2 कुरिंती 3:3 - Korwa Bible

³ अलेराः सेवाते ईसू मसी ओजाःकेरा हना चिठी अँनपे हवे। अरू हना चिठी सियाहीते सहे दिरिराः पटरारे ओजाःतो कोवान, मनदो जीयत भगवानराः बिरुवाते अँननलेराः इंदरीरे ओजाःतो इदानपेःआ।

2 कुरिंती 3:3 Σταυροειδείς Αναφορές

मती ओजाःतेरा भगवानराः नपाय सरवन 16:16

दो सिमोन पतरस कता कुदातेरा, “आम मसी हवे, जीयत इदानिया हाँयग भगवानरीग बेटात हवे।”

1 कुरिंती 3:5

दो अपोलोस इये हवे? अरू पउलूस इये हवे? अलिंग दो हाँयरिकिनाः सेवकियाकिन एकला हवे अरू अपे अलिंगते परबू एचेरेपे बिसवासकेरा। मेमेड होड़ लगा भगवान जिमावाडलेःआ, हनानाः बुता एकलाले बुता ञवनतना।

2 कुरिंती 3:6

अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

2 कुरिंती 3:7

गुजुःराः डंड एमेता हना जुना कता-जमकावतो भगवान दिरिरे ओजाःतेडखन मोसेसे ओवातेरा। लवकाःतो भगवान अते मोसेस हना नियमे पवावनेन अते हाँयराः सुरइत हों लवकाःआ। हना लवकाः ओहराव उतराःआ। हनते हों इसराएल होड़कू हाँयराः सुरइतरे मेरकू ञेल रोपाव अवेया।

2 कुरिंती 6:16

भगवानराः ओड़ाः अरू मुरतीकून तोनोंग इया मेसानता जा? भगवान कताकेरा, “ईंग हँकूराः इंदरीरेयिंग बसाःता, अरू हँकू एचेरेयिंग सेन दूरता, ईंग हँकूरीग भगवानिंग होयाःता, अरू हँकू ईंगरिकुःआ होड़कूकू दोहोनता।” हनन इया अबू जीयत भगवानराः ओड़ाः हवे।

1 तिसलूनिका 1:9

हँकू अँननकू कतायतना, पउलूस अरू सउंगताकूतेन हँकू एचेरेकू सेनेड मेला, हँकू नपायतेकू नेत-नेवारतेडकुःआ, माःआन। हँकू अले एचेरे अपे बदीरे नाःआ होंकू कता उदुःगेता, हँकूराः जीव बदलावयना अरू जीव मेर दोहोनता हना मुरतीकून अड़ाःकेडखन जीयत अरू सताय भगवानकू मनवेयतना,

इबरानी 10:16

“परबू कतायता, ईंग तयोमरे होड़कू सुदा ननानाः कता-जमकावतोयिंग जमकावता, ईंग इनिंगराः नियमकून हँकूराः इंदरीरेयिंग ओजाःगेता अरू हँकूराः जीवरेयिंग दोहोगेता।”

इबरानी 8:10

परबू कतायतना, हना दिनराः तयोमते इसराएलरिकुःआ होड़कू सुदा नाःआ इयायिंग कता-जमकावगेता। ईंग ईंगराः नियम हँकूराः जीवरेयिंग दोहोगोडता, अरू हँकू इंदरीरेयिंग ओजाःगोडता। ईंग हँकूरीग भगवानिंग दोहोनता अरू हँकू ईंगरिकुःआ होड़कूकू दोहोनता।

इबरानी 9:14

मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?

उदुःतो कताकून 2:1

इपीसी सहरराः कलसियारीग बराहील लगा नाःआ चिठीम ओजाः सातगोटोंग इपीलकू खउना तिःईरे साबकेडखन सोनाराः सातगोटोंग ढिबरीकून तलारेय दँड़ातायीग नाःआ इयाय कतायता,

उदुःतो कताकून 2:12

पिरगामून सहरराः कलसियारीग बराहील लगा नाःआ चिठीम ओजाः बनर परोम लसेरतो तलवइर साबतोयीग नाःआ इयाय कतायता,

उदुःतो कताकून 2:18

थायतिरा सहरराः कलसियारीग बराहील लगा नाःआ चिठीम ओजाः हितकाःतो सेंगेल इया मेड अरू सिरामइत पितड़ इया काट इदानीग भगवानरीग बेटात नाःआ इयाय कतायता,

उदुःतो कताकून 2:8

इसमुरना सहरराः कलसियारीग बराहील लगा नाःआ चिठीम ओजाः मनाड़ंगते इदानिया अरू टुटीग वरीय दोनोहोनता, अरू गोएगनेनखन जियाव रेमतो इदानीग नाःआ इयाय कतायता,

उदुःतो कताकून 3:1

सरदीस सहरराः कलसियारीग बराहील लगा नाःआ चिठीम ओजाः, सातगोटोंग बिरुवाय वारेयता अरू सातगोटोंग इपीलकू साबतोयीग नाःआ इयाय कतायतना, “ईंग अपेराः बुताकूनिंग सुसुदीतना। होड़कू हँकू जीयत इदानकुःआ, माःआनकू कतावापेता, मनदो अपे गोएगतो इदानपेःआ।

उदुःतो कताकून 3:14

लउदिकिया सहरराः कलसियारीग बराहील लगा नाःआ चिठीम ओजाः, बिसवासगेयीग अरू सताय हिदइतदार अरू जमा जिया-जउतकून अते मनाड़ंगते दोहोनीग हाँयग आमीन नाःआ इयाय कतायता,

उदुःतो कताकून 3:22

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा।”

उदुःतो कताकून 3:7

पिलादिलपिया सहरराः कलसियारीग बराहील लगा नाःआ चिठीम ओजाः, सुद अरू सताय इदानीग, अरू दाऊद राजाराः चाभी अनँयग तिःईरेय साबकातायीग कतायतना। हाँय हना चाभीतेय गीगगेता हना दुवार तोनोंगीग ओरोकू सींग अवेतेरा। अरू हाँय सींगगे हन दुवार तोनोंगीग ओरोकू गीग अवेतेरा। दो हाँय नाःआ इयाय कतायता,