1 एहुना 3:21 - Korwa Bible

²¹ अबू जीवरे कसूरराः बोझा मेर दोहोन दो भगवान एचेरे डीड़तेबू सेने अवेनता।

1 एहुना 3:21 Σταυροειδείς Αναφορές

रूमी 14:22

आम बिसवासगेता हना कता बदीरे भगवान मड़ंगरे, आम अनम जीवरेम दोहोगे। तोनोंगीग होड़ तोनोंगाः कता नपाय इदा माःआने ओंगलेता, अरू हना कता बदीरे अनँयग आँयग मेरेय बदीनता, हनाँयराः जीव नपाय दोहोनता।

1 कुरिंती 4:4

मनदो ईंगरीग फड़ियावदार भनगवान हवे। अरू ईंग इंदरीरे गुनमिन हों बदीन इया ओंगोल कोवानेःआ। हनते हों ईंग भगवानराः ओंगोलरे बेगर गारबार होड़ मेरिंग बड़ाँव अवेनता।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

इपीसी 3:12

अबू ईसू मसी एचेरे बिसवासकेडबूखन हनाँयते भगवान एचेरे बेगर बोरते अरू मुरुक डीड़तेबू सेने अवेनता।

1 तिमुतियूस 2:8

हनालगा ईंग चहाःतना जमा ततेररे कलसियारिकुःआ मरद होड़कू बेगर रीसते अरू बेगर अड़ा-चउकीते अँकूराः सुद तिःईकून सेरमो अगी पेरेकेडखनकू अरजी।

इबरानी 10:22

दो हनालगा अबू नपाय ओंगोलते अरू मिनी जीवते बिसवासकेडखन भगवान एचेरेबू सेन। अबूराः इंदरी बेलूर ओंगोलते इरची सुदकेडखन अरू अबूराः देह सुद दाःते एचे बुहालकियानखन हाँय एचेरेबू सेन।

इबरानी 4:16

अरू डीड़ घड़ीन मयादार भगवानराः गदी अगीबू सेन, जेमहा हाँय अबू मयावा घड़ीन अबूराः जरूरइत मेलाय संघरावाबू।

1 एहुना 2:28

ने ईंगरिकुःआ लइंकू इया होड़कू, ईंग अपे एचेरेयिंग कतायतना, मसी सुदापे सनालाव ञवन, दो हाँय सेरमो देस अते कुदा वेग मेला, अपे डीड़तेपे दोहोनता अरू ओरोपे गियूनेना।

1 एहुना 2:7

ने ईंगरिकुःआ सउंगताकू, ईंग अपे लगा तोनोंग इयाःआ नँवा नियम मेरिंग ओओजाःतना। मनाड़ंग जूग अते अपे एचेरे इदा अरूपे अयूमकेरा हनानाः सरवन हवे ननानाः नियम।

1 एहुना 3:2

ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।

1 एहुना 3:20

हनालगा तोनोंगाः कतारे अबू अँननबूकू जाःता होले हों भगवान एचेरे डीड़तेबू सेने अवेनता।

1 एहुना 4:17

नाःआ इया अबू जीवरे दुलार उडु-बुडू जुवाःता, जेमहा ईसू नाःआ चउंदीसरेय जियावनेना हनन इया अबू हों जियाः दो, फड़ियावराः दिनरे अबू डीड़तेबू दोहो अवेनता।

1 एहुना 5:14

अबू भगवानराः हिछा इया हाँय एचेरे तोनोंगाःबू असे दो हाँय अबूय अयूमता। नाःआ अते भगवान एचेरे अरजी लगा अबूके डीड़ होयाःता।