2 कुरिंती 12:2 - Korwa Bible

² ईसू मसी एचेरेय बिसवासगेतना मी होड़ होड़ इदानिया। चउदाह बरिस मड़ंगरे भगवान हाँयग होड़ सेनेरमो सेरमो देसे रेम गोःयडिया। हाँय देनेह देहरे जा बेगर देहरे भगवान रेमयडिया हना ईंग मेरिंग सुसुदीतना, मनदो भनगवान एकला नाःआ बदीरेय सुसुदीतना।

2 कुरिंती 12:2 Σταυροειδείς Αναφορές

लूका 24:51

हनन इया एचेकेडखन ईसू हँकूय पइड़घावतेरा अरू हँकू ञेनेल ञेला मेला, हाँय सेरमो देस अगी भगवान रेम गोःयाडीग।

एहुना 6:56

ईंगराः देहे जोमगोडता अरू ईंगराः बलंगीय ञूयता हाँयग होड़ ईंग सुदा मिनीय दोहोनता अरू ईंग हों हाँय सुदा।

मूक चेलाकू 14:6

मनदो हँकिन हना कताकिन सुदीगोतेड अरू लुकाउनिया छतरराः लिसितरा अरू दिरबे सहरकून अरू लेनेसान छतर अगीकिन ञीरयान।

मूक चेलाकू 22:17

दो ईंग एरुसलेम सहररेयिंग कुदा वेजेडा अरू भगवानराः ओड़ाःरेयिंग अरजीतेरा। हनमेला ईंग मीटोंग दरसनिंग ञेलतेरा।

रूमी 16:10

ईसू मसी जुकूर इदानिया हाँयग अपिलेसपे सलामगोड। अरिसतोबुलुस ओड़ाःरिकुःआ जमा बिसवासी होड़कूपे सलामगोड।

रूमी 16:3

ईंग सुदा ईसू मसीकिन सेवाता हँकिनाः पिरिसकी अरू अकिला ईंग अगीतेपे सलामगोडकिन।

रूमी 16:7

अंदरुनिकूस अरू उनियास ईंग अगीतेपे सलामगोडकिन। हँकिन ईंगरिकिनाः जइत सगा होड़किन हवे अरू ईंग सुदा जेहेलरेकिन दोहोना। ईसूरिकुःआ मूक चेलाकूतेनते हँकिन मान मरजइतगे इया होड़किन दोहोना अरू हँकिन ईंग अते मड़ंग ईसू मसी एचेरेकिन बिसवासकेरा।

रूमी 16:9

उरबानूस अलेरीग सेवा देंगवा होड़ हवे अरू इसताकूस ईंगरीग दुलार होड़ हवे। ईंग अगीते हँकिनपे सलामगोड।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

2 कुरिंती 11:11

अपे अते चिला लगा संघरा मेरिंग असेगाड? अपे मेरिंग दुलारपेता हनालगा जा? ईंग अपेयिंग दुलारता माःआन भगवान सुदीयताय।

2 कुरिंती 13:5

अपे बिसवासरे बड़ियाड़ इदानपेःआ जा कोवान, हना अँननपे अंदजावगुः अरूपे जासगुः। अपे मेरपे सुदीयतना जा मसी अपे जीवरे इदानिया माःआन? निही दो अपे हाँयरिकुःआ होड़कू कोवापेःआ।

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

गलातिया 1:22

हनामिन दिन वरी एहूदिया छतरराः कलसियारिकुःआ बिसवासी होड़कू अते तोनोंगीग ईंग मेरकू सुदीगडिंगा।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

इपीसी 4:10

लतार अगीय उतरावनेना, हनाँय सेरमो अते सेनेरमोय रकबयना। हनाते हाँयके जमा राइजबड़ीरे हातपात होयाःता।)

1 तिसलूनिका 4:17

हनते भगवान, जीयत इदानबुःआ हँकू बदरीरेय रेम गोःबूता। दो सेरमोरे परबू ईसू सुदाबू जुमाःता। नाःआ इया सगर सइट हाँय सुदाबू दोहोनता।

इबरानी 4:14

भगवानरीग बेटात ईसू सेरमो देसरे अबू लगा मरंगीग मूक पुजउरी इदानिया। हाँय अँननबू इया जमालेःआ अंदजावरेय परावनेना, मनदो तोनोंगाः मेरेय कसूरगाड।

इबरानी 9:24

मसी, होड़कू तुलातेरा हना सुद टपइर ओड़ाःरे मेरेय बोलोगान। नाःआ सुद टपइर ओड़ाः दो सेरमो देसराः सताय सुद टपइर ओड़ाःराः उंबूल हवे। मनदो मसी सेनेरमो राइजरेय बोलोकिया, जेमहा नुँहू हाँय अबू लगा भगवान मड़ंगरे बिच-बिचवाईए बड़ाँव जुवाः।

उदुःतो कताकून 1:10

परबूराः दिनरे सुद बिरुवातेयिंग पेरेगयान अरू ईंग तयोम अगी मरंग सोहनाई इया मुरुक सटी मीटोंग अरोयिंग अयूमतेरा,

उदुःतो कताकून 12:5

हनते हाँयग अइमी मी होड़ हेरेल होने जनमावतिरिया। हाँयग हेरेल होन लोहाराः बोंग साबतेडखन जमा जइत होड़कू एचेरे राइजगे लगाय दोहोना। हाँयग लँइग जनमावनेना हनानाः बेला सेरमो देसरीग बराहील लुड़ीकिडिगखन भगवान एचेरे अरू हाँय दुड़ुःकिया हना गदीरेय इदीगोतेडीग।

उदुःतो कताकून 4:2

हिनिन बितिकरे ईंग सुद बिरुवातेयिंग पेरेगयान, अरू सेरमो देसरे मीटोंग गदी अरू हना गदीरे मी होड़ दुड़ुःतोयिंग ञेलतिरिया।