2 कुरिंती 13:11 - Korwa Bible

¹¹ टुनुटीगरे ईंगरिकुःआ अजी-बोपोहकूतिंग, बनाहालतेपे दोहोन; अपेराः लूर नेवन उडु-बुडू इदीनपे; ईंगराः कतापे होमगोड; मी जीवकियानखनपे दोहोन; हेल-मेलपे दोहोन। दो अपेय दुलारता अरू सलसते एमेवापेता हाँयग भगवान अपे सुदाय दोहोनता।

2 कुरिंती 13:11 Σταυροειδείς Αναφορές

मती ओजाःतेरा भगवानराः नपाय सरवन 1:23

“मी होड़ डिंडा धंगड़ी भरी-पाव जुवाःता, अरू हाँय मी होड़ हेरेल होने हेवेगेयता। अरू हाँयराः ञाव दोहोनता, इमानुएल।” अरू हनाराः मतलोब नाःआ हवे, भगवान अबू सुदा इदानिया, माःआन।

मती ओजाःतेरा भगवानराः नपाय सरवन 5:48

हनालगा सेरमो देसरीग अपांग उडु-बुडूत इदानिया हनन इया अपे हों उडु-बुडूतपे बड़ाँः लगा इदा।”

मरकूस 10:49

दो ईसू चड़ाँनेनखने कतातेरा, “माँय ईंग एचेरेपे राः अगूय।” अरू होड़कू हाँयग अंधा होड़ राःतिरिगखनकू कतावातेरिया, “अहम बोर! रिमुःमे। ईसू आमे राःतना।”

मरकूस 9:50

बुलुंग नपाय जिनिस हवे। मनदो बुलुंगराः सेबेल मेर दोहोन दो हना बुलुंग अते करा इयाबू बुलुंग सेबेलगे? अपे जीव अरू ओंगोल बुलुंग इया नपाय दोहोन इदा अरू अँननपे अपे सलसतरेपे दोहोन।”

लूका 9:61

अरू मी होड़ कताया, “ने परबू, मड़ंग ईंग ओड़ाःरिकुःआ होड़कू पइड़घाव अटूकू लगाम सेने ओवायिंग।”

एहुना 17:23

आम ईंग सुदा मिनी इदानमेःआ अरू ईंग हँकू सुदा मिनी इदानिंगा, जेमहा हँकू जमालेःआतेकू मिनी जुवाः। हनाते चउंदीसरिकुःआ होड़कू सुदीयता अनम ईंगमे वारकेरा अरू आम ईंगमे दुलारकेरा हनन इया हँकू होंम दुलारकूतना।

मूक चेलाकू 15:29

अपे मुरतीकून मड़ंगरे मंडावतो तोनोंगाः जिनिसकून अहापे जोम, बलंगी अरू अइठाव गोएगतो जानरकूराः मास कहियो जोजोम कोवानेःआ अरू सनहा-सनहीते तोनोरे दोहोन लगा इदा। अपे नाःआ जमाकून अते सवासितीपे दोहोन दो नानाः अपे लगा ननपाय दोहोनता। नपायतेपे दोहोन।

मूक चेलाकू 18:21

मनदो हाँय सेन मेला हँकू एचेरे नाःआ इयाय कतातेरा, “भगवानराः ओंगोल इदान दोयिंग कुदा वेगता।” हनते हाँय इपीसी सहर अते जहाजते तोराय।

मूक चेलाकू 23:30

ईंगे उदुःवातेरा, नाँयग होड़ ञेड गोएगगे लगाकू सपड़ावकिया दो ओहेन ईंग आम एचेरेयिंग वारगोतेडीग अरू हाँयकू बदीःआ, हँकुःआ होड़कू हों अँकूराः लालिस आम मड़ंगरेकू उदुःगे लगायिंग हुकुमतेरा।

रूमी 12:16

अपे जमा होड़कू सुदा हेल-मेलरेपे दोहोन। अपे अँननपे अपे कनहूनदारकू ओंगोलकियानखन अलोपे बड़वार, मनदो लचार होड़कू सुदा मिनीरेपे ननायगुः।

रूमी 12:18

होया अवेन हनामिन जमा होड़कू सुदा सलसतरेपे दोहो ञवन।

रूमी 14:19

हनालगा अबू जमाकू सुदा हेल-मेलरे दोहोन घड़ीन बिसवासरे बड़ियाड़ होड़ेंग लगा इदा।

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

रूमी 15:33

अबू लगा सलसते एमेयता हाँयग भगवान अपे जमाकू सुदाय दोहोन। आमीन!

रूमी 16:20

अबू सलसते एमेवाबूता हाँयग भगवान, अपेराः काटते ओहेन कलउ एचे रमदावकेडखन हाँयराः जंगरे चबागोडता। अबूरीग परबू ईसू मसी अपेराः जीवे मयावागोड ञवन।

1 कुरिंती 1:10

ने ईंगरिकुःआ अजी बोपोहकूतिंग, ईसू मसीराः ञावते अपे एचेरे गोड़न पइयन घड़ीनिंग कतायतना, अपे जमाकू मिनी गूट जुवाःपे। अरू अपे अलोपे बेगराव हटिंगगुः, मनदो अपे मिनी जीव अरू मिनी ओंगोलते मिनी जुमूटपे दोहो ञवन।

2 कुरिंती 1:4

अबूराः जमा सकालाः कटसियारे भगवान अबूराः जीवे हड़ियाड़गोडता, जेमहा कटसियारे इदानकुःआ हँकुःआ होड़कूराः जीव अबू हों हड़ियाड़ अवेयबू।

2 कुरिंती 13:14

परबू ईसू मसी अपेय मयावा अरू भगवान अपेय दुलार अरू सुद बिरुवाराः संगइती अपे जमाकू सुदा सगर सइट होनोयागोड ञवन। आमीन!

2 कुरिंती 13:9

अले अबड़ इदानले हों, अपे जबड़ जुवाः दो, अले बहाल जुवाःता। अरू अपे नाय नपायपे उडु-बुडू जुवाः लगाले अरजीता।

इपीसी 4:12

नाःआते भगवानरिकुःआ सुद होड़कू सेवा बुता बुता लगाकू सपड़ाःता अरू मसीराः देह, मतलोब कलसिया, अरूकू बड़ियाड़ जुवाःता।

इपीसी 4:3

भगवानराः सुद बिरुवा अपे मी जुमूटकेडपेःआ दो हनन इया सलसतरे दोनोहोन लगा जमा बरानाःपे कुरनिसगोड ञवन।

इपीसी 6:23

अबूरीग अपांग भगवान अरू परबू ईसू मसी अपेराः जीवे सलसतगे अरू अँननपे अपे अलार-दुलार होड़ेंग घड़ीन, ईसू मसी एचेरेपे बिसवासगोड ञवन लगायिंग अरजीतना।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

पिलिपी 3:16

दो अबू चेडकिया हनन इया सनालावगोड ञवन लगा इदा।

पिलिपी 4:2

ने एवदी अरू सुंतुकी, अबा परबू ईसू एचेरेबा बिसवासगेतना। हनालगा ईंग अबा एचेरे गोड़न पइयनकियानखनिंग कतायतना, “अबा अलोबा कड़ी होड़ेंग, मनदो सलसतरेबा दोहोन।”

पिलिपी 4:4

अपे परबू एचेरे जमा बेला बहालतेपे दोहोन! अरूयिंग कतायतना, अपे बनाहालतेपे दोहोन!

पिलिपी 4:9

ईंग अपेयिंग चेडकेरा अरूयिंग कता उदुःतेरा अरू अपे ईंग अतेपे अयूमकेरा अरू अपे ईंग एचेतपे ञेलकेरा, हना जमाकूनपे मनावगोड ञवन। दो सलसत एमेवाबूता, हाँयग भगवान अपे सुदाय दोनोहोनता।

1 तिसलूनिका 3:10

अपे एचेरे सेने अवेन लगा अरू अपेराः बिसवास, अरू एचे बड़ियाड़गे लगा रइत दिन अपे लगाले अरजीगोड ञवनता।

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

1 तिसलूनिका 4:18

हनालगा नानाः कता घड़ीन अपे कता बहाल होड़ेंगगोड ञवनपे।

1 तिसलूनिका 5:13

हँकुःआ होड़कू अपे लगा मुरुककू मिहनइतगेता। हनालगा हँकुःआ होड़कूपे दुलारकू अरू मुरुक मान मरजइतकूपे। अपे सलसततेपे दोहो ञवन।

1 तिसलूनिका 5:16

जमा बेला बनाहालतेपे दोहोन।

1 तिसलूनिका 5:23

जमा होड़कू लगा सलसते एमेयता हाँयग भगवान जमा बरानाःते अपेराः जीव सुदे दोहोगे अरू परबू ईसू मसी कुदा वेगता हना दिन वरी अपेराः देह, जीव अरू हनसा बेगर कसूरते दोहोगे लगा होयिंग अरजीतना।

2 तिसलूनिका 2:16

दो अबूय दुलारकेरा, अरू मयावाडबूखन सगर सइट लगा अबू जीवे हड़ियड़गोतेडा, अरू नपाय असराय एमेकेरा अबूरीग अपांग भगवान अरू परबू इनीसू मसी,

2 तिसलूनिका 3:1

टुनुटीगरे ईंगरिकुःआ अजी-बोपोहकूतिंग, ईंग अपे एचेरे मीटोंग बड़रा अरूयिंग कतायतना। परबू ईसूराः नपाय सरवन अपे तलारे सेड़यावनेना। हनन इया परबूराः नपाय सरवन जमा ततेररे ओहेनले सेड़याव अवेय लगा अरू हना सरवन होड़कू मान मरजइतगे लगा अपे अरजीगोड ञवनपे।

2 तिसलूनिका 3:16

अबू जीवरे सलसते एमेयता हाँयग परबू ईसू, अपे लगा जमा इयाःआ सलसत सगर सइटे एमे हड़ाःवापे। अरू परबू ईसू अपे जमाकू सुदाय दोहोन।

2 तिमुतियूस 2:22

डिंघा धंगड़ीकूराः जीवरे वेगता, हना देहराः हिछाकून अते तोनोरेम दोहोन अरू सुद इंदरीते भगवानकू जागता, हँकुःआ होड़कू सुदा बेगर गारबारते बिसवास अरू अलार-दुलार घड़ीन सलसतरे दोहोन लगाम होमगोड।

इबरानी 12:14

जमा होड़कू सुदा हेल-मेलपे दोहोन लगा अरू सुद जीव जियाः लगा जमालेःआपे कुरनिसगोड ञवन। सुद जीव मेरकू जियाःता हँकुःआ होड़कू भगवान कहियो ओरोकू ञेल अवेतिरिया।

इबरानी 13:20

दो सलसत एमेयीग भगवान, भेड़ाकूरीग मूक सरवाहा अबूरीग परबू ईसू, सगर सइट दोहोनता हना कता-जमकावतोराः बलंगीते गोएगतो अतेय जियाव रेमकिरिया।

एकूब 1:4

अपे जमालेःआपे सहाव अवे लगा चिडुः इदा। अरू हनाते अपे जमा बेला ओंगोल घड़ीन जमाकून कनहूनतेपे एचे अवेयता अरू अपेराः जीव नाय नपायकियानखन उडु-बुडू जुवाःता।

1 पतरस 3:11

हँकू बेलूर बुता अड़ाःकेडखन नपाय बुता एचेय लगा इदा अरू सलसत जीव जियाः लगा अरू ननानाः दूररे सलावगोड ञवन लगा इदा।

1 पतरस 3:8

नाःआ जमाकून एचे घड़ीन, अपे जमाकू सुदा मिनी जीवते, सोगा होड़ेंग घड़ीन अलार-दुलारतेपे दोहोन। अरू अँननपे अपे हुडिंग ओंगोलकियानखन सुधा होड़कूपे बड़ाँः।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

उदुःतो कताकून 22:21

परबू ईसू भगवानरिकुःआ जमा सुद होड़कूय मयावागोड ञवन। आमीन!