1 एहुना 3:15 - Korwa Bible

¹⁵ अनँयग बिसवासी वपक-बोपोहकूय हिनइस-बिनइसवाता हाँयग होड़, ञेड एएंडा होड़ हवे अरू अबू सुसुदीतना ञेड एएंडा होड़कू ओरो टुटीगनेना हना जीव ओनोरोकू पवावनेना।

1 एहुना 3:15 Σταυροειδείς Αναφορές

मती ओजाःतेरा भगवानराः नपाय सरवन 5:28

मनदो अपे ईंगपे अयूम, तोनोंगीग होड़ बेलूर ओंगोलते तोनोंगीग अइमीय ञेल दो, हाँय हाँयग अइमी सुदा अनँयग इंदरीरे सनहा बुताय एचेगोतेरा।

मरकूस 6:19

हनारे हों हेरोदियासराः जीव बहालगुः लगा हरदोस एहुना एचे साबवाडीगखन जेहेलरेय एचे सींगगोतेडीग।

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

मूक चेलाकू 23:12

एटाः दिन एहूदाकू बुइदकू तुलातेरा अरू किरिया कसटकू जोमा, पउलूस अरीनबू ञेड एंडागेय वरी तोनोंगाः अलोबू जोम अरूबू ञूय, माःआन।

मूक चेलाकू 23:14

हँकू मरंग पुजउरीकू अरू एहूदाकूरिकुःआ मूक होड़कू एचेरे सेनेडखनकू कताया, “पउलूस अरीनले ञेड एंडागेय वरी तोनोंगाः ओरोले जोम ञूतेरा, माःआन मीटोंग किरिया कसटले जोमकेरा।

एकूब 1:15

नाःआ इयाःआ ओंगोलरेकू सेनतान दो हँकू कसूरगेता। अरू हना कसूर बगरा जुवाःतान दो हँकुःआ होड़कू गोएग जुवाःता।

1 पतरस 1:23

अपेराः नँवा जनम तोनोंगाः लाय जुवाःता हना जिनिसते मेर होयागना, मनदो जीव एमेयता अरू कहियो ओरो टगावनेना हना भगवानराः सरवनते होयाकिया।

1 एहुना 2:11

तोनोंगीग होड़ अनँयग बिसवासी वपक बोपोहकूय हिनइस-बिनइसवाकूता दो, हाँय कसूरराः अंदरारे इदानिया। कसूर अते हाँय अंधायना अरू हाँय मेरेय सुदीयता ईंग करा अगींग सेनतना हना।

1 एहुना 2:9

तोनोंगीग होड़ कताय, ईंगराः जीव मरसल इया नपाय इदा, माःआन अरू हाँय आँयग बिसवासी वपक बोपोहकूय हिनइस-बिनइसवाकूता दो, हाँय नुँहू वरी हों कसूरराः अंदरारे इदानिया।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”