1 तिसलूनिका 2:17 - Korwa Bible

¹⁷ ने अजी बोपोहकूतिंग, अले तोनोंग बेला वरी अपे अते एटाः होरले दोहोना। मनदो हननमेला अले अपे बदीरेले ओंगोलगोड ञवनाः। अपे ञेनेल लगा अले उसाडयानले अरू अपे एचेरे सेन लगा मुरुकले कुरनिसतेरा।

1 तिसलूनिका 2:17 Σταυροειδείς Αναφορές

लूका 12:58

ओंगलगेमे। आम आमरीग मुदइ होड़ सुदा फड़ियावदार एचेरेबा सेन मेला, सेनेन सेन दूररे हाँय सुदा राजू नमान लगाम कुरनिसगे। नाःआ उड़ी मेरेम एचेय दो हाँय आम फड़ियावदार एचेरेय ओर गोःयामता, अरू फड़ियावदार आम सिपाही एचेरेय जिमागोडमेता अरू सिपाही आम जेहेलरेय एचे सींगगोडमेता।

लूका 22:15

अरू हाँय हँकू एचेरेय कताया, “ईंग जीवरे गराह गिराह होयाः अते मड़ंग पसहारेकू सरबहाकेरा हना, अपे सुदा जोम लगा ईंगके हिछा दोहोना।

मूक चेलाकू 17:10

रइत होयानेन दो ओहेन तिसलूनिका सहररिकुःआ बिसवासी होड़कू पउलूस अरू सिलास बिरिया सहर अगीकू वारगोतेडकिन। हंडाकिन सोदोरनेन दो हँकिन एहूदाकूराः अरजी ओड़ाःरेकिन सेनेडा।

रूमी 1:13

ने अजी बोपोहकूतिंग, नाःआ कता बदीरे अपे अनसिनहार अहापे दोहोन। एटाः जइत होड़कू बिसवासी होड़कूयिंग बड़ाँवकेरा। हनन इया अपे तलारे हों एचेय लगा ईंग अपे एचेरे घड़ी घड़ी सेन लगायिंग चहाःआ। मनदो नुँहू वरी मेरिंग सेने अवेगना।

रूमी 15:23

मनदो नुँहू ईंग नंडाःआ देसरेयिंग परसार पुरावगोतेरा अरू मुरुक बरिस अते अपे सुदा जुमाः लगायिंग चहाःतना।

1 कुरिंती 5:3

ईंग देनेह देहरे अपे सुदा मेरिंग दोहोन हों, जिनीव जीवरे ईंग अपे सुदा इदानिंगा। ईंग अपे तलारे इदानिंगा हना इया हाँयग होड़ हिगार एंडाय लगायिंग फड़ियावगोतेरा।

कुलूसी 2:5

ईंग अपे सुदा कोवायिंगा, मनदो ईंगराः जीव अँननपे चोटरे इदा। अपेराः नपाय लूर-नेवन, अरू ईसू मसी एचेरे अपेराः बड़ियाड़ बिसवास बदीरे, ईंग अयूमकेडखन मुरुक बहालते इदानिंगा।

1 तिसलूनिका 3:6

दो नुँहू तिमुतियूस अपे अगीते दरवाया अरू अपेराः बिसवास बदीरे अरू एटाः होड़कू सुदा अपेराः अलार-दुलार बदीरे हों नपाय नपाय सरवने कता उदुःतेरा। हाँय कताया, हँकुःआ होड़कू अपे बदीरे नपाय नपायकू उहियार उतराव अगूयतना अरू अपे हँकू ञेल लगापे उसाडगुःतना। हनन इया अपे अरू ञेलपे लगाकू उसाडगुःतना, माःआन।