1 तिमुतियूस 2:1 - Korwa Bible

¹ ने तिमुतियूस, मीटोंग मइद कता ईंग आम एचेरेयिंग असेयतना, जमा होड़कू लगा भगवान एचेरे अरजीकेडखन हँकू लगाम असेय अरू हँकू बदीरे भगवानमे धनियाबाद।

1 तिमुतियूस 2:1 Σταυροειδείς Αναφορές

मूक चेलाकू 17:30

नानाः लगा होड़कू अनसिनहारकू दोहोना हना बेला भगवान मेरेय उहियारगाड। मनदो नुँहू हाँय चउंदीसरिकुःआ जमा होड़कू कसूर अते जीवकू कुदा लगाय हुकुमगेतना।

रूमी 1:8

अपेराः बिसवास बदीरे, चउंदीसरिकुःआ मुरुक होड़कू नपायकू कतायतना। हनालगा ईंग ईसू मसीते, मड़ंगरे अपे लगा अबूरीग भगवानिंग धनियाबादगेयतना।

रूमी 6:17

अपे मड़ंगरे कनासूर कसूररेपे दोहोना। मनदो नुँहू अपेकू चेडतेरा हनन इया अपे मिनी जीवकियानखनपे मनाःतना। हनालगा ईंग भगवानिंग धनियाबादगेयतना।

1 कुरिंती 15:3

हनालगा ईंग चेडकिया हनानाः मनइद कता अपेयिंग चेडकेडपेःआ। भगवानराः कागदरे ओजाःतो इदा हनन इया ईसू मसी अबूराः कसूर लगाय गोएगनेना।

2 कुरिंती 8:6

तिनितूस हमा नाःआ संघरागेराः बुता अपेतेय बुँहड़ीतेरा। हनालगा अपे बुँहड़ीकेरा हना बिहिरी उतरावराः बुता पुरावगे लगा अले हाँयले असेकेरा।

इपीसी 3:13

दो अपे लगा कटसियायिंग सहवेतना, हना बदीरे अपे अहापे ओंगोल हदराः। नाःआते अपेराः मान मरजइत होयाःता।

इपीसी 5:20

अरू परबू ईसू मसी अबू लगाय एचेकेरा हना जनामालेःआ लगा अपांग भगवान जमा बेलापे धनियाबादगोड ञवन।

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

पिलिपी 1:3

अपेयिंग उहियारपेता, हना जमा बेला ईंग ईंगरीग भगवानिंग धनियाबादगेयता।

पिलिपी 4:6

तोनोंग इयाःआ ओंगोल कुहकाःरे अपे अलोपे दोहोन। मनदो जमा बरानाः लगापे अरजीगोड ञवन। अरू धनियाबाद घड़ीन अपे लगा हुडिंग बगरा इदा हना भगवान एचेरेपे असेय।

1 तिसलूनिका 3:12

अपेले अलार-दुलारतना हान इया अपे होँपे अलार-दुलार होड़ेंग लगा, अरू जमा होड़कू होँपे अलार-दुलार लगा, परबू भगवान अपेराः दुलार बगरागोड लगा होंले अरजीतना।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

1 तिमुतियूस 2:4

हाँय जमा होड़कू कसूर अतेकू सडाव जुवाः लगा अरू सतायकू सुदीगोड लगाय चहाःतना।

1 तिमुतियूस 5:5

सतायरे रंडियाहीन इदानिया अरू तोनोंगीग हाँय संघरावाय लगा मेरकू दोहोनता हाँय, दिन रइत अरजी घड़ीन भगवान संघरागेय लगा हाँय एचेरेय असरागोड ञवनता।

2 तिमुतियूस 2:24

भगवानरीग सेवकिया होड़ कड़ीग होड़ अहाय होयाः, मनदो हाँय ञेल सोगायीग होड़, नपाय चेडदार अरू सहाव घड़ीन दोहोनीग होड़ होयाः,

तितूस 2:11

भगवान जमा होड़कू सडावकू लगाय मयावातेडकुःआ। हनालगा नाःआ इयाम चेडगोड ञवन,

तितूस 3:2

हँकू तोनोंगीग बदीरे ओपता बड़रा अलोकू कताय लगा अरू कड़ीग अड़ाःकेडखन सलसतते सुधिया होड़कू बड़ाँः लगा होंम कता उहियारगोड ञवन।

इबरानी 6:11

अपे जमाकू एचेय लगा ननन इया टुटीग बेला वरी ओसताजपे दोहोन लगाले चहाःतना, जेमहा अपे असराकेरा हना जमा दहिनकूनपे पवाव जुवाः।

एकूब 5:16

हनालगा अपे अँननपे अपेराः कसूरकूनपे कबुलाव होड़ेंग अरू अरजी होड़ेंगपे, जेमहा अपे नपाय जुवाः। बेगर गारबार होड़कूराः अरजी जंगरते दोहोनता अरू हानते नफा होनोया जुवाःता।