1 पतरस 3:22 - Korwa Bible

²² दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।

1 पतरस 3:22 Σταυροειδείς Αναφορές

मती ओजाःतेरा भगवानराः नपाय सरवन 22:44

परबू भगवान ईंग परबू एचेरेय कतातेरा, ईंग आमरिकुःआ मुदइ होड़कू हरुवावकेडकूखन आमराः काट चोडुः लगा अरीनिंग तुलाकू वरी ईंगराः खउना तिःई गतरमे दुडुःकियानखन आम ईंग सुदाम राइजकू।

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

मरकूस 12:36

दो दाऊद अनँयग आँयग सुद बिरुवाते पेरेगनेनखने कतातेरा, भगवान ईंगरीग परबू एचेरेय कतातेरा, ईंग आमरिकुःआ मुदइ होड़कू हरुवावकेडकूखन आमराः काट चोडुः लगा अरीनिंग तुलाकू वरी ईंगराः खउना तिःई गतर दुडुःकियानखन आम ईंग सुदाम राइजकू।

मरकूस 16:19

दो परबू ईसू हँकू सुदा बड़रानेन तयोमरे सेरमो देस अगी भगवान रेम गोःयाडीग अरू आँयग खउना तिःई गतररेय दुड़ुःयना।

लूका 20:42

दो हनाँय सेरेंगकूनराः कागदरे नाःआ इयाय ओजाःकेरा, परबू ईंगरीग परबू एचेरेय कताया, ईंग आमरिकुःआ मुदइ होड़कू हरुवावकेडकूखन

एहुना 13:32

हाँय एचेरे भगवानराः मान मरजइत होयाः दो, भगवान बेटातेय मान मरजइतगुःता अरू ओहेन हाँये मान मरजइतगोडता।

मूक चेलाकू 1:11

अरू हँकिन कतातेड, “ने गलीलरिकुःआ होड़कू, अपे नंडा चड़ाँकियानखन चिला लगापे संगीलगेतना? अपे अते सेरमो देस अगी भगवान गोःयडिया हनाँयग ईसू करा इया तोराया हनन इयाय कुदा वेगता।”

मूक चेलाकू 3:21

भगवानराः बड़राकू कतायता हँकुःआ सुद होड़कू मड़ंग जूगरेकू कता उदुःतेरा हनन इया भगवान जमाकूने नँवा अरीने तुलागे वरी, ईसू सेरमो देसरे दोहोन लगा इदा।

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

रूमी 8:38

दो ईंग सुनुदीबाःगोतेडिंग भगवान, परबू ईसू मसीते अबूय दुलारता। हना दुलार अते तोनोंगाः अबू ओरो एटाः अवेतेडबुःआ। अबू गुजुःबू सहे जियाःबू, हाँय सगर सइट अबूय दुलार ञवनता। तोनोंगीग सेरमो देसरिकुःआ बराहीलकू सहे हातपात इदा हँकुःआ भूतकू, हँकू भगवानराः दुलार ओरोकू लाय एंडा अवेतेरा।

1 कुरिंती 15:24

हना तयोमरे राइजगेताकू हँकुःआ होड़कू अरू हातपातदारकू अरू जंगरदारकू हरुवावकेडकूखन ईसू मसी अपांग भगवान एचेरे राइजे जिमागोडता। हनमेला चउंदीस टुटीग जुवाःता।

कुलूसी 3:1

भगवान अपे नँवा जीव लगा ईसू सुदाय जियाव रेमकेडपेःआ, दो नुँहू हाँय भगवानराः खउना गतररे राइजगे लगाय दुड़ुःकिया हना सेरमो देसराः कताकूनपे ओंगोलगोड ञवन।

इबरानी 1:13

सेरमो देसरिकुःआ बराहीलकू अते तोनोंगीग एचेरे भगवान नाःआ इयाय कतातेरा जा, ईंग आमरिकुःआ मुदइ होड़कू हरुवावकेडकूखन आमराः काट चोडुः लगा अरीनिंग तुलाकू वरी ईंगराः खउना गतर दुडुःकियानखन आम ईंग सुदाम राइजकू?

इबरानी 1:3

भगवान तुमिन मरंग इदानिया हना हाँयग बेटात उदुःगेता अरू हाँय सिरामइत भगवान बरोबइर इदानिया। हाँय जमा जिया-जइतकून अनँयगराः अगम जंगर सरवनतेय संभाड़गोड ञवनता। हाँय होड़कूराः कसूर बराव एंडाकेडखन सेरमो देसरे इदानिया हाँयग मरंग भगवानराः खउना गतररे हातपात सुदाय दुड़ुःयना।

इबरानी 1:6

अरू भगवान अनँयग मरंगीग बेटात चउंदीसरेय वारेय मेलाय कतायता, “ईंगरिकुःआ जमा सेरमो देसरिकुःआ बराहीलकू हाँयपे जाग।”

इबरानी 10:12

मनदो मसी मिनी तुरहा सगर सइट लगा होड़कूराः कसूरकून बराव एंडा लगाय बलिदाननेना। अरू हना तयोमरे भगवानराः खउना तिःई गतररेय दुड़ुःयना।

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

इबरानी 4:14

भगवानरीग बेटात ईसू सेरमो देसरे अबू लगा मरंगीग मूक पुजउरी इदानिया। हाँय अँननबू इया जमालेःआ अंदजावरेय परावनेना, मनदो तोनोंगाः मेरेय कसूरगाड।

इबरानी 6:20

हंडा ईसू अबू अते मड़ंग अबू लगाय बोलोयना। हाँय मलिकिसिदिक इया सगर सइट लगा मरंगीग मूक पुजउरीय बड़ाँवयना।

इबरानी 8:1

दो मनइद कता ननानाः हवे। अबू लगा सेरमो देसरे भगवानराः खउना तिःई गतररे दुड़ुःतो मरंग मूक पुजउरी ईसू हवे।

इबरानी 9:24

मसी, होड़कू तुलातेरा हना सुद टपइर ओड़ाःरे मेरेय बोलोगान। नाःआ सुद टपइर ओड़ाः दो सेरमो देसराः सताय सुद टपइर ओड़ाःराः उंबूल हवे। मनदो मसी सेनेरमो राइजरेय बोलोकिया, जेमहा नुँहू हाँय अबू लगा भगवान मड़ंगरे बिच-बिचवाईए बड़ाँव जुवाः।