1 पतरस 3:5 - Korwa Bible

⁵ भगवान एचेरेकू असरातेरा हँकुःआ मड़ंग जूगरिकुःआ सुद अइमीकू, ननन इया अँननकू अँकू सिंगारनेना अरू अँननकूरिकुःआ हेपेरेलकूराः आड़रेकू दोहोना।

1 पतरस 3:5 Σταυροειδείς Αναφορές

लूका 2:37

अरू हनते हाँय चउरासी बरिस वरी रंडियाहीने दोहोना। हाँय जमा बेला भगवानराः ओड़ाःरे भगवान जागवाडखन सेवारेय दोहोना अरू रइत दिन उपास घड़ीन भगवान एचेरेय अरजीःआ।

मूक चेलाकू 1:14

हँकुःआ होड़कू ईसूरीग एंगात मरियम अरू आँयग बोपोहकू अरू एटाः बिसवासी अइमीकू सुदा घड़ी घड़ी मिनी जीवकियानखन अरजीगोड ञवना।

मूक चेलाकू 9:36

जोपा सहररे मी होड़ अइमी दोहोना। हाँयराः ञाव दोहोना तबीता। नाःआ लबद उनानी भासीरे डोरकास माःआन हवे (नाःआ बनर लबदकूनराः अरत सरम हवे)। हाँय एटाः होड़कू लगा नपाय नपाये एचेया अरू गरीब होड़कूय संघरावाःआ।

इपीसी 5:33

ईंग अरूयिंग कतायतना, अपे जनामा मरदकू अँननपेरिकुःआ एपेराकू अँननपे इयापे अलार-दुलारकू अरू जनामा अइमीकू अँननपेरिकुःआ हेपेरेलकूपे मान मरजइत।

1 तिमुतियूस 2:10

मनदो, नपाय बुताकूनते अनँयग आँयग सींगराः लगा इदा। भगवानकू जागता, हँकुःआ अइमीकू ननन इयाकू होयाः दो नपाय इदा।

1 तिमुतियूस 2:15

मनदो अइमीकू भगवान एचेरेकू बिसवासगे अरू अलार-दुलार घड़ीन ओंगोल समझावकियानखन सुद जीवकू जियाः दो, हँकू अमिंगगुः मेला भगवान हँकूराः जीवे सडावगोडता।

1 तिमुतियूस 5:10

हाँयग रंडियाहीन बदीरे एटाः होड़कू नाःआ हिदइत, उउदुः लगा इदा, हाँय एटाः होड़कू लगा नपाय संघराय एमेःआ, अनँयग लइंकूय पला दरीतेरा, गुतिया होड़कू होंय नेत-नेवारतेरा, भगवानरिकुःआ सुद होड़कूराः काटे बुहालतेरा अरू सिकिसतारेकू दोहोना हँकुःआ होड़कूय संघरावातेरा अरू हाँय एटाः एटाः इयाःआ नपाय बुता एचेगे लगा लगले इदानिया, माःआन।

1 तिमुतियूस 5:5

सतायरे रंडियाहीन इदानिया अरू तोनोंगीग हाँय संघरावाय लगा मेरकू दोहोनता हाँय, दिन रइत अरजी घड़ीन भगवान संघरागेय लगा हाँय एचेरेय असरागोड ञवनता।

इबरानी 11:11

बिनिसवासते साराह डुकरीयाने, हनारे हों जबानकेरा हाँयग भगवान बिसवासगेयीग इदानिया माःआने सुदीबाःकातेरा अरू हाँयके लँइग होयायान।

1 पतरस 1:3

अबूरीग परबू ईसू मसीरीग अपांग भगवानिंग जागगेयता। हाँय अबू मुरुके मयावाडबुःआ अरू ईसू मसी गोएगतो होड़कू अतेय जियाव रेमकिडिगखन अबू लगा नँवा जीवे एमेकेरा, जेमहा अबू एचेरे, ओरो टुटीगनेना हना असरा दोहोन।