2 कुरिंती 10:2 - Korwa Bible

² तोनोंग तोनोंग होड़कू ओंगोलकूता, पउलूस अरू हाँयरिकुःआ सउंगताकू चउंदीसरिकुःआ होड़कू इयाकू सलाःतना, माःआन। दो ईंग अपे एचेरेयिंग असेयतना, हँकुःआ होड़कू नाःआ इया अलोकू ओंगोलले लगापे कतावाकू, जेमहा ईंग अपे एचेरेयिंग सेन मेला हँकू सुदा डीड़गार अलोयिंग होयाः।

2 कुरिंती 10:2 Σταυροειδείς Αναφορές

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

रूमी 8:4

दो नुँहू अबू कसूर जीवराः ओंगोल इया मेरबू सलाःतना। मनदो सुद बिरुवाराः ओंगोल इयाबू सलाःतना। ननानाः लगा नुँहू अबू जमालेःआते नियमकूनबू मनाव अवेनता।

रूमी 8:5

कसूर लूर-नेवन इयाकू सलाःता, हँकुःआ होड़कू हनानाः कसूर कताकूनकू ओंगोलगोड ञवनता। मनदो सुद बिरुवाराः ओंगोल इयाकू सलाःता, हँकुःआ होड़कू, हनन इयाकू ओंगोलगोड ञवनता।

2 कुरिंती 1:17

ईंग बार जीवकियानखन नाःआ इयायिंग ओंगोल दोहोतेरा जा? ईंग सेन लगा बुइदिंग तुलायता दो अपे चेले माःआनपे ओंगोलिंगतना, चउंदीसरिकुःआ होड़कू इया, होड़कू ननायकू लगा मिनी आहते हाव अरू ओरो माःआनिंग कताय?

2 कुरिंती 11:21

मनदो अले नाःआ इया मेरले एचेगरा। दो अले मुरुक अबड़ले दोहोना माःआनपे ओंगोललेतना जा? मनदो तोनोंगीग तोनोंगाः कता बदीरे भल-भलायगुः लगाय डीड़ जुवाः दो ईंग हों डीड़ अवेनता। नाःआ ईंग बुयांग इयायिंग कतायतना।

2 कुरिंती 13:10

ईंग अपे एचेरेयिंग सेन मेला कड़ कड़ाइके कताय लगा अलो पराः। हनमेला अआड लगा कोवान, मनदो ईंग भगवान एमेवारिंगा हना हातपातते तुतुला लगायिंग अवेय। हनालगा ईंग अपे अते तोरे दोहोकियानखन नाःआ इयायिंग ओजाःगेतना।

2 कुरिंती 13:2

बार तुरहायिंग सेनेडा हनमेला ईंग ननानाः कतायिंग कतातेरा। नुँहू ईंग अपे सुदा कोवायिंगा। दो मड़ंगकू गारबारतेरा हँकुःआ होड़कू एचेरे अरू एटाः होड़कू एचेरे हों सेतावकू घड़ीन अरूयिंग ककतातना। ईंग मसी अगीतेयिंग ककतातना हनाराः आभापे असेतना।