2 कुरिंती 11:26 - Korwa Bible

²⁶ कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।

2 कुरिंती 11:26 Σταυροειδείς Αναφορές

मूक चेलाकू 13:45

मनदो अदोम एहूदाकू नाःआमिन होड़कूकू ञेला दो, हँकू इरातेकू पेरेगयान अरू पउलूस कतातेरा हना कताकून बदीरे ओपता घड़ीनकू कताया।

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 14:5

हना तयोमरे एहूदाकूरिकुःआ अरू बेगर एहूदाकूरिकुःआ मूक होड़कू हँकिन एचे बेग-हताकेडकूखन दिरिते तेके गोएगकिन लगाकू राइयान।

मूक चेलाकू 15:40

मनदो पउलूस सिलासे सुनावतेरा, अरू बिसवासी होड़कू परबू हँकिने संभाड़किन लगाकू अरजीतेरा अरूकू वारगोतेडकिन।

मूक चेलाकू 17:13

तिसलूनिकारिकुःआ एहूदाकू पउलूस बिरिया सहररे भगवानराः सरवने परसारगेतना माःआनकू अयूमतेरा दो हँकू हंडाकू सेनेडा अरू पउलूस बदीरे होड़कूकू एचे जुमावतेडखन कड़ीगकू रेमा।

मूक चेलाकू 17:5

मनदो तोनोंग एहूदाकू इराते पेरेगनेनखन तोनोंग तोनोंग बेलूर होड़कूकू एचे जुमावतेरा अरू जमा सहररे कड़ीगकू एचे रेमतेरा। अरू आसोन ञावीग होड़राः ओड़ाः अगीकू सेनेडा अरू पउलूस अरू सिलास होड़कू तलारे अगूकिन लगाकू ओंगलेःआ।

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 19:1

अपोलोस कुरिंतीरेय दोहोन मेला, पउलूस गलातिया अरू पिरगिया छतरते इपीसी सहररेय सेनेडा। हाँय हंडा अदोम बिसवासी होड़कू सुदाय जुमावनेना।

मूक चेलाकू 19:23

दो हनानाः दिनरे ईसूराः दूरकू साबा हँकुःआ होड़कू लगा मुरुक संताव होयानेना।

मूक चेलाकू 20:19

एहूदाकू बुइदकून तुलातेडखन ईंगकू संतावतेरा, हनायिंग सहावतेरा अरू ईंग इनिंग हुडिंग ओंगोलकियानखन अपे लगा मुरुक इयाम घड़ीन परबूयिंग सेवातेरा।

मूक चेलाकू 20:3

हाँय हंडा पेय महिना वरीय दोहोना। हाँय सिरिया अगी जहाजरे सेन लगा सपड़ावतोय दोहोना। हनमेला एहूदाकू हाँय ञेड गोएगगेय लगा बुइदकू तुलातेरा। हनालगा हाँय मकिदुनिया देस पारनेनखन कुदा सेन लगाय रायनेना।

मूक चेलाकू 23:10

हँकुःआ होड़कू तलारे मुरुक कड़ीग होयानेन अरू हाँयग मरंग हातपात होड़ बोराः, नँकुःआ होड़कू पउलूसकू सरी-मतरी एंडागोडेयता, माःआन। हनालगा सइना होड़कू लतार अगी सेनेवाडखन पउलूस हँकुःआ होड़कू अते सइनाकूराः गड़हीरे तोतकाव अगूकू लगाय हुकुमतेरा।

मूक चेलाकू 25:3

हँकुःआ होड़कू पउलूस दूनूररेकू एचे ञेडगेय लगाकू ओंगलेःआ। हनालगा हँकू पिसतूस एचेरेकू कताया, “अले मयावाडलेखन आम पउलूस एरुसलेम सहररे एचे अगूगेय।”

मूक चेलाकू 27:42

दो सइना होड़कू तोलतोकू दोहोना हँकुःआ होड़कू अते तोनोंगीग अहा पउराव उडुंगकेडखन ञीरगुः अते हँकू ञेड एंडाकू लगा बुइदकू तुलातेरा।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

रूमी 8:35

ईसू मसी अबूय दुलारता अरू हना दुलार अते तोनोंगाः एटाः अवेबूता जा? ओरो! तोनोंग इयाःआ कटसिया, सहे ओंगोल अदरुजी, सहे संताव, सहे ञेड गोएगबू लगा दिरुवा, सहे कतकाल, सहे ओयोन तुसिंग लगा हुडिंग-बगरा, नाःआ जमाकून हाँयराः हना दुलार अते अबू ओनोरो एटाः अवेतेडबुःआ।

1 कुरिंती 15:30

भगवान गोएगतो होड़कू मेरेय जियाव रेमकेकुः दो अले जमा बेला चिला लगा कटसियाले सहावकेःआ?

1 कुरिंती 15:32

अरू इपीसी सहररिकुःआ होड़कू ईंग मुरुककू घंटावतिरिंगा अरू पहाड़ जानरकू इया ईंग सुदाकू लड़ाइनेना। गोएगतो होड़कू मेरकू जियाव रेमकुः दो नाःआ इयाःआ घंटाव चिला लगायिंग सहावकेःआ? गोएगतो होड़कू ओरोकू जियाव रेमनेन दो, “गपामिन अबू गोनेग जुवाःता, दो मान हमा अबू जोम-ञूय अरूबू मंजागे।”

2 कुरिंती 11:32

दिमसकूस सहररे अरितास राजारीग मरंग हातपात होड़ आँयगरिकुःआ सइनाकू ईंग साब लगा हना सहरे एचे अगुरातेडकुःआ।

गलातिया 2:4

अदोम होड़कू सनातायते बिसवासी होड़कू मेरकू दोहोगान अरू लबरा बराहीलकू इयाकू दोहोना। ईसू मसी अबूय अजइतगोतेडबुःआ, मनदो हना अजइत अते एहूदाकूराः खतनात नियमकून एचे मनावकेडबूखन बेगारी होड़कू बड़ाँवबू लगाकू चहाःआ।