2 कुरिंती 3:6 - Korwa Bible

⁶ अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

2 कुरिंती 3:6 Σταυροειδείς Αναφορές

मती ओजाःतेरा भगवानराः नपाय सरवन 13:52

हनते ईसू अरूय कतावाडकू, “भगवानराः राइज बदीरेय चेडकिया हाँयग नियम चेडदार होड़, अनँयग ओड़ाः अते नँवा अरू जुना जिनिसकूने उडुंगगोडता हाँयग मी होड़ ओड़ाः मालिक इया इदानिया।”

मती ओजाःतेरा भगवानराः नपाय सरवन 26:28

नाःआ रस ईंगराः बलंगी हवे अरू नानाः अते होड़कू सुदा भगवान कता-जमकावकूता। मुरुक होड़कूराः कसूर भगवान बराव एंडागे लगा ईंगराः बलंगी तूःता।

मरकूस 14:24

दो हाँय हँकू एचेरेय कतातेड, “नाःआ रस ईंगराः बलंगी हवे अरू मुरुक बगरा होड़कू लगा ईंगराः बलंगी तूःता। नानाः अते होड़कू सुदा भगवान कता-जमकावकूता।

लूका 22:20

हनन इया जोम तयोमरे ईसू अंगूर रसराः डुबहाय सेपेंग गोःतेरा अरू नाःआ इया कतातेडखने एमेतेरा, “ईंगराः बलंगी तूःतान अते नँवा कता-जमकावतोयिंग जबानगेता। अरू नाःआ डुबहारे इदा हना अंगूर रस हनाराः चिनहा हवे।

एहुना 5:21

अपात गोएगतो होड़कूय जियाव रेमा, हनन इया बेटात हों हाँय चहाःता हँकुःआ होड़कू जीवे एमेवाकूता।”

एहुना 6:63

भगवानराः सुद बिरुवा जीवे एमेता, मनदो मनुवाकू अते कहिसाः मेर होयाःता। ईंग कतातेरा हना सरवन भगवानराः सुद बिरुवा अगीतेयिंग कतातेरा अरू हनानाः कता अपे लगा जीव एमेयता।”

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

रूमी 3:20

दो तोनोंगीग होड़ नियम मनाः लगा कुरनिसगे अते भगवानराः ओंगोलरे बेगर गारबारीग होड़ ओरोय बड़ाँवनेना मनदो नियमते अबू सुदीगोडता, अबू कसूर होड़कू इदानबुःआ, माःआन।

रूमी 4:15

होड़कू भगवानराः नियमकून जमालेःआ मेरकू मनाव अवेनतान अते भगवान डंडियावकूताय। मनदो नियमकून मेर दोहोन दो नियमकून टड़ावराः कता करा इया दोहोकुःआ?

रूमी 4:17

भगवानराः कागदरे इबराहीम बदीरे ओजाःतो इदा, “ईंग आम मुरुक बगरा जइत होड़कूरीग अपांगिंग बड़ाँवकेडमेःआ।” हनन इया हाँय अबू जमा बिसवासी होड़कूरीग अपांग हवे। अरू हाँय, गोएगतो होड़कूय जियाव रेमकूता अरू बनाड़रा बड़राते तोनोंग मेर दोहोगान अते जमाकूने होनोयागोडता हाँयग भगवान एचेरेय बिसवासकेरा।

रूमी 7:6

मनदो ईसू मसी गोएगनेनते अबू एएचे पराःआ हना नियमराः बोझा अते भगवान अबूय सडावकेडबुःआ। हनाते अबूराः कसूर जीव टुटीगयना, जेमहा अबू ओजाःतो नियम इया कोवान, मनदो सुद बिरुवाराः ओंगोलते नँवा जीवते भगवानबू सेवा अवेय।

रूमी 8:2

अबू ईसू मसीरिकुःआ होड़कू हवे। हनालगा भगवानराः बिरुवा नँवा जीवे एमेकेरा अरू हाँय अबू कनासूर जीवते एचे अड़ाःकेडबूखन गुनुजुःतेय सडावकेडबुःआ।

1 कुरिंती 11:25

हनन इया बियाड़ी तयोमरे ईसू अंगूर रसराः डुभाय सेपेंगतेरा अरूय कताया, “ईंगराः बलंगी होड़कू लगा भगवानराः नँवा कता-जमकावतो इदा। अपे तोनोंग मेलापे ञूय दो ईंग उहियार लगा ननन इयापे एचेय।”

1 कुरिंती 12:28

अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।

1 कुरिंती 15:45

भगवानराः कागदरे ओजाःतो इदा, “भगवान मड़ंगीग मनुवा आदम एचेरे साँसे ओंगगोतेड अरू हाँय जीयत होड़े बड़ाँवनेना,” मनदो टुटीग आदम ईसू हवे अरू हाँय जीवे एमे कुदावाबूता।

1 कुरिंती 3:10

भगवान ईंगे मयावारा। हना अते ईंग मी होड़ ओड़ाः तुला मिसतिरी इया हना ओड़ाःराः नेविंग गडातेरा। अरू हना नेव सेरमो एटाः होड़कू भीटकू रेमतना। अरू बुतातनाकू हँकुःआ होड़कू ञेल थिताव घड़ीन तुलाय लगा इदा।

1 कुरिंती 3:5

दो अपोलोस इये हवे? अरू पउलूस इये हवे? अलिंग दो हाँयरिकिनाः सेवकियाकिन एकला हवे अरू अपे अलिंगते परबू एचेरेपे बिसवासकेरा। मेमेड होड़ लगा भगवान जिमावाडलेःआ, हनानाः बुता एकलाले बुता ञवनतना।

2 कुरिंती 11:23

हँकू मसीरिकुःआ सेवकियाकू हवे दो, ईंग हँकू अते बइड़के इदानिंगा। नाःआ ईंग बउड़ाहा होड़ इयायिंग कतायता। ईंग मुरुकिंग मिहनइतकेरा, घड़ी घड़ी जेहेलरेकू सींगतिरिंगा, कइन तुरहा गुरुंदतेकू ञेडतिरिंगा अरू कइन तुरहा गुजुःतेयिंग बनसावकिया।

2 कुरिंती 3:14

हँकूराः जीव केटेगयना अरू हँकू जुना कता-जमकावतोकू बछाःतान मेला हँकूराः इंदरी हों पनाता रेडतो इया दोहो जुवाःता। मनदो इनीसू मसी सुदाबू मिनी जुवाः दो, पता रेडतो इदा हना, भगवान चलाः एंडागोडताय।

2 कुरिंती 3:3

अलेराः सेवाते ईसू मसी ओजाःकेरा हना चिठी अँनपे हवे। अरू हना चिठी सियाहीते सहे दिरिराः पटरारे ओजाःतो कोवान, मनदो जीयत भगवानराः बिरुवाते अँननलेराः इंदरीरे ओजाःतो इदानपेःआ।

2 कुरिंती 3:7

गुजुःराः डंड एमेता हना जुना कता-जमकावतो भगवान दिरिरे ओजाःतेडखन मोसेसे ओवातेरा। लवकाःतो भगवान अते मोसेस हना नियमे पवावनेन अते हाँयराः सुरइत हों लवकाःआ। हना लवकाः ओहराव उतराःआ। हनते हों इसराएल होड़कू हाँयराः सुरइतरे मेरकू ञेल रोपाव अवेया।

2 कुरिंती 3:9

डंड एमेता हना कता-जमकावतो नपाय दोहोना दो, होड़कू बेगर गारबारकू बड़ाँवगोडकूता हना नँवा कता-जमकावतो, जुना कता-जमकावतो अते अरू बगरा नाय नपाय चिला लगा मेर होयाकुःआ?

गलातिया 3:21

अपे नाःआ इयापे ओंगलेतना जा, भगवानराः जबान अरू मोसेसराः नियमकून मेर जुमाःतना, माःआन? बुरी, नाःआ इया कोवान! अबू तोनोंगाः नियमकूनबू मनाः अते नपाय जीवबू जियाव अवेकुः दो हनानाः नियमकूनते, अबू भगवानराः ओंगोल इया बेगर गारबार होड़कूबू बड़ाँवकुःआ।

इपीसी 2:1

अपे गारबार अरू कसूरते गोएगतोपे दोहोन मेला भगवान जियावतेडपेःआ।

इपीसी 2:5

हनते हों हाँय अबू मुरुके दुलारकेडबुःआ अरू ईसू मसी सुदा नँवा जीव एमेकेडखने जियावकेडबुःआ, अरू आँयगराः मनायाते अपेय सडावकेरा।

इपीसी 3:7

भगवान अनँयग जंगरते ईंगे मयावारा अरू हना मयाते नपाय सरवन एटाःकू एचेरे कता उदुःगे लगा, ईंग हाँयरीग सेवकिया होड़िंग बड़ाँवयना।

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

2 तिमुतियूस 1:11

ननानाः नपाय सरवन लगा भगवान पपरसार होड़, ईसूरीग मूक चेला अरू चेडदार बड़ाँः लगा ईंगे सुनावकेरा।

इबरानी 12:24

अरू हाबीलराः बलंगी अते मसीराः मुरुक नाय नपाय इरचीत बलंगी हों हंडा इदा। अरू नँवा कता-जमकावतोरीग बिच-बिचवाई होड़ इदानिया हाँयग ईसू हों हंडा इदानिया।

इबरानी 13:20

दो सलसत एमेयीग भगवान, भेड़ाकूरीग मूक सरवाहा अबूरीग परबू ईसू, सगर सइट दोहोनता हना कता-जमकावतोराः बलंगीते गोएगतो अतेय जियाव रेमकिरिया।

इबरानी 7:22

नाःआ किरिया भगवान जोमतेरा अते ईसू नाय नपाय कता-जमकावतोरीग आभा पुरावदारे बड़ाँवनेना।

इबरानी 8:13

नाःआ नँवा कता-जमकावतो अते मड़ंगाः कता-जमकावतो भगवान जुनाय बड़ाँवगोतेडा। अरू जुना अरू जिलियावतो इदा हना ओहेन टगाव एंडा जुवाःता।

1 पतरस 3:18

भगवानराः ओंगोलरे अबू बेगर गारबार होड़कूय बड़ाँवबू लगा, बेगर गारबारीग इनीसू मसी मिनी जूदा अबू जमा कसूर होड़कू लगा, कटसिया सहावतेडखने गोएगनेना। हाँय देनेह देहरेय गोएगनेना मनदो भगवान हाँयराः बिरुवाय जियाव रेमगोतेडा।

1 एहुना 1:1

ने अजी बोपोहकूतिंग, जीव एमेता हना सरवन जूग परियाते दोहोना अरू ननाः बदीरे अपे लगाले ओजाःगेतना। अले हनानाः सरवन अँननलेराः मेडतेले ञेलतेरा अरूले अयूमतेरा, अले अँननलेराः तिःईतेले टोँवावतेरा।