1 तिसलूनिका 5:6 - Korwa Bible

⁶ हनालगा अबू बेगर बिसवासी होड़कू इया ईसू कुदा वेगता हना बदीरे अनसिनहार अहाबू दोहोन। मनदो अबू सवासिती अरू नपाय ओंगोल घड़ीन दोहोन लगा इदा।

1 तिसलूनिका 5:6 Σταυροειδείς Αναφορές

मती ओजाःतेरा भगवानराः नपाय सरवन 13:25

मनदो हाँय अपीगाय हनमेला हाँयरीग मी होड़ मुदइ होड़ वेगनेनखन गोहोम तलारे पहाड़राः बीर बिहाने वेर अटूड।

मती ओजाःतेरा भगवानराः नपाय सरवन 24:42

अपे मेरपे सुसुदीतना अपेरीग परबू तुमिसे वेगता। हनालगा अपे जगलेपे दोहोन।

मती ओजाःतेरा भगवानराः नपाय सरवन 25:13

हनन इया अपे हों ईंगराः कुदा वेगराः बेला मेरपे सुसुदीतना। हनालगा जगलेपे दोहोन।”

मती ओजाःतेरा भगवानराः नपाय सरवन 25:5

बरवा वेग लगाय कुबेरगोतेड दो, जमा धंगड़ीकू दड़ुम घड़ीनकू अपीगा।

मती ओजाःतेरा भगवानराः नपाय सरवन 26:38

अरू हाँय हँकुःआ पेयगोटोंग मूक चेलाकूतेने कतावातेरा, “ईंगराः जीव मुरुक उदबासयना अरू गुजुः इयायिंग होयायना। अपे ननडापे दोहोन अरू ईंग सुदा जगलेपे दोहोन।”

मरकूस 13:37

ईंग अपे एचेरेयिंग कतायता हना कता जमाकू एचेरेयिंग कतायतना, जगलेपे दोहोन।”

लूका 12:37

मालिक वेगवाडखन आँयगरिकुःआ सेवकिया होड़कू सपड़ावतोय ञेलकूता दो, हँकुःआ सेवकिया होड़कूराः जीव नपाय दोहोनता। अपे एचेरे सताय कतायिंग कतायतना, हाँयग मालिक मयांग कासवाडखन हँकुःआ सेवकिया होड़कू जोम लगाय एचे दुडुःकूता अरू हँकूय नेत-नेवारकूता।

लूका 12:39

हनते ईसू हँकू एचेरे एटाः कहड़ीय कतातेरा, “मीटोंग ओड़ाःरीग मालिक इनिग होड़ तुमिन बेलाय वेगता हनाय सुदी दो, हाँय जगलेय दोहोनता अरू इनिग होड़ मेरेय बोलो ओवायता।

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

लूका 22:46

ईसू हँकू एचेरेय कताया, “अपे चिला लगापे अपीगतना? रिमुःपे। अपे अरजीगेपे, जेमहा अंदजावरे अलोपे पराः।”

मूक चेलाकू 20:31

हनालगा सवासितीपे दोहोन। अंदांज पेय बरिस वरी ईंग इयाम घड़ीन दिन रइत अपेयिंग सेतावगोड ञवना।

1 कुरिंती 15:34

भगवान मेरकू सुदीयता हँकुःआ होड़कू इया अपे अते तोनोंग तोनोंग होड़कू जियाःतना। हनालगा अपे गियू जुवाः लगा नाःआ इयायिंग कतायतना, नपायपे सुरतान अरू कसूरगे लगापे अड़ाः एंडागोड।

1 कुरिंती 16:13

सवासितीपे दोहोन। बिसवासरे अलोपे टास मासगुः, मनदो डीड़गार अरू बनड़ियाड़पे दोहोन।

इपीसी 2:3

मड़ंगरे नाःआ इयाःआ बेलूर ओंगोलरे अबूराः लूर-नेवन हों दोहोना। अबूराः ओंगोल अरू देहराः हिछा इयाबू एचेगोड ञवना, अरू अबू हों हँकुःआ होड़कू इया भगवानराः डंड पवाः जुकूरबू दोहोना।

इपीसी 5:14

अरू मरसलरे जमा जिनिसकून नपायतेबू ञेलता। हनालागा नाःआ इयाबू कतायता, “ने अपीगतो होड़कू, बेरेडपे! अरू गोएगतो अतेपे जियाव रिमुः, दो मसी अपेराः जीवरे मरसले एमेवापेता।”

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

पिलिपी 4:5

परबू ओहेने कुदा वेगता। हनालगा अपे सुधिया होड़कू इयापे जियाः।

कुलूसी 4:2

अपे अरजीगोड ञवनपे अरू भगवान धनियाबाद घड़ीन सवासितीपे दोहोन।

1 तिसलूनिका 4:13

ने अजी बोपोहकूतिंग, गोएगयनाकू हँकुःआ बिसवासी होड़कू बदीरे अनसिनहार अहापे दोहोन, जेमहा गोएगतो होड़कू जियाव रिमुःता हना बदीरे असरा कोवानेःआ हँकुःआ होड़कू इया अहापे फिकिराः।

1 तिसलूनिका 5:10

जेमहा अबू गोएग जुवाः सहे जीयतबू दोहोन, अबू सगर सइट हाँय सुदाबू दोनोहोन।

1 तिसलूनिका 5:8

अबू दिनरिकुःआ होड़कू इदानबुःआ। हनालगा अबू ईसू मसी एचेरे अबूराः बिसवास अरू एटाः होड़कू सुदा इदा हना दुलार झिलम इया तुसिंगकेडखन अरू ईसू मसी अबूय सडावता हना असरा सइनाकूराः टुपी इया हरूबकेडखन अँननबू ओंगोल समझाव हड़ाः इदा।

1 तिमुतियूस 2:15

मनदो अइमीकू भगवान एचेरेकू बिसवासगे अरू अलार-दुलार घड़ीन ओंगोल समझावकियानखन सुद जीवकू जियाः दो, हँकू अमिंगगुः मेला भगवान हँकूराः जीवे सडावगोडता।

1 तिमुतियूस 2:9

अइमीकू अकूस मना घड़ीन नपाय तुसिंग रिडुः लगा इदा। हँकू ऊब मुरुक सिंगरावगे अते अरू सोना, मुती अरू मुरुक दामराः सोनहेकून तुसिंगगे अते कोवान,

1 तिमुतियूस 3:11

कलसियारिकुःआ सेवकियायीनकू हों ननन इया मान मरजइतगेयीगकू, जमालेःआ भरसागेयीगकू अरू ओंगोल समझाः अइमीकू दोहोन इदा। हँकू बझउड़ी अइमीकू अलोकू दोहोन।

1 तिमुतियूस 3:2

दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।

2 तिमुतियूस 4:5

मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।

तितूस 2:12

जेमहा भगवानके मंजूर कोवानेःआ हना चउंदीसराः जमा बरानाः बेलूर ओंगोलकून अड़ाःकेडखन नाःआ जूगरे अबू अँननबूराः जीव संभाड़गे घड़ीन सतायते अरू भगवानराः ओंगोल इयाबू जियाः।

तितूस 2:6

नान इया हुडिंग मरदकू हों अँननकूराः जीव संभाड़गे घड़ीन नपाय जीव जियाः लगा इदा।

1 पतरस 1:13

हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

उदुःतो कताकून 16:15

“अयुमेपे, ईंग इनिग होड़ इया अपे एचेरे असाकायिंग सेनता। जगियातकू दोहोनता अरू अँनकूराः सोनहेकू सपड़ाव दोहोकाता, हँकुःआ होड़कूराः जीव भगवान नपायगेता। हँकुःआ होड़कू एकेते मेरकू दोहोनता अरू हँकू ओरोकू गियूनेना।”

उदुःतो कताकून 3:2

ईंग अपेराः तोनोंगाः बुता भगवान मड़ंगरे नपाय मेरिंग ञेलगरा। हनालगा अपे रिमुःपे अरू गुनमिन बनसावतो इदा अरू भय गुजुःतना, हनापे बड़ियाड़गोड।