1 एहुना 4:20 - Korwa Bible

²⁰ तोनोंगीग होड़ कतायता, ईंग भगवानिंग दुलारतना, माःआन। मनदो एटाः बिसवासी होड़कू मेरेय अलार-दुलारकूता, हाँय लबरा होड़ हवे। तोनोंगीग होड़ हाँय सुदाय दोहोनता हाँयग बिसवासी वगात मेरेय अलार-दुलार अवेयता दो मेरेय ञेलगरिया हाँयग भगवान हाँय करा इयाय अलार-दुलार अवेय?

1 एहुना 4:20 Σταυροειδείς Αναφορές

एहुना 13:35

अपे अँननपे अपे अलार-दुलार होड़ेंग दो ननानाः अते जमा होड़कू सुदीगोडपेता अपे ईंगरिकुःआ चेलाकू हवे, माःआन।”

1 पतरस 1:8

अपे नुँहू वरी ईसू मसी मेरपे ञेलगडिया। हनते हों अपे हाँयपे दुलारतना। अपे नुँहू हों हाँय मेरपे ञेलेयतना, हनते हों अपे हाँय एचेरेपे बिसवासगोड ञवनतना, अरू ओरोपे उदुः चबा अवेतेरा हना मुरुक बगरा बहालते इदानपेःआ।

1 एहुना 1:6

अबू अंदरारे दोहोन इया बेलूर बुताबू एचे ञवनता अरूबू कतायता, अले भगवान सुदा मिनी इदानलेःआ माःआन दो, अबू लबरातना अरू अबू सताय कता इया मेरबू सलाःतना।

1 एहुना 1:8

अबू अँननबूराः बदीरेबू कतायता, ईंग मेरिंग कसूरगरा, माःआन दो अबू अँननबू अडिग जोमता अरू अबूराः जीवरे सताय कता कोवानेःआ।

1 एहुना 2:11

तोनोंगीग होड़ अनँयग बिसवासी वपक बोपोहकूय हिनइस-बिनइसवाकूता दो, हाँय कसूरराः अंदरारे इदानिया। कसूर अते हाँय अंधायना अरू हाँय मेरेय सुदीयता ईंग करा अगींग सेनतना हना।

1 एहुना 2:4

तोनोंगीग होड़ कताय, ईंग भगवानिंग सुदीयतना, माःआन मनदो हाँय भगवानराः नियम मेरेय मनाःता दो हाँय लबरा होड़ हवे अरू भगवानराः सताय कता मेरेय सुदीयतना।

1 एहुना 2:9

तोनोंगीग होड़ कताय, ईंगराः जीव मरसल इया नपाय इदा, माःआन अरू हाँय आँयग बिसवासी वपक बोपोहकूय हिनइस-बिनइसवाकूता दो, हाँय नुँहू वरी हों कसूरराः अंदरारे इदानिया।

1 एहुना 3:17

तोनोंगीग होड़ एचेरे जोम जियाः लगा मुरुक इदा अरू हाँय ञेनेलता अनँयग बिसवास वपक बोपोहकू एचेरे जोम जियाः लगा कोवानेःआ। मनदो हाँयग होड़ जोम जियाः लगा तोनोंग कोवानेःआ हाँयग होड़े सोगावडीगखन मेरेय एमेय दो हाँय एचेरे करा इया भगवानराः दुलार दोहोन?

1 एहुना 4:12

तोनोंगीग होड़ भगवान नुँहू वरी मेरकू ञेलगडिया। मनदो अबू अलार-दुलार होड़ेंगता होले भगवान अबू जीवरेय दोहोनता अरू हाँयराः दुलार अबू जीवरे उडु-बुडू जुवाःता।