1 तिसलूनिका 3:4 - Korwa Bible

⁴ मनाड़ंग अले अपे सुदा दोहोन मेला अपेले सेतावतेरा, कटसियारे अबूके सेनेन पार इदा, माःआन। अरू नुँहू अपे सुदीयतना हनन इया होयाकिया।

1 तिसलूनिका 3:4 Σταυροειδείς Αναφορές

मती ओजाःतेरा भगवानराः नपाय सरवन 24:25

अयुमेपे! नाःआ जमाकून होयाः अते मड़ंगरे अपे एचेरेयिंग उदुःगेतना।

मूक चेलाकू 17:1

हना तयोमरे पउलूस अरू सिलास अंपिपुलिस सहर अरू अपोलोनिया सहर पारनेनखन तिसलूनिका सहररेकिन सोदोरनेना। अरू हना सहररे एहूदाकूराः मीटोंग अरजी ओड़ाः दोहोना।

मूक चेलाकू 17:13

तिसलूनिकारिकुःआ एहूदाकू पउलूस बिरिया सहररे भगवानराः सरवने परसारगेतना माःआनकू अयूमतेरा दो हँकू हंडाकू सेनेडा अरू पउलूस बदीरे होड़कूकू एचे जुमावतेडखन कड़ीगकू रेमा।

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

1 तिसलूनिका 2:14

ने अजी बोपोहकूतिंग, हनन इया अपे हों ईसू मसी एचेरेकू बिसवासतेरा हँकुःआ एहूदिया छतररे भगवानराः कलसियारिकुःआ बिसवासी होड़कूरिकुःआ ञेल सिखात होड़कूपे बड़ाँवयना। हनालगा अपेरिकुःआ जइत सगा होड़कू, एहूदाकू हंडाकुःआ बिसवासी होड़कूकू एचे कटसियातेडकुःआ, हनन इया अपे होंकू एचे कटसियातेरा।

1 तिसलूनिका 2:2

अरू अले अपे एचेरे वेग अते मड़ंग पिलिपी सहररिकुःआ होड़कू अले संतावतेडखनकू एचे बेग-हतावातेडलेःआ। मनदो भगवान डीड़े एमेवातेडलेःआ अरू हँकू मुरुककू घंटावतेडलेःआ अते हों अपे एचेरे सेनेडखन भगवानराः नपाय सरवनले उदुःतेरा।

2 तिसलूनिका 2:5

नाःआ कता अपे सुदायिंग दोहोन मेला अपे एचेरेयिंग कतागोड ञवना हना कता मेरपे उहियारगेतना जा?

2 तिसलूनिका 3:10

अले अपे सुदाले दोहोन मेला नाःआ हुकुमले एमेतेरा। तोनोंगीग होड़ मेरेय बुतातान दो हाँयग होड़ जउः हों अलोय जोम।