2 कुरिंती 1:12 - Korwa Bible

¹² अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

2 कुरिंती 1:12 Σταυροειδείς Αναφορές

मूक चेलाकू 23:1

एहूदाकूराः मरंग पंचाइतरिकुःआ होड़कू एचेरे पउलूस तिंगीड घड़ीन ञेलतेडखने कताया, “ईंगरिकुःआ वपक बोपोहकूतिंग, नुँहू वरी ईंग भगवानराः मड़ंगरे नपाय इंदरीते हाँयराः सेवायिंग सेवाकेरा।”

मूक चेलाकू 24:16

हनालगा भगवान अरू होड़कू मड़ंगरे सगर बेला ईंगराः इंदरी सुद दोहोन लगायिंग कुरनिसगोड ञवनता।

रूमी 9:1

ईंग ईसू मसीरीग हवे अरू सनाताय कता ईंग कतायतना। सुद बिरुवा अगुवाइवायिंतना। हनालगा ईंग जीव कतायतना, ईंग मेरिंग लबरातना, माःआन।

1 कुरिंती 1:17

ईसू मसी बतिसमा एमे लगा मेरेय वारगडिंगा, मनदो नपाय सरवन होड़कू कता उदुःवाकू लगाय वारकिरिंगा। ईंग मरंग मरंग बुतुड़ुते नपाय सरवनिंग परसारकेः दो, ईसू मसी कुरूसरेय गोएगनेना हनाराः मतलोब सदाःआ होया जुवाःकुःआ।

1 कुरिंती 12:8

तोनोंगीग होड़ सुद बिरुवाते कनहूनराः सरवने कतायता, अरू तोनोंगीग होड़ सुद बिरुवाते बुझाःराः सरवने कतायता। मनदो नाःआ दहिनकून मिनीटोंग सुद बिरुवा एमेयता।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

1 कुरिंती 2:13

अरू ननानाः कता बदीरेले चेडपेता, अरू नाःआ चेड, होड़कूराः कनहून इया कोवानेःआ, मनदो सुद बिरुवातेले चेडकिया। अले सुद बिरुवा पवावतो होड़कू एचेरे सुद बिरुवाराः दहिन बदीरेले कता उदुःगेता।

1 कुरिंती 4:4

मनदो ईंगरीग फड़ियावदार भनगवान हवे। अरू ईंग इंदरीरे गुनमिन हों बदीन इया ओंगोल कोवानेःआ। हनते हों ईंग भगवानराः ओंगोलरे बेगर गारबार होड़ मेरिंग बड़ाँव अवेनता।

1 कुरिंती 5:8

दो नुँहू दो अबू परोब नपायतेबू मनाः। जमा बरानाः बेलूर ओंगोल इयाःआ जुना सेबेल सोड़ाते कोवान, मनदो सताय अरू नपाय ओंगोल इयाःआ बेगर सेबेल सोड़ातेःआ रुटीते परोबबू मनाः।

2 कुरिंती 1:17

ईंग बार जीवकियानखन नाःआ इयायिंग ओंगोल दोहोतेरा जा? ईंग सेन लगा बुइदिंग तुलायता दो अपे चेले माःआनपे ओंगोलिंगतना, चउंदीसरिकुःआ होड़कू इया, होड़कू ननायकू लगा मिनी आहते हाव अरू ओरो माःआनिंग कताय?

2 कुरिंती 11:3

अपे सुधिया अरू सुद जीवते मसीपे दुलारतना। दो बींग, हववा अडिगतेडखने बहकावतिरिया, हनन इया मसीराः हना दुलार अते लबरा चेडदार होड़कू अपेकू बहकावगोडता माःआनतिंग बोरतना।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 8:8

ईंग अपे मेरिंग हुकुमवापेतना, मनदो एटाः कलसियारिकुःआ होड़कू बिहिरीकू एमे लगा ओसताज इदानकुःआ अरू हनानाः बिहिरी एमे बदीरे अपेराः दुलार सताय इदा जा कोवान हना अउल-तउलगे लगा नाःआ इयायिंग कतायतना।

गलातिया 6:4

अपे जमाकू अँननपेराः बुता नपायतेपे जासवा, जेमहा अपे एटाः होड़कू बदीरे कोवान, मनदो अपे अँननपे अपे सयाँड़ अवेन।

इपीसी 6:14

दो अपे सवासितीपे दोहोन। भगवानराः सताय कताकून पेटार इया मयांगरेपे तोलगे अरू कुड़ोम बनसावगे लगा झिलमकू तुसिंगगेता हनन इया, बेगर गारबार जीवराः झिलमपे तुसिंगगे।

पिलिपी 1:10

जेमहा अपे ननपायते नपाय कता जमालेःआपे सुदी अवेय, अरू ईसू मसी कुदा वेग वरी सुद अरू बेगर गारबारतेःआ नपाय लूर-नेवन अपे जीवरे होया जुवाः।

1 तिसलूनिका 2:10

अपे तलारेले दोहोन मेला बिसवासी होड़कू एचेरे अलेराः लूर-नेवन सुद, सताय अरू बेगर गारबारते दोहोना माःआन अँननपे अरू भगवान हों हिदइतदारकू इदानपेःआ।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

तितूस 2:7

तितूस आम हों जमालेःआ नपाय बुताम बुता बदीरे एटाःकू लगा चिनहा इयाम दोहोन। आम सुद अरू सताय ओंगोलते,

इबरानी 13:18

अले लगापे अरजीगोड ञवन। अले सुनुदीबाःगोतेरा, अलेराः ओंगोल सुद इदा अरू अले जमालेःआरे नपाय लूर नेवनते सलाः लगाले चहाःतना, माःआन।

एकूब 4:6

मनदो भगवान होड़कू अरूय मयावाकूता। हनालगा भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता हँकुःआ होड़कूय मयावाकूता।”

1 पतरस 3:16

अपेराः इंदरी सुदपे दोहोगे। दो अपे ईसू मसी एचेरे बिसवासकेड अते, होड़कू अपे बदीरे ओपता घड़ीनकू कताय हों, अपेराः नपाय लूर-नेवन ञेलकेडखनकू गियू जुवाःता।

1 पतरस 3:21

अरू हना दाः बतिसमाराः अउल-तउल इया इदा। ईसू मसी गोएगतो होड़कू अतेय जियाव रेमकिया अते बतिसमाते अपे बनसाव जुवाःता। नाःआ बतिसमाते अपेराः देहराः मइल बुहाल अमिंगगुः लगा कोवानेःआ। मनदो हन बतिसमा अपेराः इंदरी नपायते दोहो ञवन लगा भगवान एचेरे मीटोंग अरजी इया इदा।