2 कुरिंती 11:18 - Korwa Bible

¹⁸ चउंदीसरिकुःआ होड़कू इया मुरुक होड़कू बड़वारता दो, ईंग हों हँकू इयायिंग बड़वारता।

2 कुरिंती 11:18 Σταυροειδείς Αναφορές

1 कुरिंती 4:10

ईसू मसी लगा बोको इया इदानकुःआ माःआन होड़कू ओंगोललेता, मनदो अपे ईसू मसी लगा अँननपे कनहूनदारपे ओंगलुःतना। अलेराः जीव अबड़ अरू एरंगतो इदा, मनदो अपे जंगरदारकू अरू मान मरजइत पवावतो होड़कूपे ओंगलुःतना।

2 कुरिंती 1:17

ईंग बार जीवकियानखन नाःआ इयायिंग ओंगोल दोहोतेरा जा? ईंग सेन लगा बुइदिंग तुलायता दो अपे चेले माःआनपे ओंगोलिंगतना, चउंदीसरिकुःआ होड़कू इया, होड़कू ननायकू लगा मिनी आहते हाव अरू ओरो माःआनिंग कताय?

2 कुरिंती 11:12

दो ईंग सेसेवातना हनन इयायिंग सेवागोड ञवनता, जेमहा ईंग सुदा अउल-तउलगुः लगा दोंगकू ञामता हँकुःआ होड़कू अलोकू बड़वार अवेन, अले हों पउलूस इयाले सेसेवातना, माःआन।

2 कुरिंती 12:1

बड़वारगुः अते तोनोंगाः नफा कोवानेःआ। मनदो परबू अगीतेयिंग पवावकिया हना दरसनकून अरूय उदुःवारिंगा हना कताकून बदीरेयिंग कता उदुःगोड ञवनता।

2 कुरिंती 12:11

ईंग इनिंग भल-भलायगुःतान अते बुयांगिंग बड़ाँवनेना। मनदो ईंग ननन इया भल-भलायगुः लगा अँननपे ईंगपे रेनहातेरा। ईंग तोनोंगीग कोवायिंगा। हनते हों तोनोंगीग मनारंग मूक चेलाकू अते हों ईंग हुडिंग कोवायिंगा। हनालगा अपे इनिंगपे भल-भलायवाकेःआ।

2 कुरिंती 12:9

मनदो हाँय ईंग एचेरेय कतातेरा, ओरो! ईंगराः जंगर अबड़ावगुःतान मेला उडु-बुडूगोडमेता। हनालगा ईंगराः मया आम लगा होनोया जुवाःता, माःआन। दो ईंग अबड़ाव होड़िंग दोहोन अते, ईंग मुरुक बहालतेयिंग भल-भलायगुःता, जेमहा मसीराः जंगर ईंग जीवरे दोहो ञवन।

2 कुरिंती 5:16

नुँहू वरीते होड़कूराः ओंगोल इया तोनोंगीग ओरोले फड़ियावतिरिया। मड़ंगरे मसी बदीरे चउंदीसरिकुःआ होड़कू फड़ियावगेःआ हनन इया अले होंले फड़ियावतिरिया। मनदो नुँहू वरीते अले हनन इया ओरोले फड़ियावतिरिया।

1 पतरस 1:24

भगवानराः कागदरे नाःआ इया ओजाःतो इदा; जमा होड़कू बीर इया इदानकुःआ, अरू हँकू पहाड़ बहाकून इया सुघर इदानकुःआ; बीरकून गोसो जुवाःता अरू बहाकून कसड़ जुवाःता,