1 तिसलूनिका 4:11 - Korwa Bible

¹¹ अरू जमाकू सुदा सलसतरेपे दोहोन। अँननपेराः बुतापे ञेल, अरू अले चेडतेपेःआ हना इया अँनपे तिःईतेपे बुता,

1 तिसलूनिका 4:11 Σταυροειδείς Αναφορές

मरकूस 13:34

ईंगराः कुदा वेग नाःआ इया होयाःता। तोनोंगीग होड़ आँयग ओड़ाः अटूवाडखने सेनता दो, हाँय सेन मेला आँयगरिकुःआ सेवकिया होड़कू हना ओड़ाः ञेल हड़ाःगे लगाय जिमा अटूता अरू मेमेडटोंग बुता मेनेमेड होड़कू लगाय एमेतेरा। ओड़ाःरीग अगुरादार होड़ एचेरे ओड़ाः अगुरा लगाय कता जिमाकेरा।

मूक चेलाकू 18:3

हँकिनराः पेनेसा कुंबा तुला लगा दोहोना, अरू हना बुता पउलूस होंय एचेया। हनालगा पउलूस हँकिन सुदाय दोहोना अरू हना बुताकू बुताःआ।

मूक चेलाकू 20:35

ईंग एचेतेरा, हना बुताकूनते जमा बुताकून मुरुक मिहनइत घड़ीनपे एचेय लगा अरू गरीब होड़कू संघरावाकू लगायिंग उदुःवाडपेःआ। परबू ईसू कतातेरा, गोगोः अते एएमे लगा ननपाय इदा, हना कता होँपे उहियारगोड ञवन।”

रूमी 12:11

तोनोंगाः बुतारे अलोपे ओडोसगुः, मनदो सुद बिरुवाराः अगुवाइते मिहनइत घड़ीन परबूपे सेवागोड ञवन।

रूमी 15:20

ईसू मसी बदीरे मेरकू सुदी अवेगरा, हँकुःआ होड़कू नपाय सरवनिंग परसार उदुःवाकू लगा ईंग जीव ओंगोल तरसाःतना, जेमहा ईंग एटाः होड़ रेमकेरा हना रेमतो भीटरे ओड़ाः अलोयिंग तुलाय।

1 कुरिंती 4:12

अले अँननलेराः तिःईतेले मिहनइतगेता। होड़कू अलेकू कड़ीतान दो, भगवान हँकूराः जीव नपायगे लगाले अरजीता। अलेकू संतावतान दो हनले सहवेता।

2 कुरिंती 5:9

हनालगा अले नाःआ देहरेले दोहोन सहेले अटू एंडा अटू, हाँय ननायगेय लगा एकला तक-तकावतो इदानलेःआ।

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।

1 तिमुतियूस 2:2

आम, राजाकू अरू सरकाररिकुःआ हातपात होड़कू लगा अरजीगे लगा इदा, जेमहा अबू सलसतरे अरू बेगर बोरते भगवान जाग घड़ीन सुद जीवबू जियाव अवेन।

1 तिमुतियूस 5:13

हँकू कुड़ही जुवाःताकू अरू हँकू ओड़ाः ओड़ाः सेन घड़ीन होड़कूकू ओपता इदीता। हँकू एटाः होड़कूराः बुतारेकू मेसा जुवाःता अरू होड़कू सुदा बुतुड़ु इया कोवानेःआ हना बड़राकू कतायता।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

1 पतरस 3:4

मनदो अपेराः इंदरी सुधा अरू सलसतिया जीवतेपे सिंगारगे। अरू ननानाः सिंगार कहियो ओरो ओहरावनेना अरू भगवानराः ओंगोलरे मुरुक किमइताः इदा।

1 पतरस 4:15

अपे अते तोनोंगीग ञेड एएंडा होड़, सहे इनिग होड़, सहे लुड़ी होड़, सहे तुड़ेंग-तपेग होड़ होयाः अते कटसिया अहापे सहवे।