहोनता।

1 एहुना 5:19

अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।