1 तिमुतियूस 5:3 - Korwa Bible

³ सतायरे रंडियाहीनकू इदानकुःआ हँकूपे मान मरजइतकू अरूपे संघरावाकू।

1 तिमुतियूस 5:3 Σταυροειδείς Αναφορές

मती ओजाःतेरा भगवानराः नपाय सरवन 15:6

दो हाँय अनँयगरीग एंगात सहे अपात मान मरजइत लगा कोवानेःआ, माःआन। नाःआ इया अपे अपेराः रिती-बिधी मनाः अते भगवानराः सरवनपे टड़ाव एंडागोडता।

मती ओजाःतेरा भगवानराः नपाय सरवन 23:13

ने पचघुचिया नियम चेडदार होड़कू अरू फरीसी होड़कू, अपे दोपे ठीकयान। अपे एटाः होड़कू भगवानराः राइजरे बोल अतेपे रोंकावकूता। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे मेरपे बोलो ओवाकूता।

लूका 2:37

अरू हनते हाँय चउरासी बरिस वरी रंडियाहीने दोहोना। हाँय जमा बेला भगवानराः ओड़ाःरे भगवान जागवाडखन सेवारेय दोहोना अरू रइत दिन उपास घड़ीन भगवान एचेरेय अरजीःआ।

लूका 7:12

हाँय सहरराः हता दुवार अगीय सोदोरनेन दो होड़कू मी होड़ गोएगतो होड़कू तूल अगुःआ। गोएगतो होड़ मी होड़ रंडियाहीनरीग मिनी होड़ बेटाते दोहोना। अरू हना गाँवरिकुःआ मुरुक बगरा होड़कू हाँयग रंडियाहीन सुदाकू दोहोना।

एहुना 1:47

हना तयोमते ईसू नतनएल आँयग अगी वेगतो ञेलतिडिगखने हाँय बदीरेय कताया, “ञेलेयपे, नाँय सनातायते इसराएल होड़ हवे अरू नाँय मुरुक सुधिया होड़ इदानिया।”

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

मूक चेलाकू 9:39

दो पतरस हँकिन सुदाय सेनेडा। अरू हाँय हंडाय सोदोरनेन दो हँकू हाँय हना ओड़ाःराः सेरमो दोहोना हना छिनारेकू गोःतिरिया। हंडा मुरुक रंडियाहीनकू दोहोना, अरू हँकू हाँयग तबीता, हँकू सुदा दोहोन मेला हँकू लगाय सोःतेरा हना सोनहे, पतरस एचेरेकू उदुःतेडखन फिकीर घड़ीनकू इयामा।

मूक चेलाकू 9:41

दो पतरस हाँयराः तिःईरे साबतिरिगखने एचे चड़ाँतिरिया। हनते हाँय रंडियाहीनकू अरू बिसवासी होड़कूय राःतेरा अरू हाँयग तबीता जीयते जिमावातेडकुःआ।

1 तिसलूनिका 2:6

अले ईसू मसीरिकुःआ मूक चेलाकू इदानलेःआ अते अपे बोझान लगाले एमे अवेकेःआ। मनदो अपे सहे एटाः होड़कू अलेकू भल-भलायवा लगा मेरले चाहावगान।

1 तिमुतियूस 5:2

आम मरंग अइमीकू एंगाम इयाम ओंगोलकू अरू सुद ओंगोलते हुडिंग धंगड़ीकू अनम मेमेसकूताम इयाम ओंगोलकू।

एकूब 1:27

टुरा होड़कू अरू रंडियाहीनकू अँनकूराः सिकिसता मेलारेय संघरावाकूता अरू अनँयग जीव चउंदीसराः कसूर अतेय बनसावता हाँयग होड़राः लूर-नेवन अबूरीग अपांग भगवान मड़ंगरे, सुद अरू बेगर गारबारतेःआ लूर-नेवन हवे अरू हनानाः भगवान जुकूर इदा।

1 पतरस 2:17

जमा होड़कूपे मान मरजइत, अरू बिसवासी होड़कू सुदा अलार-दुलारतेपे दोहोन, भगवानराः अकूस मनाः घड़ीनपे दोहोन अरू मरंग राजा होँपे मान मरजइतगेय।

1 पतरस 3:7

ने हेपेरेलकू, अपे हों हनन इया अँननपेरिकुःआ एपेराकू मान मरजइतकूपे अरू अलार-दुलारकू घड़ीनपे तिहाकू। हँकू अपे अते अबड़ इदानकुःआ, मनदो हँकू हों बरोबइर अपे सुदा भगवान एमेकेरा हना नँवा जीवराः दहिन पवाः लगा इताडदारकू इदानकुःआ। नाःआ इयापे एचेय दो, अपे अरजी मेला तोनोंगाः टटी-बेड़ा अपे लगा ओरो होयानेना।