2 कुरिंती 10:8 - Korwa Bible

⁸ अपे ओंगोल अवेयता, परबू हँकूय एमेवारा हना हातपात बदीरे मुरुककू बड़वारतना, माःआन। मनदो अलेराः हातपात अपे आडपे लगा कोवान, मनदो अपे बड़ाँवपे लगा इदा। हनालगा ईंग ईंगराः हातपात उपयोतगे लगा मेरिंग गियुःता।

2 कुरिंती 10:8 Σταυροειδείς Αναφορές

2 कुरिंती 1:24

अपे बिसवासरे बड़ियाड़ इदानपेःआ। हनालगा अपेराः बिसवास बदीरे अपे एचेरे हातपातगे लगा मेरले चहाःतना। मनदो अपे बहालगुःता हनारे संघरावापे लगाले चहाःतना।

2 कुरिंती 10:4

अले चउंदीसरिकुःआ होड़कूराः ओंगोलकून अरू बेलूर कता होड़ेंग लाय एंडाय लगा भगवान अगीते जंगरले पवाःता। हनालगा अले नाःआ चउंदीसराः अवजारकून लड़ाइ लगा मेरले उपयोतगेता।

2 कुरिंती 10:9

अपे ईंग बदीरे अलोपे ओंगले, हाँय चिठी ओजाःकेडखन होड़कूय एचे बोरोयीग होड़ हवे, माःआन।

2 कुरिंती 12:19

अपे नुँहू वरी अले बदीरे, अबू अते बनसाः लगाकू कतायतना, माःआनपे ओंगलेतना जा? मनदो हना इया कोवान। अले नाःआ कताकून भगवानराः मड़ंगरे मसी सुदा मिनीकियानखनले कतायतना। ईंगरिकुःआ अजी बोपोहकूतिंग, जे हों सकालाः अले कतायता हना अपे जमालेःआते अपेराः बिसवास बड़ियाड़ जुवाः लगाले कतायतना।

2 कुरिंती 12:6

ईंग सतायिंग कतायतना। हनालगा ईंग भल-भलायगुः लगायिंग चहाः हों ईंग बुयांग ओरोयिंग बड़ाँवनेना। मनदो ईंग कताय लगायिंग धक जुवाःता, जेमहा तोनोंगीग ईंग एचेरेकू ञेलता अरूकू अयुमेता हना अते बगरा ईंग बदीरे अलोकू ओंगले।

2 कुरिंती 13:10

ईंग अपे एचेरेयिंग सेन मेला कड़ कड़ाइके कताय लगा अलो पराः। हनमेला अआड लगा कोवान, मनदो ईंग भगवान एमेवारिंगा हना हातपातते तुतुला लगायिंग अवेय। हनालगा ईंग अपे अते तोरे दोहोकियानखन नाःआ इयायिंग ओजाःगेतना।

2 कुरिंती 13:8

अले सताय बदलारे तोनोंगाः ओरोले एचे अवेतेरा, मनदो सनाताय लगाले एचे अवेयता।

2 कुरिंती 7:14

अपे बदीरे हाँय एचेरे ईंग मुरुक ईंग भल-भलायनेना। अरू अपे ईंग मेरपे गियू ओवाडिंगा। अले अपे बदीरेले कतातेरा हना जमाकून सताय दोहोना अरू हनन इया अपे बदीरे तितूस एचेरेले भल-भलायनेना हना हों सनाताय होयायान।

2 कुरिंती 7:4

ईंग मीटोंग ऊबमिनाः कता हों ईंग जीवरे दोहोकेडखन अपे एचेरे मेरिंग कता उदुःगेतना। ईंग अपे बदीरे भल-भलायतो इदानिंगा। अपे बदीरे ईंग अहाल-बहाल इदानिंगा अरू ईंगराः जमा कटसियारे ईंग मुरुक बनाहालते इदानिंगा।

गलातिया 1:1

ने अजी बोपोहकूतिंग, होड़कू अगीते सहे मनुवाकूराः ओंगोलते कोवान, मनदो ईसू मसीते अरू गोएगतो अते ईसूय जियाव रेमकिरिया हाँयग अपांग भगवान, हँकिनराः हिछाते मूक चेला बड़ाँवतो ईंग पउलूस,

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।