2 कुरिंती 12:18 - Korwa Bible

¹⁸ ईंग अपे एचेरे सेन लगा तितूसिंग रेनहातेरा अरू हाँय सुदा एटाः मी होड़ होयिंग वारतेरा। दो तितूस अपे एचेरेय अडिग जोमनेना जा? हनाँय इया अलेराः लूर नेवन कोवानेःआ जा? अरू अले हों हाँय इया मेरले सलाःता जा?

2 कुरिंती 12:18 Σταυροειδείς Αναφορές

रूमी 4:12

अरू खतनानेन अते मड़ंग इबराहीम भगवान एचेरेय बिसवासतेरा। हनन इया खतनात होड़कू होंकू भगवान एचेरेकू बिसवासगेता दो हँकू हों हाँयरिकुःआ नइड़-बाँस होड़कूकू बड़ाँव जुवाःता।

1 कुरिंती 4:21

दो अपे चिलापे चहाःतना? ईंग सुटी साबकेडखन अपे एचेरेयिंग सेन, जा मया घड़ीन दुलारते अपे एचेरेयिंग सेन?

2 कुरिंती 7:2

अले बदीरे अपेराः दुलारपे उदुःगोड। अले तोनोंगीगराः कहिसाः मेरले आडगरा, तोनोंगीग सुदा बेलूर मेरले एचेगरा अरू तोनोंगीग मेरले अडिगगरा।

2 कुरिंती 7:6

मनदो हदरावतो होड़कू डीड़े एमेवाकूता हाँयग भगवान अले एचेरे तितूस वारकेडखन अलेराः जीवे अहाल-बहालगोतेड।

2 कुरिंती 8:6

तिनितूस हमा नाःआ संघरागेराः बुता अपेतेय बुँहड़ीतेरा। हनालगा अपे बुँहड़ीकेरा हना बिहिरी उतरावराः बुता पुरावगे लगा अले हाँयले असेकेरा।

1 पतरस 2:21

अपे नपाय बुता बुताकेडखन कटसियापे सहाव लगा भगवान अपेय राःकेडपेःआ। ईसू मसी अपे लगा कटसियाय सहावतेरा अरू हाँय अपे लगा मीटोंग चिनहा इया इदानिया, जेमहा अपे हों हाँय इयापे सहाव अवेय।