2 कुरिंती 13:5 - Korwa Bible

⁵ अपे बिसवासरे बड़ियाड़ इदानपेःआ जा कोवान, हना अँननपे अंदजावगुः अरूपे जासगुः। अपे मेरपे सुदीयतना जा मसी अपे जीवरे इदानिया माःआन? निही दो अपे हाँयरिकुःआ होड़कू कोवापेःआ।

2 कुरिंती 13:5 Σταυροειδείς Αναφορές

एहुना 14:23

दो ईसू कतातेड, “अपे तोनोंगीग ईंगपे अलार-दुलार दो, हाँय ईंगराः सरवने मनेवाता। ईंग अपांग हाँये अलार-दुलारता अरू अलिंग हाँय एचेरे सेनेकियनखन हाँय सुदालिंग दोहोनता।

एहुना 15:4

अपे ईंग सुदा मिनीपे दोहोन दो ईंग अपे सुदा मिनीयिंग दोहोनता। मीटोंग नइड़, दूबरे मेर दोहोनतान दो हन मेर जोःता। हनन इया अपे हों ईंग सुदा मिनी मेरपे दोहोन दो अपे तोनोंग नपाय बुता ओरोपे एचे अवेतेरा।

एहुना 17:23

आम ईंग सुदा मिनी इदानमेःआ अरू ईंग हँकू सुदा मिनी इदानिंगा, जेमहा हँकू जमालेःआतेकू मिनी जुवाः। हनाते चउंदीसरिकुःआ होड़कू सुदीयता अनम ईंगमे वारकेरा अरू आम ईंगमे दुलारकेरा हनन इया हँकू होंम दुलारकूतना।

एहुना 17:26

ईंग हँकू एचेरे आमिंग एचे उदुःगोतेरा अरू उनुदुःगोड ञवनतिंग। हनाते आम ईंगमे दुलारता, हना दुलार हँकू एचेरे हों दोहोनता अरू ईंग इनिंग हँकू सुदा मिनीयिंग दोहोगोड ञवनता।

एहुना 6:56

ईंगराः देहे जोमगोडता अरू ईंगराः बलंगीय ञूयता हाँयग होड़ ईंग सुदा मिनीय दोहोनता अरू ईंग हों हाँय सुदा।

एहुना 6:6

ईसू मड़ंगरे चिलाय एचेयता हना अनँयग आँयगते सुदीवाडखन पिलिपूस अंदजावगे लगा नाःआ इयाय होंबोरतिरिया।

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

रूमी 8:10

नुँहू ईसू मसी अपे जीवरे इदानिया दो, अपेराः देह कसूर बदीरे गोएगतो इया इदा। मनदो भगवान अपे बेगर गारबार होड़कूय बड़ाँवकेडपे अते, अपेराः बिरुवा जिनियत इदा।

1 कुरिंती 11:28

परबू भोज जोम-ञूय अते मड़ंग अबू अँननबूराः इंदरी जासगुः लगा इदा।

1 कुरिंती 11:31

मनदो अबू अँननबू ओंगोल चुवेर घड़ीनबू जासगुः दो अबू डंड ओरोबू पवावनेना।

1 कुरिंती 3:16

अपे मेरपे सुसुदीतना जा, अपे भगवानराः ओड़ाः हवे अरू हाँयराः बिरुवा अपे जीवरे दोहोनता?

1 कुरिंती 6:15

अपे मेरपे सुसुदीतना जा, अपे मसीराः देह दगलीकून हवे? दो ईंग मसीराः देह दगलीकून गोःकेडखन सनही अइमी सुदा मिनी जुवाः लगायिंग जिमागोड जा? कहियो ओरो!

1 कुरिंती 6:19

अपे मेरपे सुसुदीतना जा, अपेराः देह सुद बिरुवाराः डेरा हवे। अरू हाँयग बिरुवा भगवान अगीतेःआ दहिन हवे अरू हाँय अपे जीवरेय दोहोनता। दो अपे अँननपेरिकुःआ ना लवे।

1 कुरिंती 6:2

अपे मेरपे सुदीतना जा भगवानरिकुःआ सुद होड़कू चउंदीसरिकुःआ होड़कूकू फड़ियावता? दो अपे चउंदीसरिकुःआ जमा होड़कूपे फड़ियावकू लगा इदा दो गुन लकनाः कड़ीगकून ओरोपे फड़ियाव अवेतेरा जा?

1 कुरिंती 9:24

अपे मेरपे सुसुदीतना जा, इमान पवाः लगा बतकाः होड़कू जमाकू बतकाःता, मनदो मिनी होड़ इमाने पवाःता? दो अपे जिताःराः ओंगोलरेपे बतकाः।

1 कुरिंती 9:27

ईंग होड़कू एचेरे नपाय सरवनिंग परसार तयोमरे, ईंगराः सेवा भगवान मड़ंगरे बेगर लूर होया जुवाः दो ईंग लगा चिला नफा इदा? हनालगा ईंग इनिंगराः देह दगलीकून ओंगोल समझाव घड़ीन बेगारीयिंग बड़ाँवगेता।

2 कुरिंती 6:16

भगवानराः ओड़ाः अरू मुरतीकून तोनोंग इया मेसानता जा? भगवान कताकेरा, “ईंग हँकूराः इंदरीरेयिंग बसाःता, अरू हँकू एचेरेयिंग सेन दूरता, ईंग हँकूरीग भगवानिंग होयाःता, अरू हँकू ईंगरिकुःआ होड़कूकू दोहोनता।” हनन इया अबू जीयत भगवानराः ओड़ाः हवे।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

गलातिया 4:19

ने ईंगरिकुःआ लइंकू, ईसू मसीराः लूर-नेवन इया अपेराः लूर-नेवन अरीन होयाः वरी, ईंग अपे लगा लरकुरहिया अइमी इया कटसियायिंग सहावगोड ञवनता।

गलातिया 6:4

अपे जमाकू अँननपेराः बुता नपायतेपे जासवा, जेमहा अपे एटाः होड़कू बदीरे कोवान, मनदो अपे अँननपे अपे सयाँड़ अवेन।

इपीसी 3:17

अपेराः बिसवासते ईसू मसी अपेराः इंदरीरेय डेरान लगायिंग अरजीतना। जेर गहीर सेनेकियानखन सींग बड़ियाड़गेता अरू ओड़ाः खुंटा बड़ियाड़गेता, हनन इया अपेराः जीव अलार दुलारते बड़ियाड़ जुवाः लगा होयिंग अरजीतना।

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

कुलूसी 1:27

अरू बेगर एहूदाकू एचेरे हों भगवानराः अगम नपाय बुइद, उदुःवाकू लगा भगवान ओंगोल दोहोतेरा। हना बुइद नाःआ हवे; मसी अबू जीवरेय दोहोनता अरू हनाते ओरो टुटीगनेना हना जीवराः असराबू पनावावकिया।

कुलूसी 2:19

नाःआ इयाकुःआ होड़कू ईसू मसी सुदा मिनी मेरकू दोहोनता, अरू हँकू बोः अते एटाःतो देह इया इदानकुःआ। सिर अरू गेँटकूनते बोः देहराः जमा दगलीकून मिनी जुमूट दोहोगेता, हनन इया ईसू मसी हों कलसिया, आँयगराः देह, मिनी जुमूटे दोहोगेता अरू भगवान कलसियाय एचे हरागोडता।

कुलूसी 2:7

अरू जेर गहीर सेनेकियानखन दुबीत बड़ियाड़गेता, हनन इया मसी बदीरेपे चेडकिया इया अपे बिसवासरे बड़ियाड़ इदीनपे, अरू भगवान बनागरापे धनियाबादगोड ञवन।

1 तिमुतियूस 2:15

मनदो अइमीकू भगवान एचेरेकू बिसवासगे अरू अलार-दुलार घड़ीन ओंगोल समझावकियानखन सुद जीवकू जियाः दो, हँकू अमिंगगुः मेला भगवान हँकूराः जीवे सडावगोडता।

2 तिमुतियूस 3:8

एनेस अरू अंबरेस, मोसेसकिन घंटावतेरा हनन इया ओंगोल बेलूरयना अरू भगवान मेडरे बिसवास सदायना हँकुःआ लबरा चेडदार होड़कू हों सताय चेडकू घंटावता।

तितूस 1:13

हाँयराः हिदइत दो जनामा सताय हवे। हनालगा आम हँकुःआ लबरा बड़रा होड़कू नपायतेम डंटावगोड ञवान, जेमहा होड़कू ईसूराः सताय सरवनरेकू बड़ियाड़ जुवाः

तितूस 1:16

हँकू कतनता, अले भगवानले सुदीयतना, माःआन। मनदो हँकूराः बुताते भगवानकू आड-बेकारवायता। हँकू भगवानराः कता मेरकू मनवेता अरू एरांगवा इया इदानकुःआ अरू तोनोंगाः नपाय बुता जुकूर कोवाकुःआ।

तितूस 2:2

सपायाड़कू अँननकूराः जीव संभाड़गे लगा अरू नपाय सुरताते बिसवासरे बड़ियाड़ अरू अलार-दुलारते अरू सहाव घड़ीनरे मान मरजइतगे इयाकू जियाः लगाम चेडकू।

इबरानी 12:15

तोनोंगीग भगवानराः मयाय पवाः अते अनँयग तिःई कुदागे अते सवासितीपे दोहोन। अरू हटी जेर इया तोनोंगाः कताकून अपे तलारे अलो सेडे़याः लगा हों सवासितीपे दोहोन। नाःआ अते होड़कू हलकइन जुवाःता अरू मुरुक होड़कूराः जीव मइलाव जुवाःता।

इबरानी 4:1

हनालगा भगवान जबानकेरा हना लोड़ोन अबू अटकार अवेय लगा हन नुँहू वरी सलाव वेगतना। दो अबू अते तोनोंगीग होड़ हना लोड़ोन मेरेय अटकार अवेगे अते सवासिती दोहोन लगा इदा।

इबरानी 6:8

मनदो ओत, जनुम अरू रटंग-पटंग ओमोनगेता दो, हना ओत बेलूर अरू एचे सती-सरापगुः लगा इदा। अरू हना जमाकून एचे बाल लो एंडान लगा इदा।

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।

1 पतरस 5:9

अपे सुदीयतना चउंदीसरिकुःआ जमा बिसवासी होड़कू, ननन इयाःआ कटसियाकू सहाव पारतना। हनालगा अपे बिसवासरे बड़ियाड़कियानखन कलउ अपे जीवरे हातपातगे लगा दोंग अहापे एमेवाय।

उदुःतो कताकून 2:5

हनालगा अपे उहियारगुःपे करतेपे कसड़किया, अरू जीव कुदाकेडखन मनाड़ंग इयाःआ बुताकूनपे बुता। अपे जीव मेरपे कुदाय दो ईंग अपे एचेरे सेनेकियानखन अपेराः ढिबरी अपे अतेयिंग चलाः एंडागोडता।