1 एहुना 3:6 - Korwa Bible

⁶ हाँय सुदा नपाय नतारेय दोहोनता हाँयग होड़ मेरेय कसूरगोड ञवनता अरू कनासूरगोड ञवनताय हाँयग होड़ तोनोंग बेला हों ईसू मसी मेरेय ञेलगडिया अरू मेरेय सुदीगडिया।

1 एहुना 3:6 Σταυροειδείς Αναφορές

2 कुरिंती 3:18

मनदो बिसवासगेता अबू जमाकू हुमू आह बेगर पता रेडतो अते परबूराः अगम जबड़ जंगरबू अटकारगेता। परबू सुद बिरुवा हवे अरू हाँय अते हना जंगर अरू बगरा बगरा अटकार घड़ीनबू बदलाव इदीनता, जेमहा अबू परबू बरोबइरबू होया जुवाः।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

1 एहुना 2:28

ने ईंगरिकुःआ लइंकू इया होड़कू, ईंग अपे एचेरेयिंग कतायतना, मसी सुदापे सनालाव ञवन, दो हाँय सेरमो देस अते कुदा वेग मेला, अपे डीड़तेपे दोहोनता अरू ओरोपे गियूनेना।

1 एहुना 2:3

अबू हाँयराः नियमकूनबू मनाःता दो अबू सनातायरेबू सुदी अवेयता अबू भगवानबू सुदीयतना, माःआन।

1 एहुना 2:4

तोनोंगीग होड़ कताय, ईंग भगवानिंग सुदीयतना, माःआन मनदो हाँय भगवानराः नियम मेरेय मनाःता दो हाँय लबरा होड़ हवे अरू भगवानराः सताय कता मेरेय सुदीयतना।

1 एहुना 3:2

ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।

1 एहुना 3:9

भगवानराः लूर नेवन आँयगरिकुःआ लइंकू एचेरे दोहोनता। हनन लगा हँकू मेरकू कसूरगोड ञवनता। हँकू भगवान अगीतेकू जनमावकिया। हनन लगा हँकू ओरोकू कसूरगोड ञवननेना।

1 एहुना 4:8

भगवान सगर सइट होड़कूय अलार-दुलारता। अरू एटाः होड़कू मेरेय अलार-दुलारकूता हाँयग होड़, भगवान मेरेय सुदीयता।

1 एहुना 5:18

अबू सुसुदीतना भगवानरिकुःआ लइंकू ओरोकू कसूरगोड ञवननेना। भगवानरीग बेटात हँकूय बनसावता अरू बेलूर इदानिया हाँयग कलउ, हँकू तोनोंग इया ओरोय हानी अवेतेडकुःआ।

3 एहुना 1:11

ने ईंग सउंगता, तोनोंगीग होड़राः बेलूर लूर-नेवन इया अलोम जियाः, मनदो नपाय लूर-नेवनतेकुःआ होड़कू इयाम जियाः। तोनोंगीग होड़ नपाय नपाय बुताय एचेयता हाँय भगवानरीग होड़ हवे। मनदो बेलूर बुताय बुताता हाँयग होड़ भगवान कहियो मेरेय ञेलगरिया।