1 एहुना 5:13 - Korwa Bible

¹³ भगवानरीग बेटात एचेरेकू बिसवासगेतना हँकुःआ होड़कू लगा ईंग नाःआ कताकूनिंग ओजाःगेतना, जेमहा अपे सुदी अवे ओरो टुटीगनेना हना जीव अपे लगा भगवान एमेकेरा, माःआन।

1 एहुना 5:13 Σταυροειδείς Αναφορές

एहुना 1:12

मनदो हाँय एचेरेकू बिसवासकेरा, हँकुःआ जमा होड़कू भगवानरिकुःआ लइंकू होयाः लगा हातपाते एमेवाडकुःआ।

एहुना 2:23

ईसू पसहा परोब मेला एरुसलेमरेय दोहोना अरू हाँय मुरुक बयाव जुवाः इयाःआ बुताय एचेतेरा। हना ञेलतेडखन मुरुक होड़कू हाँय एचेरेकू बिसवासतेरा।

एहुना 20:31

मनदो ईसू, भगवानरीग बेटात, मसी हवे माःआन अपे बिसवासगोड ञवन घड़ीन हाँयराः ञावते जीवपे पवाः लगा नाःआ जमा कताकून ओजाःतो इदा।

एहुना 21:24

नाःआ कताकून बदीरे हिदइते उदुःकेरा अरू नाःआ कताकूने ओजाःकेरा हाँयग चेला ननाँय हवे। अबू सुदीयतना हाँय ओजाःकेरा हना जमाकून सताय हवे।

एहुना 3:18

हाँय एचेरेकू बिसवासगेता हँकुःआ होड़कू डंड मेरकू पवाःता, मनदो हाँय एचेरे मेरकू बिसवासगेता हँकुःआ होड़कू डंडकू पवाःता। हँकुःआ होड़कू भगवानरीग मिनी होड़ बेटात एचेरे मेरकू बिसवासगाड। हनालगा हँकुःआ होड़कू डंडियावकू लगा भगवान एटाःकेडकुःआ।

एहुना 5:24

“अपे ईंगपे अयूम! ईंगराः सरवने अयूमता अरू ईंगे वारकेरा हाँय एचेरेय बिसवासगेता हाँयग होड़, ओरो टुटीगनेना हना जीवे पवाःता अरू भगवान हाँय ओरोय डंडियावतिरिया। मनदो हाँय गुजुः अते जीव अगीय बोलोयना।

मूक चेलाकू 3:16

मड़ंगरे खोड़ाय दोहोना नाँयग होड़पे सुदीयतना अरूपे ञेलेयतना। नाँय ईसू एचेरेय बिसवासकेरा अरूय बड़ियाड़यना। अले ईसू एचेरेय बिसवासकेड अते जमा होड़कू ञेनेलतान मेला नाँयग होड़ जमालेःआतेय नपाययना।

मूक चेलाकू 4:12

नाःआ चउंदीसरे होड़कू सडाः लगा अरू एटाः ञाव कोनोवानेःआ अरू अबू सडाव अवे लगा हाँय अड़ाःकेडखन तोनोंगीग एटाः होड़ कोवाया।”

2 कुरिंती 5:1

ईंगरिकुःआ अजी बोपोहकूतिंग, चउंदीसरे अबूराः देह बडे दिन मेर दोहोनता हना कुंबा इया इदा। मनदो हान लाय एंडा जुवाः दो, भगवान अगीते सेरमो देसरे अबू लगा मीटोंग ओड़ाः इदा। सगर सइट लगा दोहोनता हना ओड़ाः होड़कूराः तुलात ओड़ाः ना लवे।

गलातिया 4:6

नुँहू अबू भगवानरिकुःआ लइंकूबू बड़ाँवयना अते, हाँय अनँयग बेटातराः बिरुवा अबू जीवरेय वारकेरा। हनाँय बिरुवाते अबू हाँय, ने अबबा, ने अपांग, माःआन चइड़ घड़ीनबू राः अवेयता।

1 पतरस 5:12

दो ईंगरिकुःआ अजी बोपोहकूतिंग, ईंगरीग बिसवासगेयीग सउंगता सिलवानूसराः संघराते, ईंग नाःआ हुडिंग चिठीयिंग ओजाःकेरा। अपेराः जीविंग कता बहालगे लगा अरू भगवानराः मया अबू जीव लगा सताय हवे माःआनपे सुदीबाःका लगायिंग ओजाःकेरा। दो अपे नाःआ सताय मयारेपे सनालावगोड ञवन।

1 एहुना 1:4

नाःआ कताते अबू जमालेःआते बहालगुः लगाले ओओजाःतना।

1 एहुना 2:1

ने ईंगरिकुःआ लइंकू इया होड़कू, अपे अहापे कसूरगे लगा ईंग नाःआ कता अपे लगा ईंग ओजाःगेतानिंग। मनदो तोनोंगीग होड़ कसूरगे दो, बेगर गारबारीग ईसू मसी अबूराः कसूर बराव एंडागे लगा उकील इया अपात भगवान एचेरे इदानिया।

1 एहुना 2:21

ईंग अपे सताय कता मेरपे सुदीयतना माःआन ओंगोलकेडखन मेरिंग ओओजाःतना। मनदो अपे सताय कतापे सुदीयतना माःआन ओंगोलकेडखनिंग ओओजाःतना। अपे नाःआ होँपे सुदीयतना सताय बड़राते तोनोंग लबरा कता मेर उडुंगगुःता।

1 एहुना 2:25

अरू ननानाः ओरो टुटीगनेना जीव एमे लगा भगवान अबूय जबानवारा।

1 एहुना 2:26

तोनोंग तोनोंग होड़कू अपे अडिग लगाकू ओंगलेता। हनालगा ईंग अपे सेताव घड़ीनिंग ओजाःगेतना।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।

1 एहुना 4:9

भगवान नाःआ इया अबूय दुलारकेरा। भगवान अनँयगरीग मिनी होड़ बेटात ईसू नाःआ चउंदीसरेय वारतिरिया, जेमहा अबू हाँयतेबू जियाव अवेन।

1 एहुना 5:10

भगवानरीग बेटात एचेरेय बिसवासगेतना हाँयग होड़ अनँयग जीवरेय सुनुदीयतना भगवानराः हिदइत सताय हवे माःआन। भगवानराः कता मेरेय मनाःता हाँयग होड़ ओंगलेता, भगवान लबरातना, माःआन अरू भगवान आँयग बेटात बदीरेय कताकेरा हना कता हँकू मेरकू बिसवासगेतना।

1 एहुना 5:11

भगवान नाःआ हिदइते एमेकेरा, हाँय अबू लगा ओरो टुटीगनेना हना जीवे एमेकेरा अरू हना जीव आँयग बेटात अतेबू पवावकिया।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।