1 पतरस 5:3 - Korwa Bible

³ अपे एचेरे भगवान जिमाकेडकुःआ हँकुःआ होड़कू एचेरे कटराहा होड़कू इया अहापे हातपातगे। मनदो बिसवासी होड़कू लगा मीटोंग नपाय चिनहा इयापे दोहोन।

1 पतरस 5:3 Σταυροειδείς Αναφορές

एहुना 13:15

ईंग एचेकेरा हनन इया अपे होँपे एचेय लगा चिनहायिंग उदुःवाडपेःआ।

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

1 कुरिंती 11:11

हनते हों परबूराः ओंगोलरे अइमी अरू मरद मिनी इयाय ओंगोलकिनता। अरू हँकिन बना होड़ संघरा होड़ेंग लगा इदानकिना।

1 कुरिंती 3:5

दो अपोलोस इये हवे? अरू पउलूस इये हवे? अलिंग दो हाँयरिकिनाः सेवकियाकिन एकला हवे अरू अपे अलिंगते परबू एचेरेपे बिसवासकेरा। मेमेड होड़ लगा भगवान जिमावाडलेःआ, हनानाः बुता एकलाले बुता ञवनतना।

1 कुरिंती 3:9

दो मनइद कता ननानाः हवे, अलिंग भगवानरिकिनाः सेवा देंगवा होड़किन हवे, अरू अपे भगवानराः दोहोड़ इया इदानपेःआ। अरू अपे भगवानराः ओड़ाः इया हों इदानपेःआ।

2 कुरिंती 1:24

अपे बिसवासरे बड़ियाड़ इदानपेःआ। हनालगा अपेराः बिसवास बदीरे अपे एचेरे हातपातगे लगा मेरले चहाःतना। मनदो अपे बहालगुःता हनारे संघरावापे लगाले चहाःतना।

2 कुरिंती 4:5

अले अँननले बदीरे कोवान मनदो ईसू मसी, परबू हवे माःआनले परसारगेता, अरू हाँय लगा अले अपेरिकुःआ सेवकियाकू इदानलेःआ।

पिलिपी 3:17

ने अजी बोपोहकूतिंग, अपे जमाकू ईंग इया नपाय लूर-नेवनपे सलाः। अरू अले इया नपाय लूर-नेवनतेकू सलाःतना, हँकुःआ होड़कूपे सहियार।

पिलिपी 4:9

ईंग अपेयिंग चेडकेरा अरूयिंग कता उदुःतेरा अरू अपे ईंग अतेपे अयूमकेरा अरू अपे ईंग एचेतपे ञेलकेरा, हना जमाकूनपे मनावगोड ञवन। दो सलसत एमेवाबूता, हाँयग भगवान अपे सुदाय दोनोहोनता।

1 तिसलूनिका 1:7

नाःआते मकिदुनिया राइजरिकुःआ अरू अकाया राइजरिकुःआ बिसवासी होड़कू, अपे इया नपाय जीवकू जियाः लगा चिनहापे बड़ाँवयना।

2 तिसलूनिका 3:9

अपे एचेरे संघरा असेगे लगा अलेके हातपात दोहोना। हनते हों अँननले मुरुक मिहनइतकेडखनले बुता जोमा, जेमहा अपे अलेरिकुःआ ञेल सिखात होड़कूपे बड़ाँः लगा दावपे पवाः।

1 तिमुतियूस 4:12

ने तिमुतियूस, डिंघा इदानमेःआते तोनोंगीग आम हुडिंग अलोकू ओंगोल अवेमे। मनदो आम सुद लूर-नेवनते अरू बड़राते, बिसवासरे अरू अलार-दुलारतेम दोहोन अते, बिसवासी होड़कूके मीटोंग चिनहा इयाम दोहोन।

तितूस 2:7

तितूस आम हों जमालेःआ नपाय बुताम बुता बदीरे एटाःकू लगा चिनहा इयाम दोहोन। आम सुद अरू सताय ओंगोलते,

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।