2 कुरिंती 12:12 - Korwa Bible

¹² बयाव जुवाः इयाःआ बुताकून अरू चिनहाकून सहाव घड़ीन ईंग अपे तलारेयिंग एचे उदुःतेरा। हना अते अपे सुदीगोतेडपे जा, हाँय हों मी होड़ मूक चेला हवे, माःआन?

2 कुरिंती 12:12 Σταυροειδείς Αναφορές

एहुना 4:48

दो ईसू कतातेरा, “अपे बयाव जुवाः इयाःआ बुताकून अरू चिनहाकून मेरपे ञेल वरी अपे ओरोपे बिसवासतेरा।”

1 कुरिंती 14:18

अपे जमाकू अते मुरुक अनबुझ भासीरेयिंग बड़राता। हनालागा भगवानिंग धनियाबादगेयतना।

2 कुरिंती 11:4

तोनोंगीग अपे एचेरे सेनेकियानखन अले परसारकेरा हाँयग ईसू अते एटाः ईसूकू परसार दो, सहे अपे पवावनेना हाँयग सुद बिरुवा अते एटाः इयाःआ बिरुवापे पवाः दो, सहे अपे कबुलावकिया हना नपाय सरवन अते एटाः इयाःआ सरवनपे अयूम दो, अपे हना कताकून ओनोहोनपे मनाव जुवाःता।

2 कुरिंती 11:6

ईंग बुतुड़ु लगा नवड़िरहिया इदानिंगा हों, बेगर कनहूनते कोवायिंगा। अरू नाःआ कता बदीरे जमालेःआते अपे एचेरे नपायतेले उदुःबाःगोतेरा।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।