1 पतरस 5:13 - Korwa Bible

¹³ बाबील सहररे इदानकुःआ सुनावतो होड़कू अपेकू सलामतना। ईंग बेटा इयायीग मरकूस हों अपेय सलामतना।

1 पतरस 5:13 Σταυροειδείς Αναφορές

मूक चेलाकू 12:12

नाःआ कता पतरस सुदीतेड दो, हाँय एहुनारीग एंगात मरियमराः ओड़ाःरेय सेनेडा। हाँयग एहुनाराः एटाः ञाव दोहोना मरकूस। हंडा मुरुक होड़कू जुमावनेनखन भगवान एचेरे पतरस लगाकू अरजीःआ।

मूक चेलाकू 12:25

बरनाबास अरू साहूल अँकिनराः सेवा चबातेडखन एरुसलेम सहर अते अंतकिया सहर अगीकिन कुदायान। सेनेन मेला हँकिन सुदा एहुनाकिन गोःयाड। अरू हाँयग एहुनाराः एटाः ञाव दोहोना मरकूस।

मूक चेलाकू 15:37

हँकिन सुदा मरकूस माःआन एटाः ञाव दोहोना हाँयग एहुना हों गोःगेय लगा बरनाबास ओंगोलतेरा।

मूक चेलाकू 15:39

नाःआ कता बदीरे हँकिन बना होड़ मुरुककिन अड़ा-चउकीयान अरू हना तयोमरे हँकिन एटाः एटाः अगी परसारगे लगाकिन सेनेडा। बरनाबास, मरकूस सुदा जहाजरे सइपरास डुगु अगी तोराय।

कुलूसी 4:10

परसार बदीरे ईंग सुदा जेहेलरे इदानिया, हाँयग अरिसतरकूस अपेय सलामतना। अरू बरनाबासरीग नसी-नता बोहोत मरकूस अपेय सलामतना। अपे मनाड़ंगगिंग उदुःवाडपेःआ मरकूस लगा करा इया अपेके एएचे इदा। हाँय वेग दो अपे हाँय नपायतेपे नेत-नेवारगेय।

पिलेमोन 1:24

ईंगरिकुःआ सेवा देंगवा होड़कू मरकूस, अरिसतरकूस, देमास अरू लूका आमकू सलामतना।

2 एहुना 1:1

भगवान सुनावतिरिया हाँयग अइमी अरू आँयगरिकुःआ लइंकू लगा ईंग अगुवा होड़, नाःआ चिठीयिंग ओजाःगेतना। ईंग अपे मुरुकिंग दुलारपेतना। मनदो ईंग एकला कोवान, भगवानराः सताय कताकू सुसुदीतना हँकुःआ जमा होड़कू हों ईंग सुदाकू दुलारपेता।

2 एहुना 1:13

ईंग सुदा इदानकुःआ सुनावतो मेसेमरिकुःआ लइंकू होंकू सलाममेतना।

उदुःतो कताकून 17:5

अरू हाँयराः समांगरे नाःआ ओकोत इयाःआ ञाव ओजाःतो दोहोना, मरंग सहर बाबील, जमा चउंदीसरिकुःआ सनही अइमीकूरीग एंगात अरू जमा बरानाः एरंगवाताकू हना जिनिसकूनराः सूती।

उदुःतो कताकून 18:2

हाँय मुरुक सटी खिररीनेनखने कतातेरा, “लाययना, लाययना, मरंग सहर बाबील लाययना, हना भूतकूराः ओड़ाः बड़ाँवयना, जमा बरानाः बेलूर दरहाकूराः थान, बेलूर अरू एरंगवाकूताकू हँकुःआ जमा बरानाः तितीगकूराः बथान बड़ाँवयना।