1 तिमुतियूस 3:8 - Korwa Bible

⁸ ननन इया कलसियारिकुःआ सेवकिया होड़कू, मान मरजइतगेयीगकू दोहोन अरू बार जीव ओंगोल होड़कू अहाकू दोहोन। हँकू बुनूलतो होड़कू अलोकू होयाः अरू तोनोंग इयाराः ढिबुवा ललचीरे अहाकू दोहोन।

1 तिमुतियूस 3:8 Σταυροειδείς Αναφορές

रूमी 3:13

“गलेग अमिंगतो मड़गटराः सोःओ सिड़ीग इया हँकूराः बड़रा इदा, अरू हँकूराः आह लबराते पेरेगतो इदा। महुरा बींग बीके हतायता हनन इया हँकूराः बड़रा दोहोनता,

पिलिपी 1:1

ने अजी बोपोहकूतिंग, पिलिपी सहररे इदानकुःआ अरू ईसू मसी सुदाकू मिनीयना हँकुःआ जमा भगवानरिकुःआ सुद होड़कू अरू कलसियारिकुःआ मूक होड़कू अरू सेवकियाकू अपे लगा ईसू मसीरिकिनाः सेवादारकिन अलिंग पउलूस अरू तिमुतियूस, नाःआ चिठीलिंग ओजाःगेतना।

1 तिमुतियूस 3:12

कलसियारीग सेवकिया होड़ मिनीटोंग अइमी अअसूल लगा इदा अरू आँयग लइंकू अरू ओड़ाःरिकुःआ जमा होड़कू नपायते पला दरीकू लगा इदा।

1 तिमुतियूस 3:2

दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।

1 तिमुतियूस 3:3

हाँय बुनूलतो होड़ सहे कड़ीग होड़ अलोय दोहोन। हाँय सलसतिया अरू सुधा होड़ दोहोन लगा इदा, अरू ढिबुवाराः ललचीरे अलोय दोहोन।

1 तिमुतियूस 5:23

नुँहू वरीते आम दाः एकला अलोम ञूय। आम दोंगेराः हसू अरू एटाः एटाः हसूकून अँड़ाःमे लगा आम गुन लकन रंजावतो अंगूरराः रस होंम ञूय।

तितूस 1:7

कलसियारीग मूक होड़ भगवानराः बुता बदीरे जिमेवारी होड़ होयाः अते बेगर गारबारते दोहोन लगा इदा। हाँय बड़वार होड़ सहे रिता रिसुः होड़ सहे बूलतो होड़ सहे कड़ीग होड़ सहे लुभिया होड़ अलोय होयाः।

तितूस 2:3

ननन इया सपायाड़ीनकू हों भगवानराः अकूस मनाः घड़ीन बझउड़ी अरू दरुवाहा अइमीकू अलोकू होयाः। मनदो भल-भलाय कताकून एटाःकू चेडकू लगा इदा,

एकूब 3:10

मिनी आहते जाग बड़रा अरू सती-सरापतो बड़रा हों अबू उडुंगगेतना। ईंग अजी बोपोहकूतिंग, नाःआ इया अहा होयाः।

1 पतरस 5:2

भगवान अपे एचेरेय जिमाःकेडकुःआ हँकुःआ होड़कू मी होड़ सरवाहा अनँयगरिकुःआ भेड़ाकूय तिहाकूता हनन इया नपायतेपे तिहा हड़ाःकू। तोनोंगीगराः रेनहाते सहे गियू जुवाः इयाःआ नफा पवाः लगा कोवान, मनदो अपे मिनी जीवते भगवान ननाय जुवाः लगा हाँयराः ओंगोल इया हँकूपे तिहागोड ञवन।