2 कुरिंती 11:22 - Korwa Bible

²² हँकू इबरानी होड़कू हवे दो, ईंग हों हवे। हँकू इसराएल होड़कू हवे दो, ईंग हों हवे। हँकू इबराहीमरिकुःआ नइड़-बाँस होड़कू हवे दो, ईंग हों हवे।

2 कुरिंती 11:22 Σταυροειδείς Αναφορές

मती ओजाःतेरा भगवानराः नपाय सरवन 3:9

अपे अहापे ओंगोलगे, इबराहीम अलेरीग खुटिपहार होड़ हवे, अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

मूक चेलाकू 22:3

हनते पउलूस कताया, “ईंग किलिकिया देसराः तरसूस सहररीग एहूदा होड़ हवे। मनदो ईंगराः पला दरी ननानाः सहररे होयानेना। अबू खुटिपरिया होड़कूराः नियम बदीरे ईंग गमालिएल एचेरेयिंग चिडुःआ। अपे भगवान जमालेःआ मान मरजइतगेय लगा सपड़ावतो इदानपेःआ, हना इया ईंग होयिंग दोहोना।

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

रूमी 11:1

दो ईंग होंबरेतना, अनँयगरिकुःआ इसराएल होड़कू भगवान अड़ाः एंडागोतेडकुःआ जा? मेरेय अड़ाः एंडागाडकुःआ। ईंग हों इबराहीमरीग नइड़-बाँस होड़ हवे अरू बिनियामीन गोतोर अते मी होड़ इसराएल होड़ इदानिंगा।

रूमी 9:4

हँकुःआ इसराएल होड़कू भगवानरिकुःआ समुटावतो होड़कू हवे। हँकू एचेरे भगवान तुमिन मरंग इदानिया हना अनँयग एचे उदुःवातेडकुःआ। हाँय हँकू सुदा कता-जमकावतेडखन नियमकूने एमेवातेडकुःआ। हाँय हँकू करा इयाकू जागगेय हना बदीरेय चेडतेडकुःआ अरू हँकू मुरुक बगराय जबानवातेडकुःआ।

गलातिया 3:16

अपे ईंगपे अयूम, इबराहीम एचेरे अरू हाँयरिकुःआ नइड़-बाँस होड़कू अते मी होड़ एचेरे भगवान जबानतेरा। दो भगवानराः कागदरे हना जबान इबराहीमरिकुःआ मुरुक नइड़-बाँस होड़कू एचेरे मेरेय जबानगाड, मनदो मिनी होड़ एचेरेय जबानतेरा, अरू हनाँय हवे सडावदार मसी।

पिलिपी 3:5

नाःआ कता अयुमेपे, ईंग जनमावनेनते आठ दिनरे ईंगराः खतना होयानेना, अरू ईंग इसराएलरीग नइड़-बाँस होड़ हवे, अरू बिनियामीन गोतोर अतेयिंग जनमावकिया, अरू ईंग सताय एहूदा होड़ हवे, अरू एहूदाकूराः नियमकून नपायतेकू मनाःता हँकुःआ फरीसी गउदारीग होड़ हवे,