1 तिसलूनिका 1:8 - Korwa Bible

⁸ दो अपे अते नाःआ बनर राइजरे परबू ईसू मसीराः नपाय सरवन एकला मेर सिंटावगना, मनदो अपेराः बड़ियाड़ बिसवास बदीरे हों एटाः एटाः देसरे सिंटावयना। हनालगा अपेराः बिसवास बदीरे तोनोंगीग एचेरे अले उदुःवाकू लगा तोनोंगाः जरूरी कोवानेःआ।

1 तिसलूनिका 1:8 Σταυροειδείς Αναφορές

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

रूमी 1:8

अपेराः बिसवास बदीरे, चउंदीसरिकुःआ मुरुक होड़कू नपायकू कतायतना। हनालगा ईंग ईसू मसीते, मड़ंगरे अपे लगा अबूरीग भगवानिंग धनियाबादगेयतना।

रूमी 15:26

मकिदुनिया राइजरिकुःआ अरू अकाया राइजरिकुःआ बिसवासी होड़कू अँनकूराः आन-धानते एरुसलेमरिकुःआ गरीब बिसवासी होड़कू संघरावाकू लगा बहालते बिहिरीकू उतराववाडकुःआ।

रूमी 16:19

मनदो अपे बदीरे जमा होड़कू सुसुदीतना, हँकू भगवानराः कताकूनकू मनाःता, माःआन। हनालगा ईंग अपे बदीरे मुरुक बहालरे इदानिंगा। मनदो अपे बदीरे नाःआ इयायिंग चहाःतना, अपे नपाय कता बदीरे कनहूनदारकू अरू बेलूर कता बदीरे बेगर गारबार होड़कूपे बड़ाँव जुवाः।

1 कुरिंती 14:36

दो अपे चेले माःआनपे ओंगलेता? भगवानराः सरवन अँननपे अगीते बुँहड़ीकिया जा? अरू अँननपे एचेरे एकलाकू परसारतेरा जा?

2 कुरिंती 2:14

भगवान ईसू मसीते जमा बेला अबू बहालतेय एचे जितावबूता। अरू हाँय नपाय महकता हना सुनुम इयाःआ मसीराः कनहून, अबूते होड़कूय एचे सुदीगोडकूता। हनालगा भगवानिंग धनियाबादता।

2 कुरिंती 3:4

अले ईसू मसीते भगवान एचेरेले भरसातना। हनालगा नाःआ इयाले कतायतना।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

2 तिसलूनिका 1:4

हनालगा अले अपे बदीरे भगवानराः कलसियाकूनरिकुःआ बिसवासी होड़कू एचेरे अपे भल-भलावातेडखनले कतायता, एटाः होड़कू हँकूकू संतावतना अरू हँकू एचेरे हलकइनकू अगूतना। हनते हों हँकू सहाव घड़ीन असतिरकू दोहोनता अरू हँकू बिसवास मेरकू अड़ाःगेता, माःआन।

2 तिसलूनिका 3:1

टुनुटीगरे ईंगरिकुःआ अजी-बोपोहकूतिंग, ईंग अपे एचेरे मीटोंग बड़रा अरूयिंग कतायतना। परबू ईसूराः नपाय सरवन अपे तलारे सेड़यावनेना। हनन इया परबूराः नपाय सरवन जमा ततेररे ओहेनले सेड़याव अवेय लगा अरू हना सरवन होड़कू मान मरजइतगे लगा अपे अरजीगोड ञवनपे।

1 तिमुतियूस 2:8

हनालगा ईंग चहाःतना जमा ततेररे कलसियारिकुःआ मरद होड़कू बेगर रीसते अरू बेगर अड़ा-चउकीते अँकूराः सुद तिःईकून सेरमो अगी पेरेकेडखनकू अरजी।

2 तिमुतियूस 2:9

अरू हनानाः सरवन लगा कटसिया सहाव घड़ीन ईंग जेहेलरे इदानिंगा। मनदो भगवानराः सरवन तोलतो कोवानेःआ।

3 एहुना 1:12

कलसियारिकुःआ जमा होड़कू दिमेतिरियूस बदीरे नपाय नपायकू कतायता। अरू हाँय भगवानराः सताय सरवन इयाय जियाःतना। अले हों हाँय बदीरे नपाय हिदइतले एमेयतना अरू आम सुदीयतना अलेराः हिदइत सताय इदा।

उदुःतो कताकून 14:6

हनते अरू मीटोंग सेरमो देसरीग बराहील बदरी अते लताररे दोनतोयिंग ञेलतिरिया। हाँय एचेरे सगर सइट वरी दोहोनता हना नपाय सरवन दोहोना। हना सरवन चउंदीसरिकुःआ जमा जइत होड़कू, अरू जमा गोतोररिकुःआ होड़कू अरू जमा भासीरिकुःआ होड़कू अरू जमा राइजरिकुःआ होड़कू एचेरे हाँय पपसार लगा दोहोना।

उदुःतो कताकून 22:17

सुद बिरुवा अरू कनिया कतायता, “वेगमे।” अरू अयुमेता हाँय कताय, “वेगमे।” अरू ततंगतो होड़कू वेग लगा इदा अरू चाहाःताय हाँयग होड़ बेगर दामते जीवराः दाःए ञूय।