1 पतरस 5:8 - Korwa Bible

⁸ अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

1 पतरस 5:8 Σταυροειδείς Αναφορές

मती ओजाःतेरा भगवानराः नपाय सरवन 13:39

अरू हना बिहाने वेरतेरा हाँयग मुदइ होड़ कलउ हवे। इरुः चउंदीस टुटीगगुःता हना बेला हवे अरू इईरकुःआ होड़कू सेरमो देसरिकुःआ बराहीलकू हवे।

मती ओजाःतेरा भगवानराः नपाय सरवन 24:42

अपे मेरपे सुसुदीतना अपेरीग परबू तुमिसे वेगता। हनालगा अपे जगलेपे दोहोन।

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

मती ओजाःतेरा भगवानराः नपाय सरवन 4:1

हना तयोमरे सुद बिरुवा ईसू टयंगाब ततेर अगी अगुवाइतिरिया। अरू हंडा कलउ ईसू अंदजावगेय लगाय दोहोना।

मती ओजाःतेरा भगवानराः नपाय सरवन 4:11

हनते हाँयग कलउ ईसूय अड़ाःगोतेडीग अरू ओहेन सेरमो देसरिकुःआ बराहीलकू ईसू एचेरे वेजेडखनकू सेवातिरिया।

मरकूस 4:15

दूररे लोजोरनेना हना बिहान नाःआ इया होड़कू हवे, हँकू सरवनकू अयूमता, मनदो कलउ वेगवाडखन हँकूराः जीव अते हना सरवने गोःयाता।

लूका 21:34

“जोम ञूयते अरू बुनूलते अरू चउंदीसराः एटाः एटाः ओंगोल कुहकाःते अपेराः जीव अलो बेरुजगुः लगा सवासितीपे दोहोन। निही दो हना टुटीगगुःराः दिन अपे जीवरे फंदा इया असाका वेगता।

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

लूका 22:31

ने सिमोन, अयुमेतनाम? मी होड़ गोहोमे गूमता हनन इया अंदजावपे लगा कलउ भगवान एचेरेय असेकेडपेःआ।

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

2 कुरिंती 2:11

अबू कलउराः बुइदकूनबू सुसुदीतना। हनालगा अबू हाँयराः गारबारबू बराव एंडाय अते कलउ अबू एचेरे ओढोर ओरोय ञेल ञाम अवेतेरा।

इपीसी 4:27

अरू कलउ अपे एचे कसूरपे लगा दाव अहापे एमेवाय।

इपीसी 6:11

लड़ाइ लगा भगवान एमेकेरा हना जमा अवजारकूनपे तुसिंग। दो कलउ अडिगपे अते अँननपे अपे बनसाव अवेनता।

1 तिमुतियूस 2:15

मनदो अइमीकू भगवान एचेरेकू बिसवासगे अरू अलार-दुलार घड़ीन ओंगोल समझावकियानखन सुद जीवकू जियाः दो, हँकू अमिंगगुः मेला भगवान हँकूराः जीवे सडावगोडता।

1 तिमुतियूस 2:9

अइमीकू अकूस मना घड़ीन नपाय तुसिंग रिडुः लगा इदा। हँकू ऊब मुरुक सिंगरावगे अते अरू सोना, मुती अरू मुरुक दामराः सोनहेकून तुसिंगगे अते कोवान,

1 तिमुतियूस 3:11

कलसियारिकुःआ सेवकियायीनकू हों ननन इया मान मरजइतगेयीगकू, जमालेःआ भरसागेयीगकू अरू ओंगोल समझाः अइमीकू दोहोन इदा। हँकू बझउड़ी अइमीकू अलोकू दोहोन।

1 तिमुतियूस 3:2

दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।

तितूस 1:8

मनदो हाँयग मूक होड़ नेत-नेवारकू लगा इदा अरू नपाय बुता एचेगे लगा मंजूरे दोहोन। हाँय सताय, सुद अरू ओंगोल समझावीग होड़ दोहोन लगा इदा अरू तुड़ेंग-तपेग होड़ अलोय होयाः।

तितूस 2:12

जेमहा भगवानके मंजूर कोवानेःआ हना चउंदीसराः जमा बरानाः बेलूर ओंगोलकून अड़ाःकेडखन नाःआ जूगरे अबू अँननबूराः जीव संभाड़गे घड़ीन सतायते अरू भगवानराः ओंगोल इयाबू जियाः।

तितूस 2:2

सपायाड़कू अँननकूराः जीव संभाड़गे लगा अरू नपाय सुरताते बिसवासरे बड़ियाड़ अरू अलार-दुलारते अरू सहाव घड़ीनरे मान मरजइतगे इयाकू जियाः लगाम चेडकू।

तितूस 2:4

जेमहा हुडिंग अइमीकू अँननकू हेपेरेलकू अरू लइंकू अलार-दुलारकू लगा,

तितूस 2:6

नान इया हुडिंग मरदकू हों अँननकूराः जीव संभाड़गे घड़ीन नपाय जीव जियाः लगा इदा।

एकूब 4:7

हनालगा अपे भगवानराः आड़रेपे दोहोन। कलउ अपे जीवरे हातपातगे लगा दोंग अहापे एमेवाय। दो हाँय अपे अतेय ञीर जुवाःता।

1 पतरस 1:13

हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

उदुःतो कताकून 12:10

हनते ईंग सेरमो देस अते मीटोंग मुरुक सटी अरोयिंग अयूमतेरा, “दिन रइत अबूरीग भगवान मड़ंगरे बिसवासी होड़कूय ओपताःआ हाँयग ओपता होड़, चउंदीसरेकू तेके लोजोरगोतेडिया। दो हना अते नुँहू अबूरीग भगवान होड़कू सडावगेराः बेला सोदोरयान, अरू हाँयराः जंगरते राइजगे लगाय बुँहड़ीकेरा, अरू भगवानरीग मसी हों हाँयराः हातपाते उदुःकेरा।

उदुःतो कताकून 12:12

हनालगा सेरमो देसरे इदानपेःआ, अपे जमाकू बनाहाल जुवाःपे। मनदो ने चउंदीसरिकुःआ अरू समुंदररिकुःआ जिया-जउतकून, दरहा अपे एचेरेय उतरावकिया। हाँय एचेरे गुनिनमिन बेला इदा माःआन सुदीकेडखन, हाँय रीस रंजावतो इदानिया। हनालगा अपे दोपे ठीकयना।”

उदुःतो कताकून 12:9

हनते हाँयग लाल मरंग बींग चउंदीसरेकू तेके लोजोरगोतेडीग। हाँय अरू आँयगरिकुःआ बराहीलकू सेरमो देस अतेकू तेके लोजोरगोतेडकू। हाँयग बींग दरहा अरू कलउ माःआनकू कतावायता। हनाँय जमा चउंदीसरिकुःआ होड़कू मनाड़ंग वरीतेय बहकावकूता।

उदुःतो कताकून 20:10

हनते हँकुःआ होड़कू अडिगता हाँयग कलउ, सेंगेल अरू हितकाःतो लेटे दिरिराः हुडिंग समुंदररेय तेके बोलोगोडेयता। हंडा हाँयग जानर अरू भगवानराः बड़रा लबराते कतायीग होड़ हों दोहोनता। हँकू सगर सइट दिन रइत पीरारेकू पिड़ियाः पिड़ियाः ञवनता।

उदुःतो कताकून 20:2

हनते हाँय लाल मरंग बींग साबतेडखन हजार बरिस लगाय तोल दोहोतिडिया। हाँयग लाल मरंग बींग, मड़ंगीग बींग हवे। अरू हनाँय हमा कलउ अरू दरहा।